زي السكر (8 ترنيمة )

القرار- أنا بطة بطاطة كده ببساطة نمت حلمت بالشيكولاتة
بطه بطاطة كده ببساطة نامت حلمت بالشيكولاتة
قولت هاكل حته كبيرة أصل أنا كنت بنت فقيرة
قالت هاكل حته كبيرة أصلها كانت بنت فقيرة
عمري ما دقت في يوم شيكولاتة

١- جالي ملاك الرب في ثانية قالي إيه نفسك ف الدنيا
جالها ملاك الرب ف ثانية قالها إيه نفسك ف الدنيا
فضلت جوه الحلم أفكر إيه اللي بحبه أكتر وأكتر
فضلت جوه الحلم تفكر إيه بتحبه أكتر وأكتر
هاختار دي لأ هاخد التانية

٢- (لكن وسط الآم الجوع سألت بطه سؤال مسموع)٢
(مين اللي خلق كل الخير دا مين ينبوع خيره ما بيفضي)٢
(طبعاً دا أكيد بابا يسوع)٢

٣- (ولا شيكولاتة ولا بنبوني بابا يسوع أجمل في عيوني)٢
عارفين أقصد إيه يعني حبه في قلبي ده مشبعني
عارفين تقصد إيه يعني حبه في قلبي ده مشبعني
ودا رأيي بعد ما صحوني

القرار- (جه علشاني وهبني الفرحة وحبه في قلبي ميتقدرش
علشان كده عايش في سعادة فرحان بضحك مبكشرش)٢

١- (ربي كل الراحة معاه طمن قلبي بحبه ملاه)٢
وحدي ضعيف لكن وياه بقدر على اللي مقدرش
فرحان بضحك مبكشرش

٢- (بتكلم وياه في صلاتي سامع صوتي وحتى سكاتي)٢
طول العمر بيملى حياتي محبته ثابتة متتغيرش
فرحان بضحك مبكشرش

٣- (قلبي النونو هيعيش ليه ثابت فيا وثابت فيه)٢
قبل ما أنادي عليه ألاقيه دايماً جنبي ميتأخرش
فرحان بضحك مبكشرش

١- (ماما يا عدرا يا أجمل أم نورك ده منور أيامي
قلبك أعظم قلب يضم وبيزرع جوايا سلامي)٢

القرار- (أنا من غيرك ما أقدرش أعيش ولا أتحمل لحظه تجاربي)٢
من غير أمي أنا مساويش وكفاية أحس إنها جنبي

٢- (علمتيني يا أمي كتير وأنا وياكي إيدي في إيديكي
قلبي صغير لا لا ده كبير أصله أتملى بمحبته ليكي)٢

٣- (أمي يا عدرا يا أم حنون يالعالم طوب اسمك
داه اللي بيمحي هموم الكون نظره ف صورتك كلمه ف سيرتك)٢

١-
حكايات جدو بحبها لازم أسمعها يومياً
فيها حاجات حفظتها وحاجات مش حلوة نسبياً
أجمل قصة أنا عجبتني كانت عن الخير والشر
عن واحد بسهولة أستسلم والتاني على مبادئه أصر

القرار- (أنا مبسوط جا ببرائتي يا يسوع خليني بطبيعتي
أبيض قلبي زي النور
ومزعلش واحد مني وأسامح اللي مزعلني
زي حكاية العصفور)٢
٢-
أنا لفت أنتباهي يوم كان في حكاية نمر خطير
وفي نص القصة لاقيته أتغير مبقاش شرير
وأنا نفسي يسوع نبقى معاه وتعشله بقى كل الناس
منفكرش في يوم ننساه ونحبه ده أجمل إحساس

(ستي بستلي بسبوسة بالسمنة والسكر
دقت منها حتة فحتة طعمها أيوه مسكر)٢
(قلت لنفسي فيها أيه يعني لو آكلها لوحدي
حطيت إيدي كده على خدي كنت حقيقي بفكر)٢
(وافتكرت ساعتها إخواتي ومحبتهم ليا
وإزاي أنا أرضى يكون قلبي مليان بالأنانية)٢
زي ما بابا يسوع علمنا تبقى ما بينا محبة
زرعة ولما إحنا بنرويها تكبر حبة بحبة
ستي بستلي بسبوسة بالسمنة والسكر
وأما أكلتها أنا وإخواتي طلعت زي السكر

١-
ماما زعلانة من أختي والمس قطعت كراستي
وعمو مينا اللي فوقينا ليه مدة قاعد زعلان
وأعرف واحدة صاحبة ماما ليها أكتر من سنة تعبانة
وأنا نفسي يا يسوع تشفيها وتخلي الزعلان فرحان

القرار- (بابا يسوع أرجوك أتصرف أنا نونو جداً مش بعرف
أعمل حاجة غير أصليلك
أشفي وفرح كل الناس والغلطان بقى سامحه خلاص
وأديله تاني فرصة يجيلك)٢

٢-
عارف أني مش فارق سني وأنت ياربي دلوقتي سامعني
فأنا عندي مطالب نفسي تحققها ممكن أقولك نفسي في أيه
نفسي الدنيا تبقى بخير والناس اللي تسامح تبقى كتير
ودي وجهة نظري مش أكتر يعني ودا حلمي حلمت وقلت عليه

القرار- (يلا يا صاحبي يلا يا أصحابي نحضر مع بعض القداس
حلو يسوعي حلوة كنيستي حلوة صلاتنا ويا الناس)٢

١- (ما إحنا إمبارح روحنا لأبونا وأبونا أخد اعترافاتنا
وإدانا حل عشان نتناول ونسلم لفادينا حياتنا)٢

٢- (وإحنا كمان في البيت هنصلي ونرنم أحلى الترانيم
وها نقرأ في إنجيلنا تملي عهد جديد أو عهد قديم)٢

٣- (آدي حياتنا ويا يسوعنا بيه نتعلم حبة بحبة
إزاي قلب يسوع بيساعد لما تكون في بينا محبة)٢

١- (فضايل فضايل ف قلبك فضايل تعلم قلوبنا صحيح الإيمان
محبة وطاعة تسامح وداعة وصدق وطهارة وطيبة وحنان)٢

القرار- (ومنك يا يسوعنا كمان بنتعلم في كل أوان
وبالخير نملى دنيتنا ويبقى الكون سعيد فرحان)٢

٢- (إلهنا الحنين أبونا الحبيب يا رافع ذنوبنا بحمل الصليب
هنفضل تملي نرنم نصلي لأنك يا ربي في حبك عجيب)٢