كيرلس الفى (3 ترنيمة )

1- لما لقيتني واقف مكاني بائس كده راضي بحالي
زي مفلوج مش قادر يقوم من كتر الهموم عايش مهزوم
(طلبت خلاصه وأكيد إخلاصه هايمِد إيديه ويحن عليا
ده ابن لخيره ماسواش من غيره غير إنسان خاطئ مليان بخطية)2

القرار - ولما قبلته غيَّرلي حياتي لمسني بقوة بدّل خطواتي
رفعني ليه غسل رجليا مسح لي دموعي وضمني ليه
(شال حمل كتافي يسوع الشافي وحضنه الدافئ ملاني خلاص
اداني ترنيمة و حن عليا وهبني النصرة لمسني يسوع)2

2- ضُمِّني خليني أعيش لك وأترمي في بحور حنانك
ردّني أسيب العالم وأنحني قدام رجليك
(تعبان والخطوة الجاية بعيدة وصعبة بقالها زمان
حيران مش لاقي حياتي في شر في دنيا ما ليها أمان)2

القرار - (يا مطمن قلبي يا يسوع بالضيق والاختبار
مين غيرك بيطمن قلبي لما أكون محتار)2
1- (لما بكون في وسط الضيق ما بشوفش زيك يا يسوع
في الطريق أعز صديق تريح القلب الموجوع)2
2- (لما عينيا تلمح صورتك بحس براحةجوايا
وبحس إني تحت رعايتك وإنك ماشي معايا)2
3- (لما أحتاجك بلقاك جنبي تيجي تطمن روحي بيك
لما بشوفك يرتاح قلبي علشان بشكي همومي ليك)2

1- (هانت خلاص وأهو جاي حبيبي ها يخدني ليه ويزيل عيوبي
ده بموته قام وغفرلي ذنوبي ومحضر ليَّ أبدية)2
القرار - ده حبيبي راح يعد ليَّ مكان ليَّ أنا واثق بقاله زمان
هارتاح هناك هاعيش في أمان ويكون لي أعز نصيب
لا صراخ ولا جبن ولا أحزان والخوف يهرب وماله مكان
بقي ليَّ دنيا اطمئنان في حضن أعز حبيب
2- (مشتاق أعيش دايماً معاه مشتاق أكون وياه في سماه
واللي معاه سعده ويا هناه انه يلاقي يسوع)2