كورال العذراء أرض الجولف (135 ترنيمة )

كونتك بيدي وعنك لم أمسك شيئاً
خلقتك بكلمتي وأعطيتك روحاً حيّاً
سماء مجدي أردت أن أعطيك
جسدي ودمي دُفعا ثمناً فيك
كسرت بصليبي أغلال عبوديتك
تحملت بكتفي أثقال خطيتك
أوبعد ذاك أوبعد ذاك تخونني تخونني
أأهبك الحياة فتختار الموت
أأكلمك فتكون إجابتك الصمت
هل نسيت من أنا
أنا صديقك منقذك إلهك
هل العالم ذكرت وإياي قد نسيت
هل نسيت في لحظةٍ ما من أجلك قاسيت
ﻷجلك غُرس شوك في جبيني
عن خطيتك دُق مسمار في يميني
فكيف اخترت أن تعيش بعيداً عني
تألمت حزنت عليك يا ابني
فكيف ولماذا فكيف ولماذا
تخونني تخونني تخونني

1- مهما قالوا لي الناس إن أنا إنسان عادي
مش هاسمع لكلامهم هافضل دايماً أنادي
القرار- أنا مش موجود بالصدفة أو واحد وسط الجموع
أنا نجم في عين أبويا أنا نجم في عين يسوع
2- يسوع بيقول دي قيمتي زي نجمة في السما
عايزك دايماً منور تعكس نوري أنا
3- إديتني صورتك لأني غالي حطيت روحك في قلبي
هاهتف دايماً لاسمك أنا نجم وهافضل عالي

١- يا إلهنا ياللي بترعى حياتنا وده من زمان قبل ولادتنا
بنشكرك يا يسوع ونصلي في سنينا الجاية تعالَ أرشدنا

القرار - أفراحنا معاك ليها معنى تاني بنسبحك ونقول أغاني
علشان بعد ما استننيناك.. حققت لنا كل أماني

٢- دي حياتنا وأحلامنا في إيديك والمستقبل بقى مضمون فيك
وده الوعد اللي إحنا عايشين بيه تبقى في بيتنا وعنينا عليك

1- (كتير كنت باقول انت فين يا رب الوجود؟
فين ايديك اللي تداوي وتشفي كل الجروح؟
فينك وسط الأحزان؟ وليه جوايا مافيش سلام؟)2
وأتاريني في وسط الضلمة كنت بادور على النور
قاعد وسط دوشة وباقول عايز هدوء

القرار- (عطشان يا ربي سمّعني صوتك عايز أعيش سلامك بقوة روحك)2
(خدني في حضنك أنا خايف من كره وحب زايف)2
نوّر عينيَّ عشان اشوف حبك جوايا يمحي الخوف
ادوس معاك كل الشرور وأعيش فيك حر منصور

2- ده أنا نفسي أقابلك من زمان تبقى أبويا وصاحبي كمان
أشوف في عينك الحياة صوتك يفيض بالأمان
وقلبي يفرح بالسلام حبك يرويني بالحنان أعيش العمر كله ليك
أنا مش هاسيبك مهما كان

القرار- شكراً يا ربي إنت فرحتني لما جيت في قلبي
1- مش ممكن أنسى حبك ليَّ مش ممكن أنسى غفرانك
معاك دلوقتي دايماً فرحان نورت كل الحياة
2- في وقت ضعفي بتقويني مش ممكن أبداً تنساني
من الخطية أنقذتني حبك بيملا قلبي

1- كنت أسيرًا في الآثام والعدل قاضٍ بالقصاص
ففكني فادي الأنام وقال لي نلت الخلاص
القرار- في جلجثة ربي قضى عني على عود الصليب
في جلجثة نلت الرضا فالشكر للفادي الحبيب
2- قد ترك المجد المنير وجاء من أوج السماء
ليمنح الخاطي الأسير العتق وكل المنى
3- روحي وجسمي والقوى لمن وهبني الحياة
أحيا له كما ارتضى فبهجتي نيل رضاه
4- والحمد نهدي في الختام للآب والروح المعين
والابن مانح السلام بدمه الزكي الثمين
الرب قام الرب قام يسوع الرب قام
في موكب نصرته أحيا على الدوام

1- يا كنيسة يا فلك ومنارة لا يهزك ريح ولا طوفان
شعاعك واصل جوه قلوبنا في كل عصر وكل أوان
القرار- ده إلهنا بقوة حاميكِ رافع صليبه عليكِ
إنتِ الحصن اللي بيحمينا من شر العالم حوالينا
2- وعد يا أمي هنعيش فيكِ بإيمان وصلاة هنعليكِ
ونعيش فيكِ السما ع الأرض ومواعدينا هتكمل بيكِ

1- بس لما باغني لك بيصحى إحساس جوايا
مش بافهم الفرحة ديَّ وأتمنى ما أسكت ثانية
وما في تفسير عندي من فين بتملاني دي القوة إني أغني
القرار- وحياتي تبقى غنايا مع الملايكة وراك أنا هامشي وعيني لسماك
العالم هايشوف رجايا إنك هاتغلب ليَّ أنا وأستنى ترجعني لعلاك
لما أغني لما أغني فوق الضعف أطير وأعلي يا رب هاتغلب ليَّ لما أغني
2- بس لما باغني لك من قلبي وكل كياني
يبدأ حبي ليك يبان لي فيه أحلاها معاني
وجمالك يلمسني في الضلمة يغمرني بسلام لما أغني
3- وفي حزني أما باجي لك ودمعي يحبس تسبيحي
رغم آلام أرفع عينيَّ ولا تنزل عنه مسيحي
وفي حزني أما باجي لك ودمعي يحبس تسبيحي
ألاقيني بانسى أنيني بملكي أفتخر من تاني أرجع أغني
4- طول عمري وأنا باتعجب من كل اللي بيوصفوه
قالوا إنك مش شهد أحلى إزاي عرفوا ده وعاشوه
وأنا إمتى قلبي هايبقى القلب اللي تسكن فيه
أنا باستنى لما أغني

القرار: مافارقنيش أبداً أبداً إحسانك ده مافارقنيش
من وأنا لسه في رحم الأم الرحمة شالتني وماسابتنيش

1- (مرة أتعبد مرة أتسند مرة أتشدد وأنا وياك
والمرات التانية أما أبعد أرجع وألقاك مانستنيش)2
مافارقنيش أبداً أبداً إحسانك ده مافارقنيش
2- (وأما اتحارب وأنا في القارب بالموجة وبالريح والخوف
و أبقى بنازع في هزيع رابع تيجي تدافع عني أعيش)2
مافارقنيش أبداً أبداً إحسانك ده مافارقنيش
3- (دوّب قلبي حنانك سيدي وسابني ما بين حمد وتسبيح
وأنا متاخد مسبي وساجد قدام حب مابينتهيش)
مافارقنيش أبداً أبداً إحسانك ده مافارقنيش

1- من الأعماق صرخت إليك يا سيدي استمع صوتي
لتكن أذناك مصغيتين إلى صوت تضرعي
إن كنت للآثام راصداً من يقف أمامك
فإن عند الرب الرحمة وهو يفتديك من جميع آثامك
إن عنده المغفرة والحنان
القرار- انتظرت الرب إلهي انتظرته نفسي
وفي كلمتك إلهي كل رجائي
ربي وسيدي أنت معتصمي
2- ليفرح بك جميع ملتمسيك ليفرحوا ويبتهجوا
ليقل كل محبي خلاصك تعظم الرب كل حين
إني فقيرٌ مسكينٌ فأسرع إليَّ يا إلهي
أنت نصرتي أنت مخلصي وإليك صلاتي
أنت وحدك صخرتي وملجأي