ألبومات أطفال (109 ترنيمة )

القرار- احنا أولاد الله دايماً فرحانين ماليانين بالنعمة وقوة كل حين
ليه أولاد الله دايماً فرحانين مليانين بالنعمة وقوة كل حين؟

1- (يوم ورا يوم ورا يوم والهنا وياه مرسوم)2
وادي فرحنا بيكمل بالرب يسوع ويدوم
2- (سنة ورا سنة ورا سنة ولقينا وياه الغِنى )2
عن أفراح العالم وكلام الناس والغُنا
3- (عيد ورا عيد ورا عيد في قلوبنا سما وأناشيد)2
واللي ما بيرنمشِ يصقَّف ويقول بالإيد

القرار- آلو آلو آلو آلو مين مين مين ويايا على التليفون
أنا انا أبو ست سنين بس كلامي ده ليه مضمون

1- صدق اللي يقول صدقني وما تصدقش اللي بيحلف اللي بيحلف ده بيداري عل خطاياه ويدور ويلف
2- افرح وإنت بتدي الرب في إيد الفقرا وما تكشرش بص في باقي فلوسك وإنت هاتلقى جيوبك ما بتنقصش
3- سلم على اللي يسلم واللي يمر عليك ولا بيسلمش حب اللي يحبك وعدوك واللي لحبك ما بيقبلش
4- علم غيرك اللي عرفته وعشته وغير كده ما تعلمش تصبح زي الرب يسوع اللي في كلماته ما بيكترش

1- يا رب بارك طوني يا رب باركه كتير وخليه دايماً يكبر في القامة والتفكير وخليه يعرف عنك في كل يوم أكتر واملا حياته بحبك بحبك الغزير (يا رب بارك)2 يا رب بارك طوني
2- ابني بسلمهولك وبين إيديك ترعاه طول السنين يشهدلك إن أنت كنت معاه افتح عينيه لكلامك وعلمه إزاي يكبر بفهم كتابك وأكبر أنا وياه (يا رب بارك)2 يا رب بارك ابني

1- أنتم ملح الأرض أنتم نور العالم أنتم أولاد الله (فاسلكوا كأولاد الله)2
2- أنتم ملح الأرض أنتم نور العالم أنتم سفراء الله (فاسلكوا كسفراء الله)2

قرار- شادي شفته في مرة كان زعلان رنم بعد شوية بقى فرحان
قال ترنيمة بس قديمة قالها جده لينا زمان

1- الترنيمة بتحكي حكاية إن يسوع يسكن جوايا (وأعرف إنه هو لأنه)2 يملأ القلب فرح وأمان
2- إن يسوع حب الوحشين ويخليهم كدة حلويين بس يتوبوا عنده صليبه ولخطاياهم فيه غفران
3-إن يسوع جه مات علشاني كنت بعيد جه لحد مكاني خدني معاه وهاعيش وياه مع شادي هارنم وأنا فرحان

بطرس راح يصطاد السمك في البحر الكبير
طول الليل ماصطادش حاجة في البحر الكبير
يسوع قال له أوعى تخاف من البحر الكبير
يسوع قال له ارمي الشبكة في البحر الكبير
بطرس اصطاد مليون سمكة من البحر الكبير
بطرس شكر ربه كتير عالسمك الكتير

1- لما قلت أرنم ليك وأتمتع وافرح بيك وأملى حياتي بتسبيحك للأبد شفت وردة بتسمعني وبترنم ترنيمتي آتاري كل الكون يا ربي يسبحك
القرار- حتى الجبال بتسبحك والزهر يرنم ليك كل الفلك بيقول مجداً مجداً يا مليك
2- تسبيح الكون بيزيد مع كل يوم جديد مع كل شمس تطلع أو تغيب اقبل من قلبي لحني أنغام بتحكي يا ربي عن حب وشوق يدوم ما بينتهيش

الأمل في بكره عمره ما كان له حدود
بالإيمان هانعلى ونعلى وربنا موجود هو اللي
راعينا ومضلل علينا وإيده ويا إيدينا
بيثبت خطاوينا السنبلة هاتكبر هايشتد العروق
أملنا يتحقق لو إيماننا أكيد في النور راح
يشقشق مهما إن كان بعيد في الغربة
أو عتمة ربنا يساعدنا هو اللي
واعدنا وإدانا المواعيد

1- زي ما عين البيبي ناحية عين والديه عنده إيمان وبيطلب منهم ما يكفيه
علشان كده ويايا ارفع عينك ليه حالاً اطلب منه وإنت راح تلاقيه
2- أصل ده ربي بيفرح دايماً بيك في صلاتك قبل ما تطلب منه عارف كل حاجاتك
اعرف أنه لا يمكن أبداً ما هاينساك ولا يمكن هايغمض لحظة عن رؤياك

القرار- (أنا فرحان أكيد فرحان أنا كلي سعيد وقلبي حاسس بالأمان
معايا فاديَّ ماشي جنبِيَّ بيفكر فيَّ وشايل همي من زمـان)2

1- ومهما يجرح شعـوري العالم ومهما يحاول إنه يفشلني ويخزيـني
ألاقي في قلبي ترنيمة ربي تعزيني وييجي فاديَّ ويمسح ليَّ دمعة عيني
2- ومهما يجينـي إبليـس بكلامه ومهما يحاول إنه يجربني ويغريني
ألاقي في قلبي كلمة من آية بتغنيني بترد عليه وبتكسر شوكته وتنجيـني
3- وإن جه أصحابي وغلطوا فـيَّ ومهما يحاولوا يسيئوا بكل كلامهم ليَّ
ألاقي في قلبي قوة ربي بتقويني وأرد الشر بكل الخير اللي اداه ليَّ