أمجد بخيت (12 ترنيمة )

1-(يا ربى يا مالك عمري وضامن حياتي
بإيدك مصيري وأمري يا فرحي ونجاتي)2

القرار - (جوة عينيك شايلني على كفيك تحملني
على ذراعيك تُدللُني وتَجعلُني كطفل صغير)2

2-(في وسط الظلام بتجيلي تنوَّر عينيَّ
وتبدلي عتمة ليلي وتحوَّط عليَّ)2
3-كلامك ووعدك ليَّ ماليني سلام
مهما الدنيا تقسى عليَّ باحس بأمان

1- مين غيرك انت بكلمته قال كن فكان النور؟
مين غيرك انت بمحبته لشعبه شق بحور!
(مين بيدي التعزيات؟ مين عشان الحب مات؟)2
انت وحدك بس مُت وقمت من بين الأموات
يارب ياللي بنفتخر بحبه وسط شعوب
انت اللي ما تحبش أناتنا لكن عايزنا نتوب
(تدي رحمة بدون حساب مش بتفرح بالعذاب)2
انت وحدك بس تقبل قلب من جالك وتاب

2- يارب ياللي الشمس بيك عرفت لنورها شروق
انت اللي تهدي الضال ويعرف طريقه بيك ويتوب
(تدي نور يملا العيون تتفتح بيك السجون)2
انت وحدك بس تنزل ويا شعبك في الأتون
يارب ياللي تملّي تسند قلب كل ضعيف انت
اللي قُلت تعالوا ليَّ هاتلاقوا حملي خفيف
(مش بتطرد طالبيك كل شعبك حي بيك)2
انت وحدك بس ربي اللي يناديك بيلاقيك

3- يا رب مين ليه قدرتك يقدر يقوّم موتى؟
يستر عيوب يغفر ذنوب ولا حد غيرك انت!
فوق المكان فوق الزمان مش تحت فين ولا امتى!
مين غيرك إنت قدر يكفّي الشعب بسمكتين؟
مين غيرك انت بكلمة يشفي وبلسمة يخلق عين؟
(مين يخلي البحر هادي؟ مين تملي لشعبه هادي؟)2
انت وحدك بس يبقى القلب بيك في سلام وراضي

1-(بادخل عرش النعمة وباسكـــــب نفسي أمامــــك ناظر ليك
باهتفلك من قلــبي وباطلــب إنك ترفــع نفســـــي إليـــــك)2

القرار-أصلك سامـع قـلبي الضـــارع قلبـي اللي بيشتاق لحضـورك
المـس روحي اشفي جروحـي واكشــــف كـــل خبــايــا بنـورك

2-(بادخل عـــرش النعمة وأرنم تنطلق الكلمــــات تسبيحة
ويفـــيض قلبــي ليـــك يـتـكـلـم وأقـــــدملك نفســي ذبيحة)2
3-(بادخل عرش النعمة وأصدق إن وعودك قـوة لذاتــي
واثــــق فيك إنــها تتـــــحقـــق و تتمم قصـدك في حـيـاتـي)2

القرار - (يا مطمن قلبي يا يسوع بالضيق والاختبار
مين غيرك بيطمن قلبي لما أكون محتار)2
1- (لما بكون في وسط الضيق ما بشوفش زيك يا يسوع
في الطريق أعز صديق تريح القلب الموجوع)2
2- (لما عينيا تلمح صورتك بحس براحةجوايا
وبحس إني تحت رعايتك وإنك ماشي معايا)2
3- (لما أحتاجك بلقاك جنبي تيجي تطمن روحي بيك
لما بشوفك يرتاح قلبي علشان بشكي همومي ليك)2

(من الأعماق صرخت إليك ياربُّ اسمع صوتي
لتكن أذناك مصغيتين إلى صوت تضرعي)2
(إن كنت لآثام راصدًا يارب
من يثبت لأن من عندك المغفرة)2
(من أجل اسمك صبرت لك يارب)2
(تمسكت نفسي بناموسك)2
انتظرت نفسي الرب محرس الصبح إلى الليل
من محرس الصبح
(فلينتظر إسرائيل الرب لأن الرحمة من عند الرب)2
(وعظيمٌ هو خلاصه وهو يفتدي إسرائيل من كل آثامه)2
(هللويا)4

1- مابخافش من الخطر علشان في قلبي نعمتك
مابخافش من الخطر واثق في صدق محبتك
القرار- مهما يدقوا جرس الخطر ولا يتوهوا كل البشر
صوتك ماليني سلام يحميني م الريح والمطر
2- عودتك قلبي يسمعك أضعف تقوللي هارفعك
رفعتني فوق الجراح توهبني قبل ما أسألك
3- جوه في عينيك نيمتني في كفوف إيديك نقشتني
مين اللي يقدر يا يسوع يأذيني وإنت بتعتني

القرار- (أم النور مش خايفين لكننا دايمًا واثقين
ده إحنا معاكِ بقالنا سنين ياما شفنا إيديكِ بتعين)2
1-) صلي لنا إلهنا يثبتنا مهما الناس حوالينا ضايقتنا
يرفع شأن مسيحيتنا محتاجين لك يا أم النور)2
2- (أطلبِ من الرب يسوع عنا نفضل دايمًا رافعين صليبنا
ولا في يوم ننكر إيماننا ما تنسيناش يا أم النور)2
3- (شعبنا كله بيترجاكِ أطلبِ قدام اللي فداكِ
دي كنيستنا مستنياكِ تظهري تاني يا أم النور)2

1- آخر لحظة يأس في عمري ودعتها وقابلت عينيك
مش باكي على حاجة في عمري غير اللي ماعشتوش حواليك
القرار- سبت أنا كفني في قبري خلاص مش هارجع أموت وإنت حييتني
عدى كتير وأنا ناسي ياربي إن بدمك إنت فديتني
2- ارمي عشاني في بحر أثامي طوق أمسك فيه وتنجيني
اهدي خطايا وكون ويايا من شر العالم خبيني
3- باصرخ ليك وأنا مادد إيدي عايز أعيش الفرحة معاك
تملى حنايا القلب يا سيدي دوقني ع الأرض سماك

القرار - أول ما بانده ليك بالاقيك يا شايلني جوه في نني عينيك
من يوم ما دخلت قلبي الفرحة ملكتها
يا حبيبي قلبي اتعلق بيك عمري وحياتي شوية عليك
يا يسوع حبك يا ربي بالدنيا كلها

1- على قلبي غالي يا عظيم وعالي ورضيت بدالي إنك تموت
جيت يا حبيبي تحمل صليبي وبقيت طريقي للملكوت
2- مولاي سيدي وبقيت نشيدي ومسكت إيدي خليتني أقول
ده حملي هين ما انت الحنين نسيت معاك كل الحمول
3- دايماً حاببني ولا يوم تسيبني وأبعد تجيبني وتاخدني ليك
جيت لي في ضياعي وبقيت لي راعي ولقيت مراعي يا إلهي فيك

1- نَفسي ربي بين إيديك قلبي ملكك يا يسوع
عايز أحبك وأشهد ليك وأعلن اسمك في الربوع

القرار - عايز أكون في انتظار يوم ما تجيني يا حبيب
أسهر وأحيا بانتصار ولا لحظة عن فكري تغيب

2- كل ما في الدنيا سراب لحظة بسرعة وينتهي
لو أفراح أو أتعاب عايز أنا بيك أكتفي
3- أنا للعالم مش راح اعيش عمري ما هارجع للظلام
حياتي كانت ماتساويش وانت جيت اديت سلام