كل الترانيم باوربوينت بالصور (1786)

1- أنا عندي فرح فرح فرح في قلبي (فين فرح في قلبي )2
أنا عندي فرح فرح فرح في قلبي فين فرح في قلبي على طول

2- أنا عندي محبة محبة محبة في قلبي (فين محبة في قلبي)2
أنا عندي محبة محبة محبة في قلبي فين محبه في قلبي على طول

3- أنا عندي سلام سلام سلام في قلبي (فين سلام في قلبي)2
أنا عندي سلام سلام سلام في قلبي فين سلام في قلبي على طول

4- أنا عندي يسوع يسوع يسوع في قلبي (فين يسوع في قلبي)2
أنا عندي يسوع يسوع يسوع في قلبي فين يسوع في قلبي على طول

أنا غـريب وتايـه وعـايش حـزين ووحـيد
مـن بعـد مـا سبـت أبويـا وسافرت بعـيد بعـيد
ودَّعت البيت يا إخواتي وأخدت أنا كل حاجاتي
وهـناك ضيَّعت فلوسي أصبحت في فقر شديد
وهناك بدأت أحتاج تعبان مش لاقي علاج
أصحابي في جوعي سابوني ومع الخنازير تركوني
من بعد العز في بيتنا أصبحت حزين ووحيد
وفي لحظة قلت في بالي أنا ليه مارجعش لبابا
أبكي له أعلن ندمي وأكيد يسامحني أكيد (مش قادر أبعد عنك رجِّعني تاني لحضنك)٢
محتاج أقرب منك محتاج لقـلب جديد
ورجعت بسـرعة لـبـيـتـنا وعـيونـي ملـيـانـة دمـوع
مكسـوف من نفسي ونادم آسف وكلي خضوع
في طريقي لبيتنا لمحته واقف مستني رجوعي
ملهوف مشتاق متألم لضياعي وبعدي وجوعي
لمحني بكى بحرارة ودموعه سالت بغزارة
بمحبة وقوة مسكني وفي حضنه الدافي أخدني
ودموعه الغالية بتنطق الليلة دي أجمل عيد

1- (أنا فاكر وإزاي أنا ها أنسى.. دي محبة ما تخطر على بال
أنا فاكر وحبك ليَّ.. كسر قيدي وعاري أتزال)2
القرار- (إزاي أنا ها أنسى إزاي.. دي لمساتك اتحفرت فيَ
جوه عروقي وعمري الجاي.. تعلن إن أنا ملك فاديَّ)2
تعلن إن أنا ملك فاديَّ
2- (أنا فاكر إحسانك ليَّ.. يوم ما الكل تركوني
يوم ما النعمة انسكبت فيَّ.. و إيديك الحلوة شالوني)2
3- (أنا فاكر أيام تجديدي.. يوم ما دخلت لحياتي
يوم ورا يوم أهتف بنشيدي.. ما في زيك لحياتي)2

القرار- (أنا فرحان.. أكيد فرحان
أنا كلي سعيد.. وقلبي حاسس بالأمان
معايا فاديَّ.. ماشي جنبيَّ
بيفكر فيَّ.. وشايل همي.. من زمان)٢

١- ومهما يجرح.. شعـوري العالم
ومهما يحاول إنه.. يفشلني ويخزيني
ألاقي في قلبي.. ترنيمة ربي تعزيني
وييجي فاديَّ.. ويمسح ليَّ.. دمعة عيني

٢- ومهما ييجيني.. إبليس بكلامه
ومهما يحاول.. إنه يجربني ويغويني
ألاقي في قلبي.. كلمة من آية بتغنيني
بترد عليه.. وبتكسر شوكته.. وتنجيني
٣- وإن جه أصحابي.. وغلطوا فيَّ
ومهما يحاولوا.. يسيئوا بكل كلامهم ليَّ
ألاقي في قلبي.. قوة ربي بتقويني
وارد الشر.. بكل الخير.. اللي إداه ليَّ

١- أنا فرحان لأني صغير ويسوع بيحب الصغار
جه علشاني وراجع تاني علشان يخطف الأبرار
يسوع قال لكل الناس خلوا الأولاد يجوا لي لازم تبقوا زيهم إن كنتم بتحبوني)٢)

٢- أنا فرحان لأني بحبه وهو كمان بيحبني
دايماً أسمع كل كلامه وهو كمان مبسوط مني
والشيطان لما يجيني راح أقوله ابعد عني وأنده ليسوع ينجدني ويسوع حالاً يحميني)٢)

١- أنا فرحان .. يسوع في قلبي .. أنا فرحان .. يسوع في قلبي
أهتف وأرنم وأعلي صوتي أنا فرحان يسوع في قلبي
٢- ربي يسوع .. باهديلك حبي .. ربي يسوع .. باهديلك حبي
أهتف وأرنم وأعلي صوتي ربي يسوع باهديلك حبي

)أنا فُقت خلاص وبودَّع كل شيء فرَّق في يوم بينك وبيني
أنا فُقت خلاص وهاعيش لك وف حماك كل اللي فاضل من سنيني)2
(عمري ما هارجَع أخونك تانى وأسيبك تانى وأتوه وأنساك
عمري ما هابعِد عنك أبداً ولا هاتردد أكون وياك)2
أنا روحي رجعت لي برجوعي لحضنك انت
أنا فيك لاقيت نفسي وبقول هافضل معاك
هافضل معاك
(كنت زمان بارفُض وبقاوم صوتك لما بينده ليَّ
كنت مفكَّر نفسي هالاقي في بعدي سعادة وأدوق حرية)2
بس اهي دارت بيَّ الدنيا دارت بيَّ الدنيا وجبني حنيني وبترجاك
أنا مش طالب غير غفران طهَّر قلبي وقودني وراك
أنا هاحيا لك ربي وأعيش لك وبإخلاص أنا فُقت خلاص
أنا فُقت خلاص

1-( أنا في انتظارك يا ربى الأمين .. وراكع باصلّي و باطلب لمصر
رجايا ف وعودك ده عبر السنين .. يمينك بتصنع من الكسر نصر)2

القرار- خلاصك قريب من خائفيك .. ومجدك هايسكن فـي أرضنا
وشمسك هاتشـرق لمنتظـريك .. و تـيـجـي و تصنـع وعـودك لنـــا
أنا في انتظارك يا ربي الأمين .. فـي وسط الكنيسة وشعبك هنـا
معـاهم باصلّي ومستنين .. حضــورك في مصـر بمجـد وغِنـى

2- ( أنا في انتظارك وقلبي صبر .. وإن الأرض نشفت وإن النهر جف
مصدَّق في إنك هاتبعت مطر .. و مستني اشوف غيمة أد كــف)2
3- (أنا في انتظارك ومستني صبح .. و نــورك يبــدد ظــلام السـنـيـن
و رافـع رايـاتـك بـحـمـد وبـسـبـح .. بـأعـد لـمـجـيـئـك وبـاهـتـف آميــن)2

أنا في قلبـي ليـك حـب من الله
أيوة في قلبي ليـك حـب من الله
واللي باشوفه فيك يشهد عن مجد الله
وانا في قلبي ليـك حـب من الله

١- (أنا قلبي يسجد لجلالك كل يــــوم
ولساني يشكر ع الحياة اللي في يسوع)٢
أنا بيك سلامي ونصرتي وحبي يدوم
كنت النهارده هابقى إيه من غير يسوع

القرار- (يا يسوع أنت ملك الملوك رب الأرباب
أنت في نورك يختفي كل الضباب)٢
وتبدل الضعف اللي ساكن من زمان
وتدي قوة ونصرة فوق كل الصعاب

٢- أنا نصرتي في شخصك حقيقة مش كلام
بعد الهزيمة اللي ملت قلبي دموع
أنت بتملا القلب فرحة وسلام
كنت النهارده هابقى إيه من غير يسوع
٣- (يا ربي نورك وسط ضلمتي يبان
وبكلمتك تشبع حياتي بعد جوع)٢
حتى في ضعفي تضمني وتدّي الأمان
كنت النهارده هابقى إيه من غير يسوع