مفيش زى يسوع (14 ترنيمة )

١- (مين قال إن اللي خالقني في ضيقاتي مش سامعني ولا شايلني في آلامي؟
مين قال إن أنا لوحدي وانت يا إلهي جنبي ومعايا كل أيامي؟)٢

القرار - مش هاقبل غيرك يملا حياتي يارب باقدم لك صلاتي
ده انت النور الي بينوَّر كل عمري
أيامي بكلامك هاتحييها وسنين الخير بارك فيها
خليني دايماً وياك أُملك أمري.. أُملك أمري

٢- مين قلبه حنين زيك؟ مين عنده إحساس حبك وواهبلي أحلى حياة؟
مين وياه أنا مطَّمِّن؟ مين زيك هايكون ممكن؟ ده مفيش غيرك إله

٣- يا إلهي أنا كلي إيمان إنك ابويا الحنّان ومعاك طريقي هاكمل
ولاسمك دايماً أعلّي صورتك قدامي تملّي أنا ليك قلبي بسلّم

١- أوقات باكون مليان بضيق وخوف وبالاقي قلبي موجوع مليان جروح
أوقات بتنزل دموعي من عينيَّ وسط الناس وفين ما روح
مش لاقي نور جوايا أو سلام وعشان حبة حنان بخبط ع الببان
ولا حد يفتح واللي يزيد الآلام اللي بتلجأ ليه بيجرحك كمان
اللي بتلجأ ليه بيجرحك كمان

القرار - واتولاني برعايتك مليش حد غيرك هاحتاج إيه وانا جنبك ومغرقني في خيرك
مش راح أسيبك تاني وقت مرارة بُعدي عنك
عارف إني محقوقلك حاسس إني ضعيف إحساس إني مش ملكك ده كان إحساس مخيف
حبك حلّى ايامي خلّى حملي خفيف

٢- وساعات باعيش أوهام زي الحقيقة وباقول يا ربي هابعد بس لدقيقة
ألاقيني سيبتك شهور وسنين كتيرة تايه وماشي في طرق صعبة وخطيرة
وفي لحظة أفكر إزاي بعت بسهولة وباكرر غلطي تاني مش المرة الأولى
أبكي وأندم وأرجع لحضنك تاني وألاقي فعلا إنك يا يسوع ضماني
وألاقي فعلا إنك يا يسوع ضماني

ساعات كتير بيبقى في موضوع كده بدماغنا شاغلنا
موضوع مهم قوي
وبتبقى كل علاقتي بربنا منحصرة على مدى تنفيذه لمتطلباتي في الموضوع ده
وبقدر أحكم على علاقتي معاه على حسب
لو الموضوع ده ماشي تمام
بقوله أحمد اسمك لأنه صنعت عجباً
لو الموضوع عصلج شوية ولا وقف
هامشي وأقول
إلى متى يارب تنساني كل النسيان
وبقى ربنا الساحر اللي بيحققلي كل طلباتي
اللي أنا شايف إنها لازم تتحقق
عارف.. لو جربت تخلي عينك على ربنا
تثق في ترتيبه لحياتك مهما كانت بعيدة عن توقعاتك و طلباتك
سدقني.. مفيش حد زيه يرتبلك حياتك ويهتم بيك
مفيش حد زيه يوقف جنبك وإنت حيران ووحيد
مفيش حد زي يسوع

١- (بنطلب مين في وقت الضيق مين الي دايم لينا صديق) ٢
مين الحاسس بوحدتي مين اللي شايف غربتي
غيرك إنت يا يسوع

القرار - عايش في حضن أبويا ولا يوم راح أنساه
هو صاحبي وأخويا وأساس الحياة
هو داري بحالي وفاهمني صحيح
متطمِّن وأنا في كفه وكلامه مريح
مفيش زي يسوع

٢- (ولو في مرة معرفتش أختار فين طريقي ولفين المشوار) ٢
(مين اللي بيطبطب عليَّ وإيديه بتاخد ب إيديَّ) ٢
غيرك إنت يا يسوع

٣- (ولو في يوم بكيت بدموع جوايا صوت ومش مسموع) ٢
(مين اللي يسمعني قوام وأحكي وأطوّل في الكلام)٢
غيرك إنت يا يسوع

ممنوع دخول النور
جملة عاش بها طول حياته دستور
ما يملكش في الدنيا غير عصاية تساعده على المرور
عاش في سجن عام ضلمة
والوحدة بس مسموح ليها بالدخول
وفي يوم شق يسوع العتمة
هزم بحبه الوحدة
رجع القلب والضحكة
لما فتح العيون
أصل مفيس زي إلهي في الكون
يكمل الضعف بالقوة
يخرج من المر حاجة حلوة
يلون بحبه الدنيا

1- عايش في أمان وعيوني تنام وأنا مطَّمِّن أصله لا يمكن هايسبني وحيد
لو فيَّ جراح بكلامه ارتاح خاطري يطيّب قلبه الطيب وبابقى سعيد

القرار
يا مالي بنورك حياتي شكّلت بإيدك أوقاتي..لوِّنت يا رب العمر معاك أجمل ألوان
حلِّيت الأيام المُرّة بنده ما تسيبني ولا مرة يا مهوِّن على قلبي الغربة حاسس بأمان

2- سندي في أيامي وسر سلامي خيره يكفيني وحبه ماليني واهبني حياة
يا شمس نهاري كاشف أسراري ساتراني ايديه أنا مديون ليه بالعمر معاه

مهما بعدت في الجبال أو تهت في طرق المحال واثق هاترجعني ليك
مهما بعدت المسافات أو فكَّرت الوقت فات لسه ليَّ فرصة فيك
(شايفك واقف من بعيد فاتح حضنك مادد ايديك مش ناسيني و ده شيء أكيد
ياما عشت في الكهوف نمت في قلق وخوف وبالحجارة جرَّحت نفسي لعنت الظروف
مكنش عندي ولا أمل كنت تايه وسط الصفوف
لكن ظهرت وسط الألم طيِّبت جروحي)2
طيِّبت جروحي..طيِّبت جروحي

(نحن شعبه وغنم مرعاه نحن جبلته وليس سواه)٢
(اهتفي للرب وهللي يا كل الأرض ونحن ندخل إلى حضرته بترنم) ٢
(ادخلوا أبوابه بحمدٍ دياره بالتسبيح احمدوه و باركوا اسمه
لأن الرب صالحٌ محبٌ لنا وعادلٌ رحومٌ وغافرٌ للأبد أمانته) ٢

Net awayأنا شخصياً
وبالنسبالي فيسبوك وتويتر هم أهم احتياجاتي
بيفرقمعايا عدد اللايكاتوالكومنتات
بعمل فولو لأهم الشخصيات
وبتابع إيه العناوين اللي واخدة أكتر هاشتاجات
وبرغم إنه رأي علماء النفس إنه سلاح ذو حدين
إلا إني مقتنعة إني في الجانب الإيجابي
بس تعرفوا.. لما فكرت مع نفسي لدقيقة
اكتشفت إن أنا وكل اللي زيي
Net away مش
إحنا شخصيات وثنية
اتخضيتوا؟ ليه؟
ما دي الحقيقة
لما افتح الأكونتبتاعي كل ساعتين
وإنجيلي أقراه كل شهرين.. سنتين
وأما قداسي واجتماعي محضرش
وفي السياسة والعلم والفن بعمل سيرش
وأما يسوعي ما كلمهوش
ورغي عالشات ما ببطلش
يبقى أي إله أنا بنتمي له
وبعكس صورة مين بينهم

(دورت في قلبي عند يا ربي ملقتش مكانك وسلامك مش موجود
مش بس فاضي ده مليان بالماضي مليان بخطايا وقساوة وجحود) 2
مليان بضلمة مش لاقي ولا ضي نور
مليان بحزن حاسس قلبي مكسور
مليان بضلمة مش لاقي ولا ضي نور
مليان بحزن حاسس قلبي مكسور
فعلا قلبي مكسور
(وأما بصيت في مرايتي خفت وكترت حيرتي
إزاي صورتك وملامحك مش فيَّ تبان
ولا بسمة تشوفها ملامحي وحمول عليَّ مخاوفي
ويضيع العمر يوم ورا يوم وأنا الخسران) ٢
اسندني وشيل عن عيني قشور خليت قلبي مأسور خليني أشوف النور
نسّيني يا يسوع كل الي فات داوي كل الآهات جبّر كل الكسور
قومني وانقذني من الهلاك عيشني في رضاك طمني وأنا وياك
يا إلهي سلمت ليك العمر وده وعد في كل أمر مش هامشي إلا معاك

النسر في مرحلة من حياته ريشه بيكبر قوي
ووزنه بيتقل فما بيعرفش يطير بسهولة زي الأول
منقاره ومخالبه بيطولوا
ويتنوا لدرجة أنه ما بيعرفش يصطاد وياكل بيهم
وبيبقى قدامو حل من تنين
إما يستسلم للواقع ده ويستنى لغاية لما يموت
لأنه مش عارف يصطاد
والاختيار التاني مجهد ومؤلم بالنسبة ليه
بس هوا ده الحل الوحيد علشان يعيش
يطلع لقمة جبل
ويبدأ يكسر منقاره ومخالبه وينتف كل ريشه
ويستنى حوالي ١٥٠ يوم
علشان يطلعلو ريش ومنقار ومخالب زي الأول
ويبقى كده اتولد من جديد
لو إنت في حالة ضعف وقلبك مليان بالضيق
أو حاسس إن حياتك تقلت من كتر الخطايا
ومش عارف ترتفع من جديد في حياتك الروحية مع الله
وقف كل اللي شاغلك
روح ليسوع الذي يجدد مثل النسر شبابك
هو الوحيد اللي يقدر

عند سقوطي تملأني الأحزان
وفي الضيقات تثقل قلبي الأحمال
فأنتظر وأبقى في سكات
حتى تأتيني وتُنسيني ما فات

القرار - ترفعني فأرى الجبال
ترفعني فوق أمواج الحياة
تحملني فوق كتفيك
تقوّني وترفعني إليك

١- بإيديك متباركة أرضي وفي كل يوم جديد شمسك تشرق عليها حبي ليها يزيد
لو فيها أيام خراب هتعديها بسلام رجليك لامسة ترابها محمية مفيهاش كلام
لا يهمنا خوف ولا أي ظروف دي مصر قدام عينيك

القرار - احمي يا رب بلادنا دي بيتنا وبيت أولادنا
واقبل عنها طلباتنا مصر مضمونة في أديك
مذبح ربي في وسطيها ضلل بجناحه عليها
واللي يفكر يعاديها بقوة هايوقف ليه

٢- إيماني زي المقطم وحبي فيضان نيل يحميكي يا بلادي جميلة ملكيش مثيل
يحفظ ليكي شبابك وكل شعبك أمين يقبل عنك صلاتنا من غيره ليكي معين
بخلاصه يسود ربنا موجود يا إلهنا نصرخ اليك

٣- لو مجروحة يداويكي ويشيل هم السنين ويعزيكي في آهاتك عنك ما تغمضله عين
سهران عليكي حارس حافظ ليكي التاريخ وملايكة في الكنايس بترنم للمسيح
يعلى التسبيح تمجيد ومديح وبلدي تنده عليك

١- (مديون بالغالي ولو أوفي كل اللي معايا ما هيكفي
ده حبيبي دفعلي كل الدين ده يسوع الدهب المتصفِّي) ٢

القرار - يالي مسافرين ع الأبدية ده يسوع جوة المركبة دية
يا بخت اللي معاه على طول وياه فرحان وهمومه معديّة
فرحان وهمومه معديّة

٢- (ياللي إنت بتحسبها ومهموم بكرة يدبرها أحسن من اليوم
ما تسيبها عليه وامسك في إيديه ده محدش جاله وبات مظلوم) ٢

٣- (ياللي إنت بتبكي ومتألِّم والمرض اهو باين ومعلِّم
قوم قوله يا رب اشفيني يا رب والناس عن عمله هاتتكلم) ٢