نطة عالية (15 ترنيمة )

القرار- (لما باصحى أنا من نومي عندي حاجات لازم أعملها
لما الشمس بتدخل اوضتي ترنيمتي أنا لازم أقولها)2

1- بقوله يارب تعال في يومي بارك كل حاجة فيه
خليني في وسط العالم ابن حقيقي تفرح بيه
2- باصلي للرب وبصوت واطي وأنا باغسِل وشي معلش
سامحني يارب على غلطاتي وأبداً تاني أنا ما اكدبش
3- وكمان وأنا باغسِل أسناني باطلب منه ينقّي كلامي
كلمة ردية ما تخرج مني ولا تاني يقولها لساني
4- وباسرّح شعري وأنا بافكر إن شعور رأسي محصاة
ولا شعرة واحدة تقع منهم إلا بإذن من السما

أبانا الذي في السماوات بنحبك من كل القلب وليتقدس اسمك فينا ويعلى ملكوتك يا رب
عالية مشيئتك في السما ولتكن أيضاً في الأرض
قد احتياجنا إدينا من الخبز اللي يكفينا
واغفر لنا ذنبنا وغلطنا زي ما نغفر لإخواتنا
وأخيراً يا رب هانطلب لا تدخلنا في تجارب نجينا من الشرير لأن ليك كل القوة
ومجد وملك إلى الأبد آمين

عم ويصا عم ويصا سواق أتوبيس الكنيسة
مرة زمان وأنا قاعد جنبه عم ويصا فتح لي قلبه قال لي:
يا ابني أنا من زمان باجري وألف في كل مكان
باجيب ولاد الرب ليه لبيت أبوهم يهتفوا ليه
دعوا الأولاد يأتون إليَّ وماحدش يمنعهم عني
لأن ليهم الملكوت لأن مكانهم جوه في حضني

ساعات يقولوا عليَّ صغير وساعات يقولوا
عليَّ كبير كلام غريب باسمعه باتحير أنا صغير ولا كبير
لكن أنا من يوم ما فهمت إنك دفعت فيَّ كتير
حسيت ساعتها إني غالي سواء صغير أو كبير
خليني ربي أكبر في حبي ومش مهم أنا سني كام صغار
كتير كانوا أطفال زيي وقلبهم مليته سلام
أكبر يعني مش بس جسمي لكن دي روحي وعقلي
كمان أكبر يعني أنسى ضعفي وقوتك إنت تبان

بطرس راح يصطاد السمك في البحر الكبير
طول الليل ماصطادش حاجة في البحر الكبير
يسوع قال له أوعى تخاف من البحر الكبير
يسوع قال له ارمي الشبكة في البحر الكبير
بطرس اصطاد مليون سمكة من البحر الكبير
بطرس شكر ربه كتير عالسمك الكتير

(كان فيه مركب ع الموج ماشي والريح هادية ما بتعلاشي)2
(لكن فجأة اختلف الأمر مال المركب وسط البحر)2
(راحوا التلاميذ ليسوع يجروا وقالوا الحقنا
المركب مال والقلع اتشال والبحر أكيد هايغرّقنا)2
(ويسوع في الحال قام أمر الريح البحر سكت وما عدش يصيح )2
رجع المركب من تاني مريح
(لما تخاف من حاجة تعالى قول ليسوع يحميك من الشر
هو هايقدر هو هيؤمر هو يسكّت أمواج البحر)2

أنا بيتي هو كنيستي عرشي هو السما
وساكن في القلوب اللي حبت ربنا
أسكن في كل قلب فتح لي وقال لي اتفضل
أدخل ويبقى قلبه هو مكاني المفضَّل

ويحصل إيه يا رب في القلب اللي تسكن فيه يعني ينفع تسكن في قلبي
يحصل حاجات كتير لما أسكن جوه قلبك والناس تعرف كمان إن إلهك بيحبك
هاتحب الناس وطبعاً هايحبُّوك هما كمان
تتعب عشاني لكن أنا هادّيك أمان
ويشُك الناس في حبي وقلبك مليان إيمان
وهاتبقى نور ينوَّر لقلُوب تانية كمان

1- أرنم زي بولس وسيلا في سجنهم وأتحدى بتسبيحي ضيقاتي وكل هم وأستنى لما تيجي وترفع عني ضيقي والسور العالي أشوفه بأمرك ينهدم

قرار- يا يسوع أنا فرحان بيك يا يسوع راح أرنم ليك يا يسوع
هافضل أغنيلك حتى لو عينيَّ فيها دموع

2- وزي داوود أغني وأقول ما أعظمك ترنيمي وعزفي وفني وصوتي كله لك مافيش يا إلهي زيك إنت أعظم ملك أنا عارف رغم سني تسبيحي بيفرحك
3- واللي اتشفى وقام من مرضه بالتمام قام اتنطط فرحان وسبحك كمان وأنا مش هاقعد زعلان وإلهي إله حنان أحياني ومات عشاني ووهبني الغفران

القرار- سهل تلاقي وش جميل لكن القلب الحلو قليل أيوه يا ربي جمل قلبي وينور في وسط الليل

1- سهل أكون جميل وأتحب لكن الأصعب إني أحب اللي شتمني واللي خاصمني وأشهد إني ابنك يا رب
2- سهل أضحك وأصاحب واحد لكن لما ألقاه بيعاند عاوز أسامحه وأنساله جرحه وساعتها يبقى ولادك واحد
3- ممكن تيجي لصاحبي هدية وأتمناها أنا تكون ليَّ أحسده ويبقى ضاع جمالي وتختفي صورتك فيَّ
4- أيوه أنا بيك أنا عاوز أعمل هابقى بيك أنا أجمل وأجمل أيوه يا ربي جمل قلبي واملا بنورك إنت وكمل

حاسس إني غني وإيه يعني ناقصني إلهي يحبني
وفي كل لحظة حارسني حاسس إني غالي وتمني
عنده غالي ده الرب عشان حياتي قدم نفسه بدالي
نفسي يا رب أكبر وأقدر أعمل وأقدر
وأشهد عن حبك إنت والناس تحبك أكتر

1- يمكن ماقدرش أنط نطة عالية لفوق زيك يمكن
عيني ما بتشوفش الألوان الحلوة اللي في لبسك
قرار-
علشان حلمي هو حلمك قلبي حلو زي قلبك
وعارف إن يسوع بيحبني تمام زي ما حبك

2- باعرف معنى الصداقة وما تمنعنيش
إعاقة عن إني أبقى صاحبك وقت ما تحتاجني أساعدك

3- عارف إني مختلف لكن أكيد للرب قصد
مفيش مكان للصدف وحياتي من مجد لمجد

[(من حقي ألعب ويا ريتني أكسب)2
لكن كمان ممكن كمان يمكن كمان انت تكسب]2
( ألعب وتلعب أخسر وانت تكسب)2
وأكيد كمان هانكون كمان في لعبنا من بعض أقرب

1- أرجوكي كوني زي ما بتحلم عيوني كوني نفسك كوني حلمك كوني كل اللي تطلبيه حققيه احلمي بأحلى قصر أحلى قصر واسكنيه والكلام اللي في قلبك الكلام كله قوليه والعالم لو كدبك كوني إنتِ الصدق فيه
2- كوني زي ما بتحلم عيوني كوني فرحة كوني غنوة وإن مشيتي في الظلام نوريه غيري في الكون ده حبة وابذري بذور المحبة بالبراءة عدي واجري ما تخافيش من أي سور الضلام خواف هايهرب طالما في القلب نور
3- أرجوكي كوني زي ما بتحلم عيوني كوني إنت زي ما إنت كوني حرة في اختيارك ده اختبارك هابقى جنبك ماسكة إيدك لحد ما يطلع نهارك هاحكي لك على اللي في قلبي واللي واجهني في طريقي إنت تختاري طريقك المهم يكون حقيقي

(قلبي بيدق بم بم بيقول بحبك يا ماما وفي عيدك أغني غنوة وقلبي يهدي دقاته)2
(باحبك باحبك باحبك)2
(كل اللي عايز أقوله بلساني وعيني وقلبي)2
إن أنا فرحان وباغني علشان انتِ ماما

1- شكراّ على السنة اللي فاتت شكرًا على كل اللي حصل ولا عمري كنت هاخططها أحسن من ضابط الكل
القرار- وحدك غالي وتستاهل كل كلامي عليك وحدك غالي وتستاهل أعيش العمر ليك وحدك ربي أبتدي وأنتهي السنة وياك
2- شكراّ على اللي ماحصلش أصل إنت ربي ماتغلطش إنت عارف إيه يناسبني وإيه يإذيني وأنا ماعرفش
3- شكراّ على كل الأيام كنت معايا وبيننا كلام كنت سامعني وكنت فاهمني وعلى كفك أنا باصحى وأنام