فريق الخبر السار (13 ترنيمة )

القرار- (أنا شاعر بيك أنا شاعر بآلامك
أنا حاسس بأنينك كل ده مرِّيت بيه)٢
(أوعاك تفتكر إنك متساب في أحزانك
أوعاك تفتكر إنك وحيد وسط آلامك)٢

١- (ده أنا في الصليب ضربوني بالحربة
ثقبوني بالمسامير تركوني
ده أنا في الصليب رفعوني ع الخشبة
عرّوني وهانوني صلبوني)٢
٢- (ده أنت محبوب على كفي أنا نقشتك
تحت جناحي سترتك هاتخاف من إيه
ده أنت ممسوك بذراعي القديرة
أنا راعي الحظيرة يا غالي)٢

١- (في وطأة الألم بالاقيك بقوة
بتطلع النغم والفرحة من جوه
تحيي الإيمان في أعماقي)٢

القرار- (شكراً على النعمة اللي سانداني
وفي وسط كل همومي سابقاني
تحيي الأمل والدعوة فيَّ تاني
تغمر حياتي خير وأغاني)٢

٢- (في كل يوم جديد ليَّ مراحم
خيرك وإحسانك لحياتي بيلازم
ما أنت أبويا وراعيَّ)٢

القرار- (أنت صالح)٢
عالي ومملكتك ع الكل تسود
(أنت صالح)٢
ربي مفيش لعظمتك أي حدود

١- (صالح وسط ظروفي والأشواك
سندي وماليش ملجأ تاني سواك)٢
٢- (حتى وإن حسيت إنك بعيد
تيجي في أوقاتك وتمد الإيد)٢
٣- (أنت أمانتك ثابتة جيل ورا جيل
حي وللشيبة أنت بتشيل)٢

١- وإن كانت ظروفي الصعبة فعلاً أقوى مني
ما أنا إنسان لكن مسنود على صخري وجابلني
وأقدر أكلم كل جبال وأأمرها تسمعلك
ده مافيش صعب ولا أهوال إلا وتخضعلك

القرار- مين غيرك بكلمة يهدي كل بحور ويشيلني أعدي
فوق جبالي وكل تحدي غيرك يا يسوع
وتجيني ماشي ع المية وتندهلي وعينيك في عينيَّ
وأمشي معاك والريح حواليَّ طول ما عينيَّ عليك

٢- إيماني إنك خالقني وعندك خطة ليَّ
ولأنك عمانوئيل فمحدش عليَّ
هافضل أعلن في كل يوم إنك دايماً صالح
راعي أمين من غير تغيير بكره زي امبارح
٣- اسمك ربي غالي وعالي فوق كل الأسامي
اسم يسوع برجي الحصين فيه أمني وسلامي
فادي مخلص شافي قدير ليك كل السلطان
حتى الموت عندك ليه مخارج واثق بالإيمان

(ما دام السيد في السفينة ليه نخاف
ماسكنا في إيديه الأمينة مش هانخاف)٢

(إزاي الموج يقوى على اللي خلقه
ده حتى الريح تخضع لكلمة منه)٢

(إلهنا حي في كل يوم
موجود حتى في وسط الغيوم
بيشرق شمسه والشفاء
يقدر يغير الظروف
سلامه يطرد كل خوف
يعلن عن نفسه ليه السلطان)٢

١- وسط احتياجي لسندة ومعونة
ووعود لحياتي إنها فيك مضمونة
وأشعر كأني بادور عليك
بين الإيمان والشك وإنت معايا

القرار- مسنود عليك يا راعيَّ
مرفوع بذراع قوية

٢- املاني إيمان مايهزوش واقع
ولا أجي في يوم وفي أفكاري أصارع
أصلي في أمان وأنا معاك
قادر تخلي الكل يعمل لخيري

القرار- (نشكرك ع اللي فات
نشكرك ع اللي جاي
مش شايلين هم حاجة
طول ما أنت في وسطتنا حي)٢

١- (راعي كل الخراف وياك ماحدش بيخاف
بتقودهم في المراعي حتى في وسط الجفاف)٢
٢- (الأشبال ممكن تجوع وضيقات من كل نوع
وأما طالبيك تشبعهم يا يسوع)٢
٣- (وعدك تفضل أمين مهما تعدي السنين
وإن يوم مرت صعاب تعلن نفسك معين)٢

١- (يمكن أوقات أكون مش فاهم إنت بتعمل إيه
وأقول ايمتى وإزاي وليه؟
مرات بالاقي صوت جوايا بيسأل إنت فين؟
وسط المتاعب والأنين)٢

٢- (لكن إيماني وثقتي في حبك العجيب
اللي خلاك تمشي طريقي لحد الصليب)٢
(يخليني ماشكش لو للحظة إني محبوب
وإنك تقدر تخلي كل جبال تدوب)٢

٣- (لكن عايزني أعلن إيماني برغم الغيمة
إن النور جاي وهايشرق بعد أحلك ليلة)٢
(باختار أصدق إنك صالح بالإيمان
ودي الحقيقة مهما كان شكل العيان)٢

إنت صالح للأبد

١- أنت الي تعبر بيّ في وسط أحوالي
تدي كمان رجليّ تمشي على جبالي
ما أنت إله عالي

القرار- (وتنسيني المشقة زي المية تعديها
وتديني أغاني وقوة من بعديها)٢

٢- حضورك أنت كفاية صالح وكلك جود
ما دمت أنت معايا الخوف ده مش موجود
أصل المحبة تسود
٣- أنت اللي تاخد نوحي تبدله بأفراح
وكمان تشجع روحي وتشفي كل جراح
وفي محضرك ارتاح

١- ليك الكلمة الأخيرة حتى في وسط الموت
يدك هي القديرة وحتى إن هاج الموج
(الطب يقول كلام وإنت بتقول سلام)٢

القرار- (سلطانك ماله حدود أعمالك رحمة وجود
بتداوي بالحنان وبتغفر الذنوب)٢

٢- وحتى إن خار إيماننا قدام شدة وصعاب
تيجي ترجّع أماننا وتفتح الأبواب
(وتطبطب ع الكتاف وتطمن اللي خاف)٢