جوزيف نصرالله (44 ترنيمة )

1- (قلبك كله محبة يارب و انت الفرحة في كل زمان
انت الراعي وانت الأب وأمل كل تعيس يأسان)2

القرار
انت عظيم وقدير حبك حب كبير نيرك هين
ما انت حنين مش ممكن تتغيَّر يوم
اسمك ربي عجيب وحدك أقوى طبيب تشفى
بكلمة وتحيي الميت وتفرَّح قلبي المهموم

2- (من غيرك بتراب الأرض يقدر يخلق عين لِضرير
ويرجع لنهارُه الضي بعد ما عاش للضَلمة أسير)2
3- (لو يوم هان الضنى ع الأم لو نسيتوا انت ماتنساش
حضنك انت كبير بيضُم قلبك طيب مابِتقساش)2

1- (هايجيلك يوم وتندم .. ماينفعش الندم
دلوقتي هو واقف .. بيخفّف الألم)2
[(فات من عمرك انت .. أيام شهور سنين
ولسه زي ما انت .. واقف باكي حزين!)2
ارجع له من جوارحك .. وكفاية أنين
(ده واقف في انتظارك قلبه مليان حنين)2..]2
2- (ليه تسمع عن يسوع .. وتحوِّل عينك ليه؟
ده بدمه وصليبه .. ياما شاف الويل)2
[(ساب العرش سابه .. وأدى لك الأمان
صورتك جوه كفه .. دايماً ليها مكان)2
ارجع له من جوارحك .. تحس بالأمان
(ده واقف في إنتظارك.. قلبه مليان حنان)2..]2

1- (يا إلهي أنت تعلم .. ضعف نفسي كم يكون
إنما في الضعف أنت .. تحيي روحي بل تصون)2
القرار- (أدنو منك يا ملاذي .. وسط همي والشجون
أنسى معك يا نجاتي .. كل دمعٍ في العيون)2
2- (سيدي علمني كيف .. أسكب النفس لديك
واثقًا أن الأمور .. دائمًا بين يديك)2
3- (شكلن في إنائي .. ليس حسبما أريد
بل بروحك المعزي .. كيفما أنت تريد)2

مصدق إن بدمك مرشوش ومتغطي
مصدق إن بعملك محمول أنا ومفدي
روحه يرفرف حولي إيده تطبطب علي
وبقدرته يرفعني لفوق دي حمايته حقيقية
مصدق إنك جنبي في ظروفي وضيقاتي
مصدق ضامن قلبي في أنيني وآهاتي
مصدق وسط آلامي وفي المحنة راح أسبح
في الضيق بيقوي إيماني وذبايح الحمد أذبح لك

أيام م العمر عدوا كتار قوي لو يتعدوا
مية واحد خالف وعدة وإنت كنت الأمين
راعيتني بطول حياتي كنت يوماتي وليلاتي
جنبي في فرحي وضيقاتي كنت تملي المعين
ولا مرة نسيتني لا لا ولا هاتسيبني استحالة
ويايَّ في كل حالة تشهد عنك سنين
علشان كده ليك سنيني ليك شوقي وليك حنيني
ولو كنت أطول تجيني ترضي في قلبي تعيش
أنا ماشي وراك راضي وما دام هاتكون قصادي
مهما هايحل ده عادي عاديمايهمنيش

دافع عني إنت حامي
بإيدك إنت لو يوم أنا مظلوم
أستر ذنبي إنت داري
عيوبي إنت لو حِدْت عنك يوم
ربي إنت ظلالي
في يوم الشر بانده لك
ربي إنت افتخاري
وكل المجد منسوب لك
ده إنت نسجتي كونتني
شرفتني إني أكون ابنك
وإنت اللي نشلتني قومتني
جلستني وسط أشراف شعبك
أكسيني وبجناحك دفي بردي برحمتك
وبحقك وجراحات أشفي قلبي بنعمتك
في الصليب شايف غلاوتي شايف قيمتي
ونصرتي ربي بيك في الدم غالب

ضمني يا أحن أب يعرف إيه معنى الحنان
يسوع يا أبو أغلى قلب ياللي اسمك هو الأمان
ضمني أنسى ظروفي دمك إنت شافي جروحي
من مرارة العذاب
شخصكإنت هو اللي كافي روحك إنت يملا لي كاسي
يروي عمري في الجفاف
ضمني في الوحدة يا أبا دهإنت في الحيرة الإجابة
يا وطني يا أبو الأيتام
شيل من فوقي السحابة اللي حاجبة الاستجابة
حط من تاني الأنغام

1-عشت سنين ولا كان على
بالي إن ده ممكن يوم يجرالي
بقي أنا أتغير ونتصالح قلبي الأفراح
ده أنا كنت نسيت طعم الراحة
وماكنتش أصدق بصراحة
إن أنا هاقدر أعوض يوم واحد راح
إنت دخلت حياتي وتاني
جات أحلام كانت نسياني
قلبي أتعلق بالحب اللي لقاه جواك
يا يسوع وإنت معايا سابيني وبقيت باعرف أغمض عيني
من غير ما أقلق علشان مطمن وياك

القرار- (كل اللي انقضى قبل ما أقابلك بالنسبالي كأنه ما جاش
وسنيني اللي أنا عشتها قبلك دي سنين ضايعة مابحسبهاش)2
عمري معاك يا يسوع وبدونك مالهوش طعم عشان يتعاش

2- بعد ما حبك ملا أوقاتي صعب أتخيل شكل حياتى
وأنا من غيرك دي ماتبقاش يا إلهي حياة
إنت وجودك كان بيبقالى طعم سنيني اللىبي حلالى
قلبي أسيرك حضنك أنا برتاح جواه
إنت عاملي مكانة وقيمة نصر كبير من بعد هزيمة
لولا قابلتك كنت فضلت في إيد الموت
أتقدمني في كل بداية أنا بطمن وإنت معايا
ربي قبلتك سيدي وأقولها بعلو الصوت

1- يا إلهي أنت تعلم .. ضعف نفسي كم يكون
إنما في الضعف أنت .. تحيي روحي بل تصون
القرار- (أدنو منك يا ملاذي .. وسط همي والشجون
أنسى معك يا نجاتي .. كل دمعٍ في العيون)2
2- سيدي علمني كيف .. أسكب النفس لديك
واثقاً أن الأمور .. دائماً بين يديك
3- شكلن في إنائي .. ليس حسبما أريد
بل بروحك المعزي .. كيفما أنت تريد