سلامٌ (10 ترنيمة )

١- الأرض كانت مليانة... بالضلمة والشرور
ولا فيه هدف .. ولا معنى للحياة
والخطية شوّهت.. شكل الإنسان
مابقاش فيه رجاء .. مابقاش فيه أمان
مابقاش فيه سلام

القرار- ( وفي وسط ليل الضلمة .. جه المسيح بالنور
شايل رسالة رحمة .. وعتق للمأسور
جاي عشان ينادي .. بمحبته للناس
هو يسوع الفادي .. مانح الخلاص )٢

٢- يا رب حل بسلطانك .. شجَّع قلب الضعيف
اسكب فرح .. واملاه بالأغاني
ده اللي يؤمن إنه ليه .. بدمك غفران
هايلاقي رجاء .. هايلاقي أمان .. هايلاقي سلام

وسط عالم مليان بالضلمة والأحزان
جه وقت تحقيق وعدك اللي قلته من زمان
وفي يوم من الأيام والناس كانت نيام
للرعاة ظهروا الملايكة ونادوا بالسلام

القرار – سلام على الأرض سلام

1- فوق المذود هناك كان واقف في سماك
النجم عشان يشاور على خالق الأفلاك
لكنه طفل جميل لجماله مافيش مثيل
جه يفدي البشرية وينشر السلام
يسوع فادينا موجود في وسطينا
لو اديته اليوم حياتك ها يكون ملك فيها
هايديلك قلب جديد وتكون فعلاً سعيد
هايغيرك بحبه ويملاك سلام

في عيد الميلاد غنوا أحلى الألحان
في عيد الميلاد زينوا المكان
في عيد الميلاد اطرحوا التيجان
في عيد الميلاد ميلاد الحنان
في عيد الميلاد نديله الحياة
في عيد الميلاد نحني له الجباه
في عيد الميلاد تهتف له الشفاه
في عيد الميلاد

1- للدرجة دي حب العالم
ضحى بيسوع ابنه الوحيد
شال العقوبة ومحا الخطية
وادانا عمر جديد

2- يستاهل تدي له كل حياتك
قلبك وحبك كل اللي ليك
قدم حياته عشاني وعشانك
ده جه عشان يفديك

1- قبلت الرسالة لما جالك الملاك
صدقت الوعد عشت بالإيمان
خضعت الله قدمت نفسك
أمة للرب أمة للرب

القرار – ها جميع الأجيال تطوبك يا مريم

2- وجدت نعمة عند الله
فالمولود منك ابن العلي
القدير صنع بك عظائم
لا شيء غير ممكن لدى الله

١- سيدي قد جئت لنا أخليت نفسك من أجلنا
متواضعاً أتيت أرضنا راضياً أن تحيا مثلنا
كل ذا قد صنعت لتتم فدائنا
كل ذا قد قبلت فقد أحببتنا

القرار- نعم يسوع أحببتنا نعم يسوع نحبك

٢- من يدرك أبعاد حبك ويفهم صدق قلبك
لا يقدر أن يترك حضنك بل يسكن في دفء بيتك
بخشوعٍ وسجودٍ أقدم الحياة
لك كل عمري ربي لك كل ما أحياه

٣- عجيبة هي أعمالك عميقة جدًا أفكارك
بنورك سينتهي الظلام وسنبصر على الأرض السلام
فلنشدُ مع الخليقة ونرفع التسبيح
قد جاء يسوع ربّاً قد وُلد المسيح

١- جئت إلينا في ملء الزمان طفلاً جميلاً في مزود مولود
لم يعرفوك يا فادي الإنسان وأنت خالق كل الوجود
كنت تجول تصنع الخير وتشفي شعبك

القرار – في الأعالي مجدك وعلى الأرض سلامك
وبشعبك كل المسرة

٢- أي محبةٍ أعطيتنا حتى تدعونا أولاد الله!
جئت متضعاً لأرضنا أخليت نفسك من أجلنا
وستأتي ثانيةً في بهاء ومجدٍ

القرار- خالق الأكوان ماكنش ليك مكان
وفي مذود اتولدت في ملء الزمان
فرحت السماء وملايكة بالألحان بشرت
كل الأرض بمجيء الحنان

1- ليل وشتا برد وعرا وهناك بيوت والنار والدفا
على قش اتولدت يا خالق السما ياللي
الأرض ملكك والكون والورى

2- اليوم يا ملك أنا باجي في مذودك
باسجد مع الرعاة وباسلم الحياة
عايزك من جديد تكون أنت الوحيد ليك
كل السيادة وحبي ليك يزيد

من ألفين سنة وأكتر كانت الحياة مليانة
بالشر والخطية والناس كانت حيرانة
كانت الآيام بتجري والكل كان مستني
ملك يجي بنوره ينور الظلام
جه المسيح علشان يفدي حياتك
جه المسيح يرجع لك سلامك
هو جه عشان بيحبك
هو عايز يسكن قلبك
خليه يملا حياتك بالأعياد

١- قررت أروح المزود أشوف يسوع هناك
ملك مولود صغير جه يفدي م الهلاك
قررت أروح المذود أشوف ملك عظيم
اللي جه علشان يشيل كل الأحزان وياخدنا للسماء

القرار: (تعالوا نروح المذود نسجد ونسبح يسوع
نسكب قلوبنا قدامه نعبده بكل خشوع)2

٢- قررت أروح المزود أشوف يسوع فقير
جه من السما يغنينا بعطاياه الكتير
قررت أروح المذود أدّي قلبي ليسوع
اللي جه علشان يملاني بالسلام وفرح كل الأيام

كل سنة بنيجي في نفس الميعاد نحتفل بعيد الميلاد
كل سنة بنرفع أحلى التسبيحات ونهديها لرب الأرباب
يوم ميلادك ده كان ميلادنا تاني من جديد
كان مجيئك سبب خلاصنا وفدائنا الأكيد
كان مقامك يكون مكانك أفخم القصور
لكن حبك خلاك تجينا في المذود المسرور
يا مليكنا اقبل قلوبنا تبقى مسكن ليك
وتكون إنت هدف حياتنا اللي عايشين ليه