كل الترانيم باوربوينت بالصور (1786)

1- أنا ساعة لما باحس بضيق أو مركب عمري بيبقى غريق
ألجأ ليسوع بيفرحني وينجيني
أنا ساعة لما باكون تعبان أو لما باقاسي من الأحزان
ألجأ ليسوع بيريحني ويعزيني


القرار - وأطير بروحي للفضا ويؤون أوان الفضفضة
وأحكي ليسوع كل الهموم وألاقي حزني خلاص مضى


2- أوقات أحتاج لكن مالاقيش أطلب والناس بتقولي مافيش
ألجأ ليسوع ويمد إيديه وبيغنيني
3- ده إلهي حنون طيب وعطوف وأنا لما باحس برعشة خوف
ألجأ ليسوع وياخدني لحضنه يخبيني

١- (أنا سعيد حررني يسوع)٣

القرار- أشدو مجداً هللويا مجداً هللويا
أشدو مجداً هللويا حررني يسوع

٢- (إبليس قيدني لكن حررني يسوع)٣

1- (أنا سلمت ليك الأمر... ترتب قدامي العمر)2
(تنصحني وترشدني طريقي... وتثبتني فوق الصخر)2
القرار- (يالليأديتني نـور وحياة ... صليبك كان ليَّ نجاة)2
(أنا واثق هاتكمل تعمل ... أكتر م اللي إحنا طلبناه)2
2- (يا إلهي يا أعز حبيب ... شوق قلبي تكون ليَّ مجيب)2
(تبقى إنت في حياتي الأول ... والآخر وأغلى نصيب)2

أنا شفت بستان وبقيت سرحان
في الورود والأزهار من كل الألوان
وسمعت العصافير بتقول ألحان
والشمس بتصبَّح على كل الأغصان
واليوم بيقول لتاني شوف الله إيه اداني
وشفت النملة مشغولة بشغلة
والنحلة بتعمل بيت من الشمع بتعمل بيت
وأنا لما شفت البستان بقيت سرحان ياربي
أسمع صوتك الجميل صبح وظهر وعصر وليل
وأسبحك كل يوم مع الشمس والنجوم
حتى الأنهار بتصَّقف بتصَّقفلك بإيديها
وبترفعلك أصواتها وكمان أنا معاها

أنا صابر ليك ومستنيك
ورجائي وأملي حاططهم فيك
لا مش في الناس ولا في المال
ولا في القدرة ولا في القوة
ده أنا عيني عليك وانتظاري ليك
وحدك يا حبيبي اتكالي عليك
(وحدك تنصرني وترفع راسي
وتحفظ حقي ده أنت خلاصي)٢

أنا صُنعت لك .. أنا من أجلك
قد خُلقت لمجدك .. لن أكون لغيرك

1- اغفر زلاتي وطهرني عن كل العالم اعزلني
افحص أفكاري ارضى عني أنا عايز أشبع بيك

القرار - دي حياتي بتشبع بيك والنبع يفيض بإيديك
(يرجع ويسبِّح ليك)2 يجعلني أعيش فرحان

2- ثبّتني بإيدك ظلّلني على صخرة اسمك
حَصِّنِّي احفظ إيماني وكمّلني أنا عايز أشبع بيك
3- ارفعني بإيدك واحملني اسبيني بروحك علمني
وبصوتك حنّ وكلّمني أنا عايز أشبع بيك

القرار- أنا عايزك انـت.. يا صاحـب القـوات
تشغـل يمينـك.. تعمــل معجـزات

1- انـت عارف ظروفي.. قبل أنا ما أشكيهـا
مهمـا كانـت صعبـة.. هاتقدر عليـهـا
2- آدي البحـر هايـج.. وأنا مستنيك
وانت صاحب القوة.. والسلطان في إيديـك
3- الأسود جوعانة.. ارسـل ملاكك
خلّي الملك يعـرف.. إنـي أنـا ملكك
4 - الأتـون محـمَّـى.. انزل قـدامـي
و بيـدك الحلـوة.. طلعـنـي تـانـي
5- الأطبـاء احتاروا.. ورِّيهم ايـدك
خليهم يقولوا.. إن مافيش زيك

أنا عسكري صغير ومع يسوع بحارب ضد الخطية وإبليس وقصاد كل التجارب )
إبليس بي حاول يهزمني لكن يسوع ينصرني هو لي وأنا ليه(لما بأصلي بيسمعني )2) 2

1-أنا على صورتك وعلى مثالك مخلوق
لهدف عظيم في حياتي إني أمجد اسمك
(لو عشت العمر بطوله أسبح وأشكر فيك
هافضل مديون مش ممكن هاقدر أوفي الدين)2
القرار- (ياللي بتتلذذ بيَّ أنا لذة قلبي في شخصك
فرحة حياتي إني ملكك يا يسوع)2
2-يا أعز صديق يا فاديَّ يا سيد كل الكون
ليك كل المجد يا رب المجد وليك تسبيحي
(تسبيح من قلب إنسبى من حب فوق الصليب
قلبي يتمنى يشبع قلبك ويعليك)2