نشأت واصف (19 ترنيمة )

القرار- (هيا يا مؤمن باسم البار نبني له في الثغر جدار
بصلاةٍ إلى أن ينهار جبل الظلمة باسم يسوع)2


1- (إن رأيت العدل مَلوم والصدق أصبح معدوم)2
(حق الله هو معلوم)2 فانطق به باسم يسوع
2- (إن رأيت صليب البار يُهان بلسان الأشرار)2
(بإيمان به وبإصرار)2 اعلن عظمة حب يسوع
3- (إن رأيت الأمم ظلام بكبرياءٍ كالأهرام)2
(اهتف تنهدم الأصنام)2 وكل فكرٍ ضد يسوع

1- (وقت شكوكي ألاقيك بتجيني .. أصرخ ليك وأنت تنجيني
ألقى مشاعر دافية في حضنك .. ما أنت الحصن اللي بيحميني)2
القرار- (ياللي بتسمع لي أنا بانده لك .. يا حمايتي باصرخ محتاج لك)2
(تبقى معايا وألقى حماية .. وتحفظ قلبي اللي بيشتاق لك)2
2- (دايمًا شهواتي بتخدعني .. ماتسبنيش يا أبويا ارفعني
وقت الضعف ألاقي أيديك .. من قلب الطين بتطلعني)2
3- (كل جيوش إبليس حواليَّ .. لكن ربي ماسك بأيديَّ
أنا مش خايف لكن شايف .. ربي حبيبي فتح لي عينيَّ)2
4- (عارف إني عايش في عنادي .. وفي عينيك زودت فسادي
لكن جاي لك طالب وجهك .. بعد ما ضاقت بيَّ يا فادي)2

(وعد الله صادق دائمًا أبدًا)2 ((وعدني لن أكون)2 إلا فرحًا)2
(من ثمر الروح ملاني أفراح وسلام وأغاني)2
(طيب قلبي وعزاني)2 وغيّر طعم الحياة
(فرح الأرض وأطيابها ما في عاقل يطلبها)2
(أنا رافض كل دروبها)2 ده شبعي كله من الله

1- (جايين نقول أمين للدعوة الإلهية
اختارنا هانعبد مين كل أيامنا الجاية)2
القرار- (نسبحك نبارك نعبدك يارب)2 نعبدك يا رب
(مين يصدق مين عمل النعمة الغنية
سكان بيوت من طين ونملك في الأبدية)2
2- (غرباء ومختارين نبقى ليك رعيّة
في أيديك منقوشين يا خالق البرية)2
3- (عجبًا مميزين بإرادة وحرية
وهانفضل ماسكين في صخرتنا القوية)2

1- (القلب كفايته واحد يا نفسي اعقلي
أسيادك ليه كتير على مين بتدوري؟)2
القرار- (الحاجة إلى واحد ونروح لغيره ليه؟
الحاجة إلى واحد من غيره نعمل أيه؟)2
2- (سامحني وقول لنفسي مغفوره لك خطاياك
صوتك بيفك حبسي لمساتك فوق إدراكي)2
3- (أنت النصيب الصالح ليك أكسر القارورة
أيديك تعود تصلح ذاتي العاصية المغرورة)2

1- (أيامنا ع الأرض ظل .. عايزين نحياها بأمانة
لا نخونك ولا يوم نضل .. وملامحك توضح جوانا)2


القرار- (خلينا أمناء في كل أمر .. في حياتنا ولآخر العمر)2
نقول أمين لكل أمر .. تؤمرنا بيه حتى إن كان مُر)2)


2- (ثبِّت في طريقك رجلينا .. نسينا الركب المرتعشة
اسندنا وشدد أيادينا .. أرواحنا تهلل منتعشة)2
3- (ساعدنا نهرب من الفساد .. والشهوات اللي بتغرينا
وإن ضغط العالم يوم زاد .. نجري لأحضانك يا فادينا)2

القرار- (شايلك في قلبي يا أحلى أب
شايف مكاني في عينيك يارب)2
1- (مالقيتش غيرك في غناك وخيرك)2
حنَّان ونيرك هيِّن يارب
2- (أحييت مماتي ومليت حياتي)2
عمري اللي آتي ملكك يارب
3- (وياك زماني يطرح أغاني)2
كل الأماني عندك يارب

1- (ع الأسوار واقفين بننادي .. في وعودك صادق يا إلهي)2
(مين يتجرأ؟ مين هايعادي؟ .. شعب حماه الرب الفادي)2


القرار- (علوا الأسوار علوها .. يا شعوب الرب
رب الأرباب قائدنا .. خارج للحرب)2

2- (طاشت كل سهام أعدائنا .. طار الخوف من جوه قلوبنا)2
(قمنا نعلّي ونبني نجاحنا .. المجد كله ليك يا إلهنا)2
3- (بنجدد من تاني وعودنا .. ويا يسوعنا سر وجودنا)2
(احنا جنودك وانت غايتنا .. ليك بنقدم كل سجودنا)2

1- (سأعيش العمر كارزاً شاهداً حبك عجيب
مكرساً وعازماً أتبعـك حتى الصليـب)2
القرار- (أتبعك يا سيدي أتبعك طول الطريق)2
لــو فـي رحــب أو فـي ضيـق
2- (عيناي نحو الجلجثة تراقب شخص الحبيب
وفي مسيرة مقدسة أتبعك حتى الصليـب)2
3- (رجائي ليس في العيان القلب انتخبك نصيب
فأنت حصني والأمان أتبعك حتى الصليب)2
4- (خلِّي حبيبي لا سواك أخدمك حتى المشيب
وفوق أشواك الحياة أتبعك حتى الصليب)2