أسمك عالى (10 ترنيمة )

القرار – (اسمك عالي مش إحنا اللي بنعليه
دمك غالي كل رجانا يارب فيه)2
1-) فك القيد أطلق عبيدك خلي الروح تهيم وياك
إحنا أولادك صنعة أيدك هدفنا كله نفوز برضاك)2
2-) فيك نصرتنا وأنت رايتنا عايشة قلوبنا بتستناك
مفيش غيرك يسمع صوتنا حتى وأنت في أعلى سماك)2
3-) فيض بروحك افرد أيدك غطي بدمك كل عبيدك
نهتف نفرح ربي نزيدك على إحسانك مع تجديدك)2

القرار – (تهتف كل أجناس الأرض وترتل ليسوع البار
وتزيد التسبيح والمجد كُنّا عبيد وبقينا أحرار)2

1- (من أحضان الموت وأنيابه أنقذنا الرب القدوس
سدد كل الدين بآلامه وحرر كل النفوس)2
2- (بيك نتشدد وسط الغربة نعلن مجد ونصر أكيد
كل ثقتنا في شخصك ربي يوم عن يوم يا يسوع بتزيد)2
3- (فاتح قلبك لينا تمَلّي يد بتحمي ويد تصون
في كل أحوالنا ليك بنسلِّم ياللي الصعب معاك بيهون)2

القرار- (ليك خطة وترتيب في حياتي ليك خطة وترتيب
ضامن فيك العمر الآتي ضامن فيك كل المواعيد)2
1-(نعمتك سبقت رجوعي قبل وجودي من التكوين
بالحنان أشبعت جوعي مابقيتش من المحتاجين)2
2-(خطتك كانت لنجاتي من دينونة وموت أكيد
كان عليَّ الحكم آتي والعقاب كان لي شديد)2
3-(رحمتك رفعت لي راسي عوضت لي عن السنين
نَجيتني علّت إحساسي علمتني أكون أمين)2
4-(كِلمتك رسمت جوايا أحلى صورة لأحلى سيد
وأبتدي منين الحكاية حبك يوم ورا يوم بيزيد)2

1- (جايلك وبكل ذنوبي نفسي أتغير يا يسوع
تستر لي كل عيوبي تمسح من عيني الدموع)2

القرار – (راجع من تاني ياربي من بعد عذاب ومرار
تُهت في وادي أحزاني راجع دلوقتي اختار)2
راجع دلوقتي اختار

2- (راجع وفي قلبي شوق تعبت من الحِرمان
شيل عني كل أحمالي جاي أرتمي في الأحضان)2
3- (راجع وفي قلبي إيمان تغيّر كل ما فيَّ
تديني قلب جديد يخدم اسمك يا فاديَّ)2

1-(مش كتير يارب عليك نعيش بكل أمانة
ونخلّي حياتنا تشهد روحك يفيض جوانا)2
القرار- (امسك يا رب أيدينا معاك طول الطريق
ده مين يقدر علينا ما أنت ماسك بالأيد)2
2-(العالم كله يعرف إنك أنت أبونا
بنحبك ليك بنسلم ونهدي ليك أغانينا)2
3-(خلّينّا نشهد ليك ونقول للعالم لا
ونعمل اللي يرضيك مش بس يرضي الناس)2

1- (خلّي محبتنا لبعضينا محبة ثابتة وما بتزول
واسمك يعلى في أراضينا و قلوبنا تهتف وتقول)2

القرار – (الهدف أهو واضح جوانا نخدم نكرز بالمصلوب
و إيديك لينا محاوطانا شوقنا ليسوع المحبوب)2

2- (شيل الزيف من وسطينا مجدك فينا يغطينا
خلّي عيوننا تشوف مجدك ننشد نهتف لفادينا)2
3- (وحدنّا وخلينا نكون قادرين على هدم الحصون
تسبيحنا هايعلى ونقول سلطانك على كل الكون)2

1- (أنا قلبي اللي عشانك اتحمل كتير
داق العذاب بدالك وخدت انت التبرير)2

القرار – (وانت ولا سامع ندايا وانت ولا قابل دعايا)2
(رافض و بقساوة وحياتك في الضياع)2

2- (بُص يا بني لجروحي وسيبك من القََسيّة
على الصليب بدالك شِلت أنا القضية)2
3- (كم مرة كنت بتسمع وترفض حبي ليك؟
تعالَ قلبي مشتاقلك مستني ترجع إليه)2

1-(هنروح وإن طالت بينا المسافات
هنروح وإن زادت نار الحروبات
هنروح وهندخل سما السماوات)2
القرار- (ونقابل حبيب الروح
ونقبل كل الجروح)2
(كل الأحزان هتروح وننسى كل الألمات)2هنروح
2-(هنروح مالناش هنا في الأرض مكان
هنروح ونشوف الفادي الحنّان
هنروح نستوطن وطن الأوطان)
3-(هنروح واللي تعِب في السما يرتاح
هنروح ونشاهد صاحب الجراح
هنروح وأنا قاصده وماشي سوّاح)2

1-(ياللي سامعني في بُكايا قبل ما أنده بالاقيك معايا
تديني أمان وتوهبني سلام وأنا مِتصان في أيديك يا يسوع)3
وأنا مِتصان في أيديك يا يسوع
2-(نفسي ياربي تغرس فيَّ غصن أخضر مليان ثِمار
مليان محبة مليان حنان وأنا مِتصان في أيديك يا يسوع)2
وأنا مِتصان في أيديك يا يسوع
3-باشهد عنك ربي يسوع ولساني يسبح بكل خشوع
والفرح يزيد مليان مواعيد وأنا مِتصان في أيديك يا يسوع)2
وأنا مِتصان في أيديك يا يسوع