مش حدوتة (14 ترنيمة )

القرار - إله الكون.. ربي يسوع بكمال قلبه
بيرعىَّ ويحمي بمهارة إيديه
إله الكون.. كل الأمور هي في إيده
والكل مكشوف تحت عينيه

١- إله حنون واقف جنبي في كل الظروف إيده في إيديَّ
إلهي راعي أمين دايماً بيقبلني برغم اللي فيَّ

١- إلهي يسوعي أنت سيد كل الأرض والسما
ده ليك القوة.. قلبي من جوه بيهديك كل العز والغنى

القرار - وعشان إنت السيد: الكون بيخضع ليك
ده مفيش غيرك سيد.. أنت يسوع
أنت أحلى ما في الكون.. أصواتنا تغني ليك
وهدفنا المجد نرفع لاسمك

٢- إله غير محدود.. على الكل أنت تسود بحكمتك
إله بيقول كلمة فتكون سلطانك فوق الكل بقدرتك

عيني ماشفتش حد في جمالك
قلبي عمره ما لمس حد في حنانك
وفي كل مرة باشوف نظرة عينيك
قلبي يسلم ويقولك أنا ليك
أنا ملك إيديك.. ملك إيديك إنت يا سيدي
ملك إيديك.. باختارك إنت نصيبي

١- أنت يا ربي أغلى ما عندي ساكن في قلبي.. بتحبني
اسمك كفايتي.. يا مصدر رعايتي دايماً في حضنك بتضمني

القرار - أنا مش عارف.. من غير حنانك
من غير سلامك.. أنا هاعمل إيه
حبك يا ربي دوب لي قلبي غير لي فكري.. غرقني فيك

٢- حبك عشاني.. قلبك مكاني مفيش أحلى منك.. أنا كلي ليك
كلامك ضماني.. وعودك أماني بعيش تحت ضلك.. وعيني عليك

الرب يهوه إلهي.. هو إله الآلهة
الرب يهوه إلهي.. هو رب الأرباب
الإله العظيم.. الإله الجبار
الإله المهيب.. لا يأخذ بالوجوه

القرار - تخلص مني كل الأغاني ولسه يا يسوع
وصفك فيه أجمل كلام ومعاني يا يسوع

١- فكري عارف.. قلبي شايف
في أي حتة بلاقيك دايماً يارب محاوطني
ترعاني وأنا بين إيديك

٢- ده في قلبك لي كل الخير وسلام للمنتهى
ما أكرم أفكارك عندي بحبها

١- في وقت الشروق وظلام السما بيدوب
تشوف لوحة مرسومة بإيدين فنان مهوب
راسم شمس طالعة بلون دهبي جميل
ونور وسط السحاب يضوي زيه مالوش مثيل


القرار - عظيمة يارب أعمالك صنعتها بحكمة
عجيبة يارب أحكامك.. ليك كل القدرة


٢- في وقت الغروب ونجوم مستنية
الليل يجي على الكون وتنور هي
في السما مرصوصة بإيد مش بشرية
بتعلن مجد الله بمهابة وحكمة إلهية

١- قدام صفاتك يا يسوع سكت اللسان عن الكلام
بإيه يعبر أو يقول والنظرة ليك عشق وهيام
ده صلاحك ملوش حدود ياللي إنت دايماً أمين
من الأزل موجود ملجأ وصخر ومعين


القرار - تعلالك بهتاف أغانينا.. بحمد القلب وشكره اللي مالينا
تسبيحك طول أيامنا وليالينا.. يعلن إنك دايماً إله عظيم


٢- أعمال إيديك يا يسوع تشهد إنك إنت الله
تشفي وتشبع وتمسح دموع تغفر خطايا وتدى حياة
الميت بكلمة يحيا والأعمى بلمسة يشوف
وتمشّي على المية اللي إيمانه فوق الخوف

١- كان نفسي ربي كل الدنيا أجيبها ليك
لكن مكنش قصاد حنانك ده يوفيك
ولو قدرت أجيبلك حاجة وأهديك
مملكش غير قلبي اللي ساجد عند رجليك


القرار - إنت إلهي.. إنت أبويا.. إنت حبيبي وكل المنى
بحبك ودايماً هاعيش في حضورك ياللي حبتني.. بحبك أنا


٢- ربي. بجد. أنا مديون بحياتي ليك
قلبي وروحي وكل كياني بيجروا عليك
وطول أيامي أعيش بأمانة وأنا بارضيك
دي فرحة قلبي.. وكل كفايتي فرحة عينيك

١- عمره ما كان الفدا حدوتة تتحكي على مر السنين
أو واحد مات بأصعب موتة والقلب عليه يعيش حزين
لكن اللي مات ده كان يسوع رب الوجود
ولأنه هو الله بسلطان قام من الموت

القرار - بحبك عشان حبيتنى وبدون مقابل
حبك ده غالي عليَّ.. أنا ماكنتش أستاهل

(من هو إله مثلك ربي.. غافر الإثم.. صافح عن الذنب )٢
(فإنك دائماً تسر بالرأفة.. يا راعينا
تعود ترحمنا.. تدوس آثامنا.. يا فادينا )٢
تطرح في أعماق البحر.. تطرح جميع خطايانا
تصنع الأمانة والرأفة... منذ أيام القدم

القرار - مين زيك في حبك لي
مين زيك ترعاني وتضمني برقة قلبك

١- والوقت الصعب معايا بتعدي.. وفي قلب الريح الهايجة لي تهدي
بتضمني وترفعني من وسط خوفي في كل ظروفي تنجيني

٢- وأعيش العمر معاك وميكفيش.. أشهد واقول للكل زيك مفيش
ده إنت أروع إله.. وإنت اللي فيك كل اللي اتمناه

١- في الجمال ملكش مثيل في الحنان مين زيك؟
كمان في القدرة صانع عجايب والكمال ليك وحدك

القرار - مين زيك يا يسوع؟ مفيش زيك يا يسوع
إله أمانة.. فيك الكرامة.. أنت ملك القلوب
مين زيك يا يسوع؟ مفيش زيك يا يسوع
أبرع جمال فوق الخيال.. طيب ومهوب

٢- في المحبة حبك عجيب حب أبدي ملهوش تمن
عمره ما بينقص أو بيزيد حتى لو طال الزمن

يا رب أنت إله الجنود من مثلك يا إله الجنود
قوي ورب.. وحقك من حولك
من مثلك يا إله الجنود
يا إلهي العلي.. اسمك يهوه وحدك
يا إلهي العلي.. علي على كل الأرض