كرمى صادق (7 ترنيمة )

القرار – (وَطّي يا سحابة وَطّي و ظللينا
المسيح مشيئته راحة وحبه لينا)2

1- (عارف إن الشمس حرَّها يفنينا)2
علشان كده جانا الفادي وظلل علينا
2-(ربي عارف نفسي حزنها يحنينا)2
جانا الفادي جانا بنفسه علشان يعزينا
3- (عارف إن الغربة طوّلت علينا)2
علشان كده جانا الفادي و لمجده يودّينا
4- (عارف إن الرحلة مخاطرها كتيرة)2
ماشي معانا لحظة بلحظة و سحابه مغطينا

1- (حررني من العبيد جابني وأنا كنت شريد)2
(متّعني بالمواعيد في كل يوم باحياه)2
القرار – (نزل لغاية عندي ورفعني لأعلى سماه
وبعد الموت أحياني وعطاني أسمى حياة)2
2-(وإداني أعيش بإراداة وبقيت صاحب السعادة)2
(وكل يوم بزيادة هنايا وفرحي معاه)2
3- (وخدني من المعاصي جلسني على الكراسي)2
(بغناه ضمن لي خلاصي لحد ما أكون في سماه)2
4-( خطايايَّ بدمه محاها في بحر النسيان ورماها)2
(ولا في ماضي لذكراها على الشاطئ النجاة)2

1- (كان حكم الموت عليَّ ومذنب في الجميع
طلعني يسوع براءة وصار ليَّ شفيع)2
(وتمن براءتي موته مصلوب على الصليب
بذل عن نفسي ذاته شكراً ليك يا حبيب)2
2- (كان ديني تقيل عليَّ وسداده مستحيل
حن يسوع عليَّ وقدِّم الدليل)2
(الله بيِّن لي حبه وأنا خاطي وأثيم
بذل عن نفسي ابنه أنقذني من الجحيم)2
3- (إني أطلع براءة ده كان ولا في الخيال
لا يخطر على بالي مليون مليون محال)2
(لكن يسوع حبيبي حقق ليَّ المحال
شال عني كل أوجاعي واتحمل الأرذال)2

القرار – وداع للحزن قالها قلبي ومافيش جِراح
غيرني يسوع ربي (وقالّي مبروك سماح)2

1- (لا مكان في حياتي لضيق ولا بُغضة لأي صديق)2
ولا خوف من الطريق لما أشرق الصباح
2- (غنَّى قلبي للحياة محبة لكل الأعداء)2
عمري معاه ابتدى عمري معاه في نجاح
3- (في الغربة لا عطش ولا جوع وأنا قلبي شبعان بيسوع)2
ربي نوّر الشموع بالبهجة و بالأفراح

1- (وأنت تحت التينة رأيتك وأنت خلف الغيمة نظرتك
وأنت وسط المحنة حفظتك أنا عيني عليك شايفك)2
القرار – (أنا وعدي لن أتركك أنا وعدي لن أهملك
أنا وعدي أنا معاك طول اليوم عيني بترعاك)2
2- (وأنت وسط ذئاب جوعانة عيني عليك كانت سهرانة
وأنت وسط نفوس ظمآنة كنت المية بأروي ظمأك)2
3- (وأنت شارد في البرية كنت معاك أنا ثانية بثانية
وأنت رافض للبنوية كنت بانادي وباستناك)2
4-(وأنت الدمع فايض في جفونك وأنت غريق وسط ديونك
كنت باجفف دمع عيونك وأنا دمعي فايض وياك)2

القرار- (شيل إيديك عن كل امورك و أنا رايح أعمل لسرورك)2
وأشيلك فوق كل صعابك و هايسطع لأجيال نورك

1-(شيل إيديك هاتلاقي إيديَّ هاتعمل للخير في حياتك)2
بس انت آمن بيَّ هاحقق جميع رغباتك
2- (شيل إيديك خليني اتصرف في امورك وكل أحوالك)2
في ضيقاتك أكون معينك في حياتك هاكون قدامك
3-(شيل إيديك خليني أتمكِّن في حياتك وكل ظروفك)2
وأنا أَظهِر كالنور حقك ويبدد سلامي خوفك

1- (حان اللقاء لعريس قلوبنا ندخل سماه ومعاه أحبابنا)2
ندخل معاه وعينينا تشوفه (أمين تعالَ يا سر فرحنا)2

القرار – (امسح دموع عيون سهرانة اروي عطش قلوب ظمآنة)2
في قلوبنا زاد الشوق جوانا (بالحب ليك يا عريس قلوبنا)2

2- (نترك دموع أنين دنيانا وعينينا تشوف اللي فدانا)2
و احنا معاه وهو معانا (أمين تعالَ ده زاد شوقنا)2
3- (واللي في الغربة ألّمونا مش هانشوفهم ولا يشوفنا)2
غربتنا تدوم ويَّا فادينا (يبقى يسوع موضوع تسبيحنا)2