بيتر نصحي (9 ترنيمة )

١- في وقت الشروق وظلام السما بيدوب
تشوف لوحة مرسومة بإيدين فنان مهوب
راسم شمس طالعة بلون دهبي جميل
ونور وسط السحاب يضوي زيه مالوش مثيل


القرار - عظيمة يارب أعمالك صنعتها بحكمة
عجيبة يارب أحكامك.. ليك كل القدرة


٢- في وقت الغروب ونجوم مستنية
الليل يجي على الكون وتنور هي
في السما مرصوصة بإيد مش بشرية
بتعلن مجد الله بمهابة وحكمة إلهية

١- عمره ما كان الفدا حدوتة تتحكي على مر السنين
أو واحد مات بأصعب موتة والقلب عليه يعيش حزين
لكن اللي مات ده كان يسوع رب الوجود
ولأنه هو الله بسلطان قام من الموت

القرار - بحبك عشان حبيتنى وبدون مقابل
حبك ده غالي عليَّ.. أنا ماكنتش أستاهل

١- في الجمال ملكش مثيل في الحنان مين زيك؟
كمان في القدرة صانع عجايب والكمال ليك وحدك

القرار - مين زيك يا يسوع؟ مفيش زيك يا يسوع
إله أمانة.. فيك الكرامة.. أنت ملك القلوب
مين زيك يا يسوع؟ مفيش زيك يا يسوع
أبرع جمال فوق الخيال.. طيب ومهوب

٢- في المحبة حبك عجيب حب أبدي ملهوش تمن
عمره ما بينقص أو بيزيد حتى لو طال الزمن

١- قدام صفاتك يا يسوع سكت اللسان عن الكلام
بإيه يعبر أو يقول والنظرة ليك عشق وهيام
ده صلاحك ملوش حدود ياللي إنت دايماً أمين
من الأزل موجود ملجأ وصخر ومعين


القرار - تعلالك بهتاف أغانينا.. بحمد القلب وشكره اللي مالينا
تسبيحك طول أيامنا وليالينا.. يعلن إنك دايماً إله عظيم


٢- أعمال إيديك يا يسوع تشهد إنك إنت الله
تشفي وتشبع وتمسح دموع تغفر خطايا وتدى حياة
الميت بكلمة يحيا والأعمى بلمسة يشوف
وتمشّي على المية اللي إيمانه فوق الخوف

القرار - إله الكون.. ربي يسوع بكمال قلبه
بيرعىَّ ويحمي بمهارة إيديه
إله الكون.. كل الأمور هي في إيده
والكل مكشوف تحت عينيه

١- إله حنون واقف جنبي في كل الظروف إيده في إيديَّ
إلهي راعي أمين دايماً بيقبلني برغم اللي فيَّ

القرار - تخلص مني كل الأغاني ولسه يا يسوع
وصفك فيه أجمل كلام ومعاني يا يسوع

١- فكري عارف.. قلبي شايف
في أي حتة بلاقيك دايماً يارب محاوطني
ترعاني وأنا بين إيديك

٢- ده في قلبك لي كل الخير وسلام للمنتهى
ما أكرم أفكارك عندي بحبها

رب المجد يا أحلى راعي في حضنه الأمان
بتحبني وغالي عليك يا نبع الحنان

يا نبع الحنان دايماً حضنك من كل همومي يخبيني
ومهما أكون بعيد عنه ألاقيه من تاني يدفيني

بيضمني بأرق إحساس وبسرعة ياخدني من وسط الناس
من وسط آلامي وأوجاعي بيخطفني
حبك يا يسوع بيغمرني

١- مين اللي يقدر يحول الليل نهار
مين في الصحراء بيفجَّر ينابيع تفيض أنهار
وبكلمة واحدة منه تبقى الجبال سهول
وينادي على العظام "قومي" فتقوم زي ما يقول

القرار - مفيش غيرك يسوع مفيش غيرك إله
تقدر على كل شيء صالح يا الله

٢- مين اللي يقدر يغفر خطايا الناس
يدي بالمجان ليهم الرحمة والخلاص
ويملا القلب سلام في وسط الأزمات
ويبدل الحزن بفرحة وأغاني وتعزيات