مرنم عبد المسيح صادق (33 ترنيمة )

1-(لما أجتزت أنا في التجارب
والريح هاجت عليَّ
جاني ربي بنفسه قال لي
أنت ابني اسرع إليَّ)2
(أزمة هاعديها والريح هاهديها)2
(ماتخفش ع المركب ع البر أرسيها)2
2-(لحظة قُلت إنه ناسيني
أتاريه كان بيواسيني
ولا لحظة واحدة أتخلى عني
وسمعت صوته بيناديني)2
(في آلامك أتألم اخضع لي واتعلم)2
(اصمت لا تتكلم أنا سندك الدايم)2
3-(لما دُقت طعم الآلام
ما احتملت حتى الكلام
جاني ربي بنفسه قال لي
ماتخفيش هاعطيك سلام)2
(هاشفي أمراضك أنا سر شفائك)2
(وأحقق أحلامك وتعيش وتخدمني)2
4-(جاني ربي وقال انا هو
لما لمسني أعطاني قوة
بكلمة واحدة منه سباني
خلاني أهتف له بأغاني)2
(أسجد أمامك أشكر أفضالك)2
(وأعيش حياتي العمر كله عبد خدامك)2

القرار – (لسة الباب مفتوح ادخل ياللي بعيد
لو ضاعت الفرصة ندمك مش هايفيد)2
1-(اللي هايقفل مش إنسان ممكن تترجاه يفتح لك
لا ده الرب الديّان إيه عذرك ماهو ياما نده لك)2
2-(ياللي غرورك يوم خلّاك تنسى جراح وآلام وصليب
حاسب آخر البعد هلاك حاسب آخر البعد لهيب)2
3- (عهد النعمة اليوم بينادي ارجع يالا يا كل بعيد
افرح ويا يسوع الفادي في الأبدية الفرح يزيد)2

القرار – (وَطّي يا سحابة وَطّي و ظللينا
المسيح مشيئته راحة وحبه لينا)2

1- (عارف إن الشمس حرَّها يفنينا)2
علشان كده جانا الفادي وظلل علينا
2-(ربي عارف نفسي حزنها يحنينا)2
جانا الفادي جانا بنفسه علشان يعزينا
3- (عارف إن الغربة طوّلت علينا)2
علشان كده جانا الفادي و لمجده يودّينا
4- (عارف إن الرحلة مخاطرها كتيرة)2
ماشي معانا لحظة بلحظة و سحابه مغطينا

1- (حررني من العبيد جابني وأنا كنت شريد)2
(متّعني بالمواعيد في كل يوم باحياه)2
القرار – (نزل لغاية عندي ورفعني لأعلى سماه
وبعد الموت أحياني وعطاني أسمى حياة)2
2-(وإداني أعيش بإراداة وبقيت صاحب السعادة)2
(وكل يوم بزيادة هنايا وفرحي معاه)2
3- (وخدني من المعاصي جلسني على الكراسي)2
(بغناه ضمن لي خلاصي لحد ما أكون في سماه)2
4-( خطايايَّ بدمه محاها في بحر النسيان ورماها)2
(ولا في ماضي لذكراها على الشاطئ النجاة)2

1- (كان حكم الموت عليَّ ومذنب في الجميع
طلعني يسوع براءة وصار ليَّ شفيع)2
(وتمن براءتي موته مصلوب على الصليب
بذل عن نفسي ذاته شكراً ليك يا حبيب)2
2- (كان ديني تقيل عليَّ وسداده مستحيل
حن يسوع عليَّ وقدِّم الدليل)2
(الله بيِّن لي حبه وأنا خاطي وأثيم
بذل عن نفسي ابنه أنقذني من الجحيم)2
3- (إني أطلع براءة ده كان ولا في الخيال
لا يخطر على بالي مليون مليون محال)2
(لكن يسوع حبيبي حقق ليَّ المحال
شال عني كل أوجاعي واتحمل الأرذال)2

القرار - أنا أنا (أنا يسوع)2 الماضي أنا أنا (أنا يسوع)2 الحاضر
أنا أنا (أنا يسوع)2 المستقبل أنا يسوع المستقبل

1- (اوعى تفكر إني نسيتك زي ما قالت صهيون زمان
لو نسيتك تُنسى يميني حافظك في إيدي وعيني كمان)2
2- (مرضاً لا أضع عليك لأني أنا الرب شافيك
مش ممكن أتخلَّى عنك طول الرحلة أنا عيني عليك)2
3- (اوعى تحوِّل نظرك عني دي غربة صعبة وفيها آلام
ما خلاص هانت بكرة تروّح وهانسِّيك هم الأيام)2

1- (قد فرّح قلبي وأبهج روحي أيضاً حتى جسدي يسكن في رجاي)2

القرار – (أمامه شبع سرور في يمينه نِعَم إلى الأبد تدوم)2

2- (ده حبيبي يا ناس ولا فيش زيه ده مات علشاني فداني بدمه)2
3-(الرب أمامي فلا أجذع لأنه عن يميني لا أُزَعزع)2
4- (الرب وعدني ووعده أكيد إنه هاياخدني للبيت السعيد)2
5-(ده حبيبي يا ناس وأعز حبيب ده مات علشاني على عود الصليب)2

القرار – وداع للحزن قالها قلبي ومافيش جِراح
غيرني يسوع ربي (وقالّي مبروك سماح)2

1- (لا مكان في حياتي لضيق ولا بُغضة لأي صديق)2
ولا خوف من الطريق لما أشرق الصباح
2- (غنَّى قلبي للحياة محبة لكل الأعداء)2
عمري معاه ابتدى عمري معاه في نجاح
3- (في الغربة لا عطش ولا جوع وأنا قلبي شبعان بيسوع)2
ربي نوّر الشموع بالبهجة و بالأفراح

1-(دموعي الحزينة مين يمسحها غيرك
وآهاتي المريرة مين يسمعها غيرك)2
القرار – (ولمين غيرك أروح وأنت الآب الحنون
تشفي ليَّ الجروح تنزع مني الشجون)2
2- (وجروحي العصيبة مين يشفيها غيرك
وحياتي الكئيبة مين يسعدها غيرك)2
3- (وسفينتي الحيرانة مين هايقودها غيرك
ونفسي التعبانة مين يريحها غيرك)2

القرار – (تهتف كل أجناس الأرض وترتل ليسوع البار
وتزيد التسبيح والمجد كُنّا عبيد وبقينا أحرار)2

1- (من أحضان الموت وأنيابه أنقذنا الرب القدوس
سدد كل الدين بآلامه وحرر كل النفوس)2
2- (بيك نتشدد وسط الغربة نعلن مجد ونصر أكيد
كل ثقتنا في شخصك ربي يوم عن يوم يا يسوع بتزيد)2
3- (فاتح قلبك لينا تمَلّي يد بتحمي ويد تصون
في كل أحوالنا ليك بنسلِّم ياللي الصعب معاك بيهون)2