لحظة ضعف (12 ترنيمة )

القرار - خاطي وراجع راجع من بعيد راجع لربي لحبيبي يسوع
طالب سماحه وبالندم الشديد راجع ليك يا ربي راجع بالدموع

1- مين زيك إنت قلبه كبير كبير مليان محبة ومليان بالحنان
وعشان خلاصي تعبت كتير كتير شلت خطيتي أنت واديتني غفران
2- يا رب ساعدني أعيش حياتي ليك أسيب الخطية وأحيا في رضاك
وكل الآلام اللي جات بسببي ليك تبقى سكة خلاصي وطريقي لسماك

القرار - إزاي أسيب إيدك وأمسك في إيد إبليس
وإزاي أسيب بيتك وأبيع له قلبي رخيص

1- حاولت لكن ماقدرتش أخلص من قيد إبليس
وكل ما أحاول تاني جوه الخطية أغوص
2- إيماني ماكنش بقلبي إيماني قدام الناس
صلاتي كلها كانت صلاة من غير إحساس
3- ولحد إمتى هافضل أنا عايش في الخطية
ولإمتى هافضل شايف دموع حزنك عليَّ
4- أنا لازم أطهر قلبي من أوحال الخطية
أنا لازم أطهر نفسي من الشر الساكن فيَّ
5- هابتدي من جديد معاك حياة نقية
مليانة رجاء ومحبة وصلاة من القلب قوية

القرار - أبداً ما حاسيب إيدك ولا هامسك إيد إبليس
أبداً ما حاسيب بيتك ولا أبيع له قلبي رخيص

1- استيقظي يا نفسي وقومي انهضي من تحت الأحجار
التهبي بحب الرب واشتعلي كجذوة نار
قومي والتصقي بالرب وأزيلي عنك كل غبار
ادخلي في عهد معه وكفاك تقديم الأعذار
2- تعالى لا تخشي شيئاً تقدمي حطمي كل جدار
يغسلك ينقيك يطهرك والحب يحيطك كسوار
يحتضنك يضمك إليه ويدخلك محفل أبرار
إلى كنيسة يرجعك يسكنك كنيسة أسرار
3- فقومي من أجل حيارى وجففي دمعاً كالأنهار
انيري الظلمة مصباحاً وانبثقي في الليل نهار
قومي من أجل حيارى لا يدرون يميناً ويسار
كوني مناراً للتائه أرشديه وكوني مسار
4- لا تدعي أحداً يتخبط ولا في الحيرة يحتار
اجيري قلوباً منكسرة واطلقي نفوساً في أسار
كوني قمراً وشمساً وأشرقي في الظلمة أنوار
وانطلقي نوراً وشعاعاً فقلبك للرب قد صار

القرار - إلهي حبيبي وربي يسوع وماسح تملّي بحار الدموع
ومالي حياتي بنوره العجيب ودايماً لجرحي الشفاء والطبيب
إلهي إلهي إلهي الحبيب

1- إذا الليل طول يكون لي نهار وبر السلامة في موج البحار
عزايا وسلامي وفرح السنين ومين غيره ليَّ وهايكون لي مين
إلهي إلهي إلهي الحبيب
2- إذا إيدي سابت مرة إيديه يدور عليَّ وياخدني إليه
أقول له سامحني وكلي آهات يزود حنانه وينسى اللي فات
إلهي إلهي إلهي الحبيب
3- إلهي حبيبي وربي يسوع وماسح تمللي بحار الدموع
وبالقى في صدره الدفا والأمان ده هو المحبة وهو الحنان
إلهي إلهي إلهي الحبيب

القرار - أنت رب النجدة تيجي وقت الشدة
ومهما تطول المدة أو الظروف تتحدى

1- تيجى وتشيل عنا وتشيل معانا الصليب
تسندنا في التجارب وتدافع يا حبيب
2- تيجى مع الضيقات تيجى في الأزمات
مصدر للبركات والسلام والتعزيات
3- تيجي وسط العاصف نور في الضلمة كاشف
كل طرقنا عارف ومعانا دايماً واقف
4- تيجي بكل ثبوت وتحررنا من القيود
إنت إلهنا المعبود وإحنا أولادك شهود
5- تيجي جوه النيران وتخلي الذئاب حملان
وعدك لينا ضمان معاكم طول الزمان

(ما أحب مساكنك يا رب الأكوان
تتوق نفسي شوقاً إلى ديارك
ويرنم قلبي وجسمي للإله الحي)2
(العصفور وجد في هيكلك مأوى
واليمامة عُشاً لها تضع فيهِ فراخها)2
بيتي بمذابحك يا رب الأكوان
طوبى لسكان بيتك طوبى لهم طوبى

(سيدي سيدي يسوع)2.. ما أروعك ما أروع حبك
فأنت الحنان ومن مثلك
(ليس سواك يُنقذني يحميني ويحملني)2.. (من مجدٍ إلى مجدٍ)2
(أريدك ربي لي ولا أكن بجملتي)2
(ولغيرك لن أكون لا لذاتي ولا للعالم)2
(بل لك وحدك)2.. وإلى الأبد لك

1- (باحلم اروح لك بعيد بعيد نفسي أكسّر قيود الحديد
باحلم بعالم جديد جديد وقلبي فيه يكون سعيد)2

القرار – (لما باشوف طير في السما باتمنى اكون زييه أنا)2
(لما باشوف سحابة بعيدة باتمنى اكون نسمة رقيقة)2
عالية فوق تسمع همسة صوتك

2- (باحلم اروح لك يسوع الحبيب أسجد وأصلي تحت الصليب
وأسكب دموعي تفيض تفيض تمحي ذنوبي وأبقى سعيد)2

القرار - الله القوي ملك الأمور صاحب المجد العالي الغيور
يمنح قوة ونجاح وسرور (الله لا يترك أولاده)2

1- إذا ظننت أنه لا خلاص ورحل عنك كل الناس
الله ينتشلك من الأدناس (الله لا يترك أولاده)2
2- إذا ما قام عليك قتال وصار همك عليك كجبال
الله يعطي لك احتمال (الله لا يترك أولاده)2
3- فانظر لطيور السماء ليس لها في أحد رجاء
والله يطعمها بدون إبطاء (الله لا يترك أولاده)2

القرار - لحظة ضعف ومرت بيَّ خنت أنا فيها يسوعي فاديَّ
كانت فكرة وجات في خيالي بس ماجاش أبداً على بالي
إني راح أخسر كل ما ليَّ

1- لحظة ضعف وتجربة مرة مرت بيَّ لأول مرة
كانت مرة لكن جرة بعدها ليَّ ألف خطية
2- لحظة ضعف خدتني بعيد عشت حقيقي للحظة سعيد
لكن بعهدها عشت وحيد في طريق عمره ما كان يوم ليَّ
3- لحظة ضعف ونفسي أنساها وأنسى كل همومي معاها
ترجع نفسي للي فداها ده يسوع دايماً عينه عليَّ

القرار - ورجعت يا يسوع إليك بايع حياتي ومشتريك
أنساك يا ربي تاني لا حبك ملك قلبي وملاه دقاته من صنعه إيدك

1- تهت في طريقي كتير زمان وفي قلبي ما كان ليك مكان
قاسيت كتير وبكيت كتير عمري ما حسيت بالأمان
2- عشت الحياة زي الغريب مالي صديق مالي حبيب
عمري أتملى حزن ودموع وجروح ما كان ليها طبيب
3- ياما على قلبي ناديت بعتك كتير وإنت اشتريت
كان نفسك أرجع تاني ليك ويكون لك إنت في قلبي بيت