ملاك آرنست (2 ترنيمة )

القرار – (عايشين في حماك يارب معاك وانت معانا
بننادي عليك و بنلجأ ليك وانت رجانا)2

1- (وقت الشدة ووقت الصعب تمد إيديك
وقت الفرح في وقت الحزن بنلجأ ليك)2 .. يا أطيب قلب
2- (ماشي معانا وانت حامينا من الخوف والشر
وبنجري عليك وانت أبونا يا إله البر)2 .. عايشين في حماك
3- (وقت الضيق يا أعز صديق دايماً نلاقيك
و هانمشي معاك في ظل حماك و هانغلب بيك)2 .. نفرح بلُقاك

1-لو أغلى الناس سابوني وبعدوا عن عينيَّ
ويا رب بقيت لوحدي عايش وجراحي فيَّ
(وبادوَّر على الحماية كفاية إنك معايا)2
كفاية إنك معايا (معايا يا يسوع)2
تسندني للنهاية وتمسح لي الدموع

2-(يمكن ساعات بادمَّع على اللي راحوا مني
وأتمنى العمر يرجع والاقيهم جنب مني)2
(لكن فرحي وعزايا إنك يا يسوع معايا)2
إنك يا يسوع معايا (معايا يا يسوع)2
تسندني للنهاية وتمسح لي الدموع

3-(الأب لقيته فيك وكل حنان الأم
قبل ما انده عليك على طول حضنك يضم)2
(ساعة حزني وبُكايا شايفك يا يسوع معايا)2
شايفك يا يسوع معايا (معايا يا يسوع)2
تسندني للنهاية وتمسح لي الدموع