أبدعت ريشتك رسمي (9 ترنيمة )

زي ما جات لك يارب حَنَّة ساكبة القلب بدمعة وآنَّة
و بِتَضَرُع نادت عليك و اترجت تمد إيديك
(علِّم قلبي كمان يتأنى و أقعد قدامك واستنى
وأرسم ليك يارب صورة واتواضع وأخد مشورة)2
زي ما جات لك بقلب خايف بتحرك بس الشفايف
باصّة لشخصك المعبود و بتطلب منك بسجود
(أنا جايلك كمان وعارف إنك حِملي يارب كاشف
والطلبة معلومة أمامك واللي يصيبني ده برضو صابك)2
في آمَسْ اِحتياج لنورك أرجوك تملاني بحضورك
غيَّر شكلي يارب لشكلك تشتَّم مني ريحة سرورك
(وقت صلاتي وقت السكون باختلي بيك وانسى الكون
أسجد بخوف وجهك أشوف وألقى نفسي فيك مَصون)2

1-(اعبر بيَّ لعمق معاك ملّيت م العيشة فوق الشط
ليه الغشاوة حاجبة رؤاك ليه بيني وبينك دايماً خط؟)2


القرار – حرك روحك جوة مفاصلي وما تخليني في موقف ضعف
يا كاشف حالي وعارف اصلي تعالَ ببركة تفوق الضِعْف


2- (افتح عيني تشوف النور تعالَ عليَّ يا نوري بضَيّ
حِل في قلبي هاكون مسرور وأفرح وأشهد: ربي ده حي)2
3- (اصطحبني في نومي وقومي وخدني معاك لعرين الحب
واتقبل صلاوتي وصومي وازرع طُهرك فيَّ يارب)2

1- (أَنْتَ يَا رَبُّ سِتْرِي وَفِيكَ رَاحَتِي
أَدْنُو مَوْلاَيَ مِنْكَ أَجِدُ تَعْزِيَّتِي
أَنْتُ هُوَ مَنَاصِي وَتُرْسِيَ الْمَتِين
فِي قَسْوَةِ الزَّمَانِ عِنْدِي لَكَ حَنِين)2
القرار- (أَنْتَ تُحِبُّنِي أَنْتَ تَهْتَمُّ بِي)2
وَأَنْتَ يَا رَبُّ رَاعٍ (دَوْمًا بِي يَعْتَنِي)2
2- (أَنْتَ لِي غُنْوَتِي فِي ضَجَّةِ الْحَيَاة
أَنْتَ صَخْرُ نَجَاتِي إِنْ ثَارَتِ الْمِيَاه
أَفْتَخِرُ فِي الضِّيقَاتِ أَفْرَحُ فِي كُلِّ حِين
فَأَنَا لاَ أُنْسَـى مِنْكَ أَنْتَ أَبٌ أَمِين)2
3-(زَهْوُ الْعُمْرِ أُسَلِّمُ لَكَ رَبِي الإِلَه
وَأُهْدِي لَكَ قَلْبِي أَنْتَ لَهُ مُبْتَغَاه
سَأَرْكُضُ لِلْجَعَالَةِ وَأُكَلِّلُ رِحْلَتِي
حَيْثُ مَرْآكَ رَبِّي يَرُدُّ لِي مُهْجَتِي)2

- أنا نزيل هنا ع الأرض
مش مستني سعادة وورد
مش مستني العيشة الرغدة
أو باملك في العالم رغبة
مش مستني مديح أو وِد
- مش مستني ليالي ملاح
أو مستني أشوف أفراح
أو عشمان في الدنيا جمال
أو متساق ورا أي آمال
أما ألقاها البال يرتاح
- عارفين ليه؟ أقول لكم ليه
مش إكمن عشان أنا فقري
أو باحسبها بمالي وفقري
أو محتاج يادوب قرشين
يجيبوا الشقة ودبلتين
أو أحلام ووراها أنا باجري
- مش إكمن عشان أنا يائس
أو غرقان في طموحي وحاسس
إن آمالي سراب في سراب
والحاضر والجاي عذاب
أو مكبوت في آلامي وبائس
- مش متوقع مش مستني
أصل إلهي حبيبي وعدني
وقال الضيق ده ف كل طريق
لكني صديقك مهما تِضِيق
مش مستني لكن متهني
- عارفين ليه؟ أقول لكم ليه
ده مافيش عبد أعظم من سيده
أو مولى ومرتاحة عبيده
جه وأتصلب ياللعجب
هو ضحية وأنا السبب
جه يحط أيدي في أيده
- على دربه باسير الخُطى
وآلامي مش رايحة سُدى
ده قلبه لقلبي محتضن
وأنا متغرب ليَّ وطن
أه متجرب وهادوس العدى
- وبعد الليه ومن غير ليه
أنا جاي
بدون أقنعة روحانية
أصل أنا عارف إنك حي
وكاشف قلبي والنية
- إنشئ من تجربتي صبر
ده الصبر تزكية
ولحد ما ييجي يوم القبر
خليني مشغول بقضايا روحية

1- أنـت قلت أنا قوتي منـك كل
رزقـي عليـك لأنك
أب لـــيَّ داري بــيَّ ده ميراثـي لأنـي ابنـك
وعـدك إنـك ترعى نفسي
وف أيديك روحي وجسدي
بالقي راحتي في أيدين جلالك
واتكائـي عليـك يا سندي
القرار- مش هاقول فين الحماية فيك بالاقي وحدك رجايا
حبك أنت في قلبي راية وميـن علي غيـرك يحن
قلبي نبضه يعلن رعايتك
قلبي شبعان من كفايتك
وقت لما بيحتاج حمايتك
يلقى رحمـة لمـا يئـن
2- بتعـول عصافيـر غربـان كم بالأحرى أنا الإنسان
خبزي كفافي وخيرك كافـي وِجُـودَك لِيَّ يارب يبان
وقت البرد عطفك سُتْــرَة
ووقت الشر يدك ساترة
أنت الصخرة وليك أنا بالجأ ليك المجد وليك القدرة

1- (قَدْ خَلَقْتَ رَبِّي جَسَدِي لِذَا شَخِّصْ أَنْتَ مَرَضِي)2
(فَبِوَجَعِـي أَنْـتَ أَدْرَى
وِبِسَقَمِـي لَسْتَ تَرْضَى)2

القرار- (أَنْتَ شِفَاءٌ لكُلِّ أَدْوَائِـي مِنْكَ أَلْقَـى رَبِّي دَوَائِـي)2
أَنْتَ مَـوْلاَيَ خَبِيــرٌ
(فَقَدْ نَسَجَتْ يَدُكَ أَحْشَائِي)2

2-(كَوَّنْتَ تَفَاصِيلَ جِسْمِي
أَبْدَعَتْ رِيشَتُكَ رَسْمِي)2
(هَـاكَ كُلِّي أَنَا لَدَيْكَ أَرْجُو مَـسَّـةَ يَدَيْكَ)2
3- (لَسْتُ أَسْتَنِـدُ بِبَشَـرٍ لَسْتُ أَتَّسِـمُ بِفَشَـلٍ)2
(وَاثِـقٌ فِيـكَ طَبِيبِـي
مُنْقِذِي جُرْحُ الصَّلِيبِ)2

القرار- (ياللي بتسمع صرخة تايب أما بييجي ينادي عليك
ياللي بتغسل قلبي العايب وفي لحظة بترده إليك)2
1- (أنا جاي لك وواحشني حنانك باتواضع يا يسوع قدامك)2
طول أيامي أعزف أنغامي (وأتغنى بحبك وكلامك)2
2- (أنا جاي ومتمسك بيك أتعابي شايلاها أيديك)2
دايمًا تسعدني بتشجيعك (ودموعي شايفاها عينيك)2
3-(ياللي في ألمي دايمًا جنبي ناسي الإثم وغافر ذنبي)2
حبك خلّى فرحي اتجلى (وحضورك بقى كل مطالبي)2

1- (كل مرة بعدت عنك كل مرة خيِّبت ظنك
ورجعت تاني وقربت منك باشوف حنين جوه عينيك)2

القرار – بالقاك فاتح ليَّ دراعاتك بالقى حنانك ويا أَنَاتك
واتدارى ف ضل جناحاتك وبُحبك تجذبني ليك
قلبي الحجر قوام يلين يفرح بيك لو كان حزين
ويهلل بعد الأنين ويرتاح ما بين إيديك

2- (كل مرة بصيت بعيد ونسيت طريقك وبقيت شريد
وجيت بقسوة قلبي العنيد راجع نادم بتوبتي أناديك)2
3- غير حبك مش بالاقي وحدك انت عليَّ باقي
ملكت حبي واشتياقي هاعيش عمري الجاي ليك

1- (الرب يحامي عني ... عايش أنا في خيره
دايمًا قريب مني ... عيني مش شايفة غيره)2
(أجري عليه وارتاح ... وأتمسك بالمكتوب
بإيديه يشفي الجراح ... وينصف المـغلوب)2
2- (الرب يحامي عني ... عني أبدًا ما تخلى (مز8:138)
بشخصه يعينني ... وفي شدتي يتجلى)2
(جعل وجهي صوان ... فعرفت أني لا أخزى (أش7:50-9)
وعلى صدره الحنان ... أنعس فهو لا ينسى)2
3- (الرب يحامي عني ... من إيه أفزع وأهاب
يرفعني ويطمني ... لأهـــون الأسبــاب)2
(لا يدع عصا الأشرار ... تمسنا بـالسـوء (مز3:125)
حتى إن هاجت البحار ... يأمر بوقف النوء)2
4- (الـرب يحامي عني ... في قوتي وفي ضعفي
وينزع عاري مني ... ونعمتــه بتكـفــي)2
(يجرح ويعصب ... ويـداه تشفيـان (أيوب18:5)
وفي قـلبي يسكـب ... بـروحه اطمئنان)2