هانى الحناوى (15 ترنيمة )

1- في ذنوبي عديت سنة أولى يومهما قلت أنا مش منقولة
هارجع تاني لحضن فاديَّ وأتوب وأنسى كل خطية
لكن سنة ورا سنة بتعدي وأنا واقفة عاجزة ومشلولة
2- وأما فتحت كتابي لاقيته أسود زي ظلام الليل
سطر بسطر بلهفة قريته ودموع عيني بتنزل سيل
أصلي بكل خطايا مليته أيوه كتابي ده حمل تقيل
3- صرخة قوية خرجت مني قلبي بكى بدموع مغلوبة
خطايايا في قبر بتدفني نفسي تبقى دي آخر نوبة
باتراجاك يا يسوع تقبلني تلميذة في مدرسة التوبة

القرار - لحظة ضعف ومرت بيَّ خنت أنا فيها يسوعي فاديَّ
كانت فكرة وجات في خيالي بس ماجاش أبداً على بالي
إني راح أخسر كل ما ليَّ

1- لحظة ضعف وتجربة مرة مرت بيَّ لأول مرة
كانت مرة لكن جرة بعدها ليَّ ألف خطية
2- لحظة ضعف خدتني بعيد عشت حقيقي للحظة سعيد
لكن بعهدها عشت وحيد في طريق عمره ما كان يوم ليَّ
3- لحظة ضعف ونفسي أنساها وأنسى كل همومي معاها
ترجع نفسي للي فداها ده يسوع دايماً عينه عليَّ

1- (ارجع يا قلبي رايح لفين؟
والسكة دي ليك فيها مين؟
سكة آلام سكة ظلام
ويا الخطاة عايش حزين)2

القرار – (طيب ليه تسيب حضن المسيح
من بعد ما إدّاك الأمان!
تختار تعيش مكسور جريح
وانت اللي محتاج الحنان)2

2- (قول لي يا قلبي السكة دي
فرحتها بتدوم أد إيه؟
هي ثواني وتبتدي
رحلة ألم صعب تداريه)2
3- (يا قلبي ابكي على اللي فات
يمكن تطهَّرك الدموع
في شيء أكيد جوانا مات
بس الحياة في إيد يسوع)2

القرار- ومهما نشوف مهانة وخوف تجَرّي الدمع في عينينا
ما هانسيب إيد تاخدنا بعيد ما هانسيب لحظة فادينا
ومهما نشوف مهانة وخوف .. ما هانسيب لحظة فادينا

1- (ولو كان في سمانا غيوم وأحلامنا ابتدوا يضيعوا
إيمانّا مش هايضعف يوم وحب يسوعنا ما نبيعه)2

2- ( ولو قاموا علينا الناس باسم يسوعنا عايرونا
يسوع إدى نفوسنا خلاص وهمَا ايه بيدونا!)2

3- (ولو عشنا في زمن جارح وتُهنا سنين في تياره
يسوع بيداوي ويسامح وحاضن كل أبراره)2

القرار - (ومن المر بتخلق عسل ومن الضلمة بتخلق نور
قوة بنضرب بيها المثل كل شيء عندك مقدور)2

1- (لو تقول إيدك ماقدرش والعقل يقول لأ ده محال
قول يا يسوع وما تستغربش إزاي غير حال عن حال!)2
2- (لو شُفت مشاكلك بتزيد ولقيت يوم الحمل تقيل
خلي إيمانك بس أكيد تلقى يسوع عنك بيشيل)2
3- (ده المفلوج قام شايل فرشه ولعازر قام بعد ما مات
عمي وشافوا عجزة بيمشوا ده إلهنا إله معجزات)2

١- (ماما يا عدرا يا أجمل أم نورك ده منور أيامي
قلبك أعظم قلب يضم وبيزرع جوايا سلامي)٢

القرار- (أنا من غيرك ما أقدرش أعيش ولا أتحمل لحظه تجاربي)٢
من غير أمي أنا مساويش وكفاية أحس إنها جنبي

٢- (علمتيني يا أمي كتير وأنا وياكي إيدي في إيديكي
قلبي صغير لا لا ده كبير أصله أتملى بمحبته ليكي)٢

٣- (أمي يا عدرا يا أم حنون يالعالم طوب اسمك
داه اللي بيمحي هموم الكون نظره ف صورتك كلمه ف سيرتك)٢

القرار- أنا بطة بطاطة كده ببساطة نمت حلمت بالشيكولاتة
بطه بطاطة كده ببساطة نامت حلمت بالشيكولاتة
قولت هاكل حته كبيرة أصل أنا كنت بنت فقيرة
قالت هاكل حته كبيرة أصلها كانت بنت فقيرة
عمري ما دقت في يوم شيكولاتة

١- جالي ملاك الرب في ثانية قالي إيه نفسك ف الدنيا
جالها ملاك الرب ف ثانية قالها إيه نفسك ف الدنيا
فضلت جوه الحلم أفكر إيه اللي بحبه أكتر وأكتر
فضلت جوه الحلم تفكر إيه بتحبه أكتر وأكتر
هاختار دي لأ هاخد التانية

٢- (لكن وسط الآم الجوع سألت بطه سؤال مسموع)٢
(مين اللي خلق كل الخير دا مين ينبوع خيره ما بيفضي)٢
(طبعاً دا أكيد بابا يسوع)٢

٣- (ولا شيكولاتة ولا بنبوني بابا يسوع أجمل في عيوني)٢
عارفين أقصد إيه يعني حبه في قلبي ده مشبعني
عارفين تقصد إيه يعني حبه في قلبي ده مشبعني
ودا رأيي بعد ما صحوني

القرار - ورجعت يا يسوع إليك بايع حياتي ومشتريك
أنساك يا ربي تاني لا حبك ملك قلبي وملاه دقاته من صنعه إيدك

1- تهت في طريقي كتير زمان وفي قلبي ما كان ليك مكان
قاسيت كتير وبكيت كتير عمري ما حسيت بالأمان
2- عشت الحياة زي الغريب مالي صديق مالي حبيب
عمري أتملى حزن ودموع وجروح ما كان ليها طبيب
3- ياما على قلبي ناديت بعتك كتير وإنت اشتريت
كان نفسك أرجع تاني ليك ويكون لك إنت في قلبي بيت

القرار - (مشتريك)2 مهما بتعذبني بأيديك مشتريك
(مشتريك)2 مهما تعمل قلبي برضه نبضه ليك
(مهما تقسى مهما تجرح برضه ليك جوايا مطرح
مهما تبعد (روحى يا ابني)2 لسة فيك)2
1- (لو مليت بالمر كاسي لو غرزت الشوك في راسي
مهما بذنوبك تبيعني قلبي عمره ما يبقى قاسي)2 مشتريك
2- (كنت ليك يا ابني الطبيب شيلت ذنبك على الصليب
كل جرح أنا قولت لازم أفدي به ابني الحبيب)2 مشتريك
3- (بس ارجع ليَّ تاني حِس حُبي ودوق حناني
ده انت ابني حتة مني انت من روحي وكياني)2 مشتريك

القرار - (أيوه طعنت يسوع بإيديَّ بيعته سيبته ينادي عليَّ)2
(ويا ذنوبي عشت زمان كنت المسجون والسجان)2.. كنت أنا جاني وكنت ضحية

1- (غرقت نفسي في بحر دموع في طريق عتمة مالوهْش رجوع)2
(سيبت كنيستي وسيبت يسوع سيبت العالم يلعب بيَّ)2
2- (ونسيت اللي هناك مصلوب ونسيت حتى كلمة أتوب)2
(صارت دقات قلبي ذنوب عايش بين شهوة وخطية)2
3- (لكن وسط بحور أحزاني حسيت بيسوع جوه كياني)2
(واشتاقت أني أعود من تاني تمسح إيده دمع عينيَّ)2