جرجس ألفي (5 ترنيمة )

القرار- (يا قلوب فرحانة وبتغني للرب يسوع
فرحانة بتهتف وترنم بصليب مرفوع)2
(عايشة في أمان مع الحنّان)2
(لا مرض ولا خوف ولا جوع)2

1-(اشبعنا يا سيد من جودك وعينينا بتنظر لوعودك)2
(تغني حياتنا بمراحمك تغمر أيامنا بحضورك)2
2-(اشرق شمس البر علينا نورك يكفينا يا فادينا)2
(ونشوف حقك مالي بلدنا إعلان حبك في أراضينا)2
3-(مصر في إيديك يا مالكها ولا يمكن أبدًا هاتسيبها)2
(ملوك الأرض ما تغيّر خطة أنت يا رب اللي راسمها)2

1-(عايز أعلن عن فرحة في قلبي مالية كياني وكل ما فيَّ
نعمة سيدي لمست قلبي بعد ما كنت أسير عبودية)2

القرار- قومي يا نفسي انهضي قومي
وارفعي راسك بفخر لفوق
ده حبيبك محا كل ذنوبك
(و ندهلك بمحبة وشوق)2

2-(عايز أعلن عن نصرة في قلبي زي النسر بيها أطير
ده مسيحي بيفرَّح قلبي بعد ما كنت عبد أسير)2
3-(عايز أعلن عن حقي في قلبي خلاني مش ممكن أخاف
طعم النصرة عرفته يا ربي وترد المسلوب أضعاف)2

1-(عمر عِشته قبل منك تايه في دروب الحياة
ريشة طايرة في الهوا مش عارف ليَّ اتجاه)2

القرار- (رد لي بهجة خلاصك خليني أعرف سكتك
روحي ترجع ليَّ تاني و اختبر محبتك)2
و اختبر محبتك

2-(عمر عِشته قبل منك مش عارف ليَّ طريق
ابتسامتي ضايعة مني وعايش من غير صديق)2
3-(عمر عِشته قبل منك أسير قيود حطمتني
عيني تبكي وقلبي ينزف والخطية دمرتني)2

1-(بارفع راسي لفوق لساكن السما
قلبي مليان بشوق مجد وفرحة وغِنى)2

القرار- (انت راعي وصالح العادل و الأمين
قلبك يغفر يسامح ينادي المأسورين)2

2-(عند رجليك اتعلم يا سيد الأكوان
وعلى لساني تتكلم يا صانع الإنسان)2
3- (عند صليبك باشوف يسوع فادي الخطاة
ينزع من قلبي خوف و يمنحني الحياة)2

القرار- (بارسم بريشة الحب وطن أعيش أنا فيه
وأقول لكل الشعب الصعب هانعديه)2

1-(احفظ وطننا يارب م الشر والإرهاب
وعدي بينا الصعب وافتح لنا الأبواب)2
2-(احمي حدودنا يارب واملانا خير وأمان
واشفي جراح القلب أنت إله حنّان)2
3-(بارك بلادي يارب وشُق ليها طريق
وفي السلام والحرب تعدي زمن الضيق)2