عطشانة ليك (11 ترنيمة )

1- (فيه أب مات علشان يعيش ابنه في هناء
بدد مخاوفه المؤلمة وبيها أعتنى)2
(حبه عجيب ومين هايقْدر يوصفه؟)2
الأب ده يبقى المسيح والابن أنا

القرار- (معقول أنا محبوب كده بجد حب مش عادي!
وكتير عليَّ إني أكون غالي اوي للدرجة دي!)2

2- (ملك وساب مُلكه علشان ابنه الوحيد
عاش فقير بس بغِناه ابنه اغتنى!)2
(وبان ضعيف مع إن سلطانه أكيد)2
الملك يبقى المسيح والابن أنا
3-(راعي خراف مرة خروف سابُه وتاه
عدّت عليه الثانية في بِعاده سنة)2
(دوَّر عليه وفرِح اوي لما لقاه)2
الراعي ده يبقى المسيح والضال أنا

القرار- (ارحم شعبك اللي حبك اللي اتعلَّق بيك ونجاك
وإن أخطينا اغفر لينا سامحنا كرامة لسفك دماك)3
لعدو الخير ماتسبناش لعدو الخير ماتسلِّمناش
اسمعنا اوعى ماتِسمعناش (انت إلهنا ما لينا سواك)2

1- (دافع عنّا يارب أعنا يارب الرحمة افتح بابك
زادت الحرب وسط عالمنا احفظ يا ربي كل ولادك)2
بعين الرحمة بُص وشوف طفل بريء هايمُوت من الخوف
(مشتاق القلب وصار ملهوف اهزم ربي كل عناء)2
2- (انت إلهنا اللي تريحنا من الأحزان والأتعاب
منقوش اسمك جوه قلوبنا احنا ولادك ليك أحباب)2
ياما آلام كانت في ماضينا تهون وياك ما انت راعينا
(مسكت إيدينا عبرت بينا نسيتنا كل مرار وعذاب)2

القرار- (بنعبدك في كل حين بنشكرك ونقول آمين
يا رب انت إله معين عارف حياتنا وكل شيء)2

1-(طب لينا مين غيرك في يوم يحمل تعبنا والهموم)2
(وإن توهنا في دروب الحياة)2 تسندنا تاني عشان نقوم
2- (راحة نفوسنا بين إيديك وسلام قلوبنا كمان عليك)2
(الخير معاك مالهوش حدود)2كل الدفى في أحضان عينيك
3- (مهما نقابل أو نشوف ندخل تجارب بالألوف)2
(حلوة ومرة بنعبدك)2 يا إلهنا في كل الظروف

1-لو أغلى الناس سابوني وبعدوا عن عينيَّ
ويا رب بقيت لوحدي عايش وجراحي فيَّ
(وبادوَّر على الحماية كفاية إنك معايا)2
كفاية إنك معايا (معايا يا يسوع)2
تسندني للنهاية وتمسح لي الدموع

2-(يمكن ساعات بادمَّع على اللي راحوا مني
وأتمنى العمر يرجع والاقيهم جنب مني)2
(لكن فرحي وعزايا إنك يا يسوع معايا)2
إنك يا يسوع معايا (معايا يا يسوع)2
تسندني للنهاية وتمسح لي الدموع

3-(الأب لقيته فيك وكل حنان الأم
قبل ما انده عليك على طول حضنك يضم)2
(ساعة حزني وبُكايا شايفك يا يسوع معايا)2
شايفك يا يسوع معايا (معايا يا يسوع)2
تسندني للنهاية وتمسح لي الدموع

القرار- (انت شايل حملي لو زايد ومايل
انت قايل وعد لو كان حالي مايل)2
(انت أب ورب ومافيش ليك بدايل
باشكرك يا إلهي وباعد الجمايل)2

1-(انت أب بتستجيب أول ما أقول
انت رب بتختفي معاك الحمول)2
ده بجد حب حب أبدي ولا عمره زايل
2- (انت طيب حتى لما باسيب إيديك
بتقول لي طيب برضو هادور عليك)2
وقريب وكمان عمال تحايِّل
3- (انت جيت من سماك يا إلهي ليَّ
ومدّيت إيدك الحلوة لإيديَّ)2
وبقيت مصلوب علشاني والدم سايل

القرار- (خليني ليك خليني عايش عمري جنبك
طمِّني بيك خبيني يا يسوع جوه قلبك)2
(وأنا باوعدك مهما حصل هافضل أحبك)2

) -1هافضل أحبك مهما عمري عدى بيَّ
هافضل أحبك ياللي حبك دين عليَّ)2
حياتي ليك وروحي ليك تبقى هدية
2- (إزاي ما أحبش حد شال الحزن عني
من غيرك انت في الضيقات يا يسوع أعني)2
بمراحمك اللي مغرقاني جاية ليك باغني

1- [(اطمني بيكِ المسيح بيعتني)2
مرفوعة راسك ما تخافيش وعمرها ما هاتنحِني]2
(اطمني ده مافيش كلام هايهمِني)2
يا كنيستي قومي ما تقلقيش (ولا أي حاجة تهزني)2

القرار- (يا كنيسة ليكِ إله عظيم
شايلك في عينه وحاميكِ
وكل أبواب الجحيم
مستحيل تقوى عليكِ)2

2- [(اتكلمي للشعب قولي وعلِّمي)2
وقت المِحن ما تدمعيش بالعكس غنِّي ورنِّمي]2
(اتكلمي حضن المسيح فيه احتمي)2
بيه افرحي وما تزعليش (في عز ما بتتألمِي)2
3-[(اتشجعي وللسما إيديكي ارفعي)2
ولغير إلهك ما تروحيش ولصوته وحده اسمعي]2
(اتشجعي وبلاش يا أمي تدمعي)2
ده يسوع أكيد ما بينساكيش (ولحكمه انتِ بِتخضعي)2

1- [إديني أمانة ليك وقت الإيمان ما يُمتحن
واحميني بمحبة ليك (أحيا بقداسة وقت المِحن)2]2

القرار- (والنعمة اللي مالكة قلبي بالبر والضياء
تعلن إن أنت ربي في حياتي كما في السماء)2

2- [إديني أمانة ليك في الصغير والقليل
وأزيد متداري فيك (والثمار تبقى الدليل)2]2
3- [إديني أمانة ليك في الوكالة على الحياة
وأعيش ليوم مجيئك (متحاوط بتُرس الرضا)2]2

القرار- (دايماً بتخبيني... لما تهب الريح
بجناحك تداريني.. وعدك وعد صريح)2

1- (لما الناس تنساني.. وأشعر إني وحيد
باصرخلك في مكاني.. تيجي بحب أكيد)2
(وتنسّيني وتعزّيني)2.. يا يســــــوع
2- (لما الناس بتهينّي.. وأرجع وأنا مجروح
بصليبك بتعينّي.. ويشجعني الروح)2
(وتنسّيني وتعزّيني)2.. يا يســــــوع
3- (لما الناس تحاربني.. بالإيمان بالقاك
صوتك ينده ابني.. باجري وأبات في حماك)2
(وتنسّيني وتعزّيني)2.. يا يســــــوع

1- (أنا كنت عايشة زي ما كل الناس ما عايشة
عيانة ومش لاقية العلاج
بإيديَّ دول من زمان من قلبي حايشة
أبسط معاني الاحتياج)2
(على البير لاقيتك يا يسوع مستني
عطشانة ليك ارويني نجيني واحييني)2
عطشانة ليك ارويني واحييني
2- (ما أعرفش ليه قلبي نطق من فرحته
ونسيت كمان أنا جاية ليه
بير ده إيه اللي أرتوي من ميته
ما شربت منه عمل لي إيه؟)2
(دوقني يا يسوع مايتك واروي سنيني
عطاشنة ليك ارويني نجيني واحييني)2
عطشانة ليك ارويني واحييني
3- (أرضي بقالها كتير اوي متشققة
وسنيني اللي أكلها الجراد
علشان كدة دبرت يا إلهي لُقا
يجمعني بيك على إنفراد)2
(سامرية لكن جيت لعندي وبتناديني
عطاشنة ليك ارويني نجيني واحييني)2
عطشانة ليك ارويني واحييني

1- (من النهاردة بقيتِ أمي زي ما إلهي طلب
هو وصاني عليكِ قال لي ساعة ما اتصلب)2
(شيلها في عينيك)2 يا يوحنا
(قال لي برضو يوحنا ابنك لما جاز في نفسي سيف
شال همومي في عز تعبه وشكله كان متهان ضعيف)2
(كل ده)2 عمله عشانّا
حبه صعب علينا وصفه صعب نتكلم عليه
ما انت تلميذه وعارفه شفت حُبه قد إيه
حبه صعب علينا وصفه صعب نتكلم عليه
ما انتِ أمه ودُقتِ عطفه وعيشتي وياه وعاشرتيه
2- (كنت على كتفي بانام وأنسى كل مشاكلي جنبه
عمري ما قابلت في حياتي قلب طيب زي قلبه)2
(فيه حنان)2 ما بينتهيش
(على الصليب قدِّم حياته وأشترانا بأغلى دم
كنت فرحانة وبابكي أصل أنا عبدة وأم)2
(مات عشان)2 احنا نعيش
حبه صعب علينا وصفه صعب نتكلم عليه
ما انت تلميذه وعارفه شفت حُبه قد إيه