سطور ومكتوبة (21 ترنيمة )

1- غالي يا يسوع علي أغلى من الدنيا دي
معاك سعادة حقيقية راحة وحياة أبدية
القرار- مين يبعدني عنك مين يحرمني منك
عمري ما أخاف وأنا جنبك ولو هاموت على اسمك
2- لو كل الناس حاروني ضايقوني ويكوني
زي الشهدا قتلوني عنك ما هايبعدوني
3- وده إيمان كنيستنا الأرض مش هي حياتنا
دي فترة بس في رحلتنا نوصل بيها لإلهنا

القرار- (سطور ومكتوبة فيها اسمي ومكاني
بدور على توبة ألقى فيها عنواني)2
1- (ومرة دي الخطية سنين بتذل فيَّ
لو حتى الكون عليَّ ها ركع وأقول موجوع)2
ندمان أنا ومش ها رجع لكتاب مرير ملوش مرجع
ولشهوتي أكيد ها منع خلاص لقيت يسوع
خلاص لقيت يسوع
2- (يا بختي ده إنسان عايش وليَّ كيان
حُر في عالم مليان مُتعة وقتية)2
ليَّ لسان وبتكلم وإيدين جميلة بتسلم
وخطاوي ماشية بتعلم آثار الأبدية
آثار الأبدية
3- (قرب حالاً صليله أغرق بقى في إنجيله
رنم معايا وأحكي له مستني بس تعود)2
سلم له كل أوقاتك عمرك وكل أيامك
وها تعلن دفة حياتك من الهموم راح أفوت
*سلم له كل أوقاتك عمرك وكل أيامك
وها تعلن طول حياتك خلاص لقيت يسوع

القرار- (معاك الكل واحد بنتحد بنتشارك
مين فينا يقدر ينكر إيديك هي اللي بتساعد)2
1- (كنيستنا أم بترعانا وحضن واحد يجمعنا
هدفها تخلق جوانا إيد على إيد سر نجاحنا)2
2- (عينه عليك ليل ونهار حارسك من الضيق والأخطار
عايزك دايمًا شعلة نار تجري فيك ينابيع أنهار)2

1- (كل يوم باقول أشمعنا ليه بيحصلي كل اللي فات
هو مافيش غيري ياربي عمال تخلق له الأزمات)2
وأفضل متضايق وحزين ويضيع من عمري سنين
وأنا ماشي راضي باللي جرالي لا بشكر ولا أقول آمين
القرار- أتأمل فيك دور حواليك في أمور كتيره غايبة عليك
عندك رجليك أو حتى إيديك قادر تتنفس وتشوف بعينيك
دي قوة عظيمة ونعمة كبيرة لازم بيها تعيش فرحان
أصل اللي صنعني وصنعك هو
هو اللي راسم حياة الإنسان
2- (ولا فاكر يوم فرحته ولا حتى سلام أنا عشته
شايف مشاكل هموم والنوم عمري ما عرفته)2
أنا وحدي ليه أنت ناسيني ليه سايب فكري مخليني
لا حاسس بيك ولا عارف ألاقيك واتكالي مبقاش عليك

1- (عارفين إن بإيماننا ها نغير كل الكون
دي كلمة يسوع قالها لنا وعده صادق مضمون
ولا يمكن يوم راح أسيبك ولا أسيب إيدي في إيدك
دي حياتك قدام عيني لو تهت بعيد راح أجيبك)2
القرار- يا إله قوي وجبار يا راعينا ليل ونهار
روحك زي الإعصار يهدم كيد الأشرار
2- (مين كان يقدر يقول شعبك ده مش ها يموت
الكل كان في ذهول طريقنا أكيد مسدود
لكن بكلمة منك البحر أنشق أتنين
يا موسى على قد طاعتك دي المية على الجانبين)2
3- (ها نلاقي الحب ده فين ده إله المستحيل
رغم قساوة السنين بيحب شعبه الذليل
ولا يوم نقول إن السما ها تمطر مَن وخير
أشبعت نفوسنا الجعانة ها نرنم بالمزامير)2
4- (الموت قدام عينيا ومافيش حاجة في إيدينا
إزاي ها ننقل الجبل مليون مش هايكفينا
يسوع له راي تاني إيه فاقت المعاني
بالصوم والصلاة نقلوا الجبل وأتحققت الأماني)2

(من الأعماق صرخت إليك ياربُّ اسمع صوتي
لتكن أذناك مصغيتين إلى صوت تضرعي)2
(إن كنت لآثام راصدًا يارب
من يثبت لأن من عندك المغفرة)2
(من أجل اسمك صبرت لك يارب)2
(تمسكت نفسي بناموسك)2
انتظرت نفسي الرب محرس الصبح إلى الليل
من محرس الصبح
(فلينتظر إسرائيل الرب لأن الرحمة من عند الرب)2
(وعظيمٌ هو خلاصه وهو يفتدي إسرائيل من كل آثامه)2
(هللويا)4

1- سلمتُ نفسي في يديك يا سيدي يسوع
قدني فتكلاني عليك كي أخدم الجموع
كن حارسي من الضلال كن مرشدي في كل حال
والقلب قدس والفعال حتى أرى يسوع
القرار- قد قلت قبل الآن يا منبع الإحسان
يا مُتعب القلب تعال امكث معي حتى تنال
هيا ففي قربي المنال للخير في يسوع
2- ربي امتلكني واهدني للخير يا منان
أدعوك فاسمع واروني من نبعك الملآن
كي ما أعود من جديد أسعى وأطلب المزيد
من نعمة العهد الجديد حتى أرى يسوع
3- وحينا يدنو الختام وتنتهي الأيام
يقودني رب الأنام في موكب السلام
ويمسح الدمع الصبيب ويسعد القلب الكئيب
إذ حبه لي في الصليب وبري في يسوع
4- إن نغصت عني الهموم أو إن دنا الظلام
ستنجلي كل الغيوم من مانح السلام
الرب حصني والأمل الرب إن قال فعل
الحب فيه مكتمل والخير في يسوع

1- (لو تشرَق أو تغرب مش هتلاقي غير كنيستك
مرة حاول تعالَ قرب ده المسيح على كفه اسمك)2
القرار- (يا كنيسة يا أمنا يا وطن وقلب يحبنا
رغم الظروف صخرة ثابتة وحضن مفتوح يضمنا)2
2- (طقسك يحرك الحجر ألحان تغير البشر
جوه الكنيسة ملايكته زي الفروع في الشجر)2
3- (وقت الهموم والاحتياج أيقونة فيها مية علاج
قديس حقيقي بيستناك حسب الإيمان ها يكون معاك)2
4- (قداس ينور القلوب ذبيحة خطاياك فيها تدوب
ملك الملوك بيكون موجود جسده ودمه يمحوا العيوب)2

القرار- (أم النور مش خايفين لكننا دايمًا واثقين
ده إحنا معاكِ بقالنا سنين ياما شفنا إيديكِ بتعين)2
1-) صلي لنا إلهنا يثبتنا مهما الناس حوالينا ضايقتنا
يرفع شأن مسيحيتنا محتاجين لك يا أم النور)2
2- (أطلبِ من الرب يسوع عنا نفضل دايمًا رافعين صليبنا
ولا في يوم ننكر إيماننا ما تنسيناش يا أم النور)2
3- (شعبنا كله بيترجاكِ أطلبِ قدام اللي فداكِ
دي كنيستنا مستنياكِ تظهري تاني يا أم النور)2

1-) تسمح لنا وبكل حب نكلمك
نبعت رسالة فيها معنى بيتوصف
ده إلهنا مادد إيده دايمًا يسندك
كلمة يسوع من فمك أنت بتتعرف)2
ياللي بتكمل طريق كاروز الديار
مرقس حبيبك مد إيده وسلمك
مفتايح بلاد وشعب ضد الانهيار
زي الملك واقف ولا شيء يهزمك
القرار- (يا راعينا وأب لينا بنحبك
بإيمان قود السفينة بإيد قوية
بطركنا عدي بينا وفي حضنك
راح نلقى صوت يسوع لينا هدية)2
2- (حبك يمامة طايرة فوق في السماء
تلف بلاد من شرقها لغربها
في ناس بعيدة وقلوب غلبها العمى
لكن يسوع محتاج خرافة تردها)2
عمري الإلام ما يسيب إيدك ويعيش وحيد
شاعر وكاتب دايماً تحي فينا الأمل
روح الوداعة اللي فيك ده شيء فريد
ويا ابتسامة منك تنهي الجبل

1- غالي يا يسوع على أغلى من الدنيا دى
معاك سعادة حقيقية راحة وحياة أبدية
القرار- مين يبعدني عنك مين يحرمني منك
عمري ما أخاف وأنا جنبك ولو هاموت على اسمك
2- لو كل الناس حاربوني ضايقوني ويكوني
زي الشهدا قتلوني عنك ما هايبعدوني
3- وده إيمان كنيستنا الأرض مش هي حياتنا
دي فترة بس في رحلتنا نوصل بيها لإلهنا