مايكل جمال (14 ترنيمة )

١- حبك مش جنون، لما تبقى سيد الكون
وترضى تقبل تموت فوق الصليب .. يتقال عليك "مجنون"
حبك مش جنون، لما تشيل خطايا الناس
وآلامك عالية فوق أي احتمال لكن حبك أساس
قابل وراضي عار الصليب .. والآلام دي شوق الحبيب
اللي مفيش في جمال قلبه حبه يساع الكون

القرار- وكل ده علشان إنت إله المحبة
والحياة وياك إنت عشق ومودة

٢- حبك مش جنون، حقيقة لا أوهام وسراب
لكن دايما أفكّر نفسي: إنت الإله وأنا التراب
حبك مش جنون، باعيشه في كل يوم
وعشانه بايع الكل ونفسي للي عشاني كان مهموم
أيوة بحب، بس أنت أكتر .. وجوايا حبك بيكبر
وكل حلمي أعيش في بيتك ولو على الأعتاب

١- بحب فيك حبك ليَّ .. وقلبك الدافي الحنيّن
قابلني والعيوب فيَّ .. شايل حملي اللي مش هيّن

القرار:
شخصك مليان حلاوة .. بصفاتك .. وكمان أعمالك
شايف معنى الغلاوة .. في حمايتك .. عطفك وسلامك
هايم في حب حبيبي ليَّ .. شبعان بطعم الحنية
ده كسّر كل قيود جوايا .. عايش معاه الحرية

٢- بحب فيك شوقك ليَّ .. مشاعر الأب لابنه
بلهفته وخوفه عليَّ .. مهما أغيب فاتح حضنه

١- أوفى من أي صديق .. وقت الجدعنة أجدعهم
في فرح أو ضيق تلاقيه .. بين الأحباب أقربهم
دي حياتنا خيرك إنت ماليها .. أيامنا شبع جودك فيها
القرار
ونغني "يسوع"، نهتف باسمه
ونغني "يسوع"، نشبع قلبه
٢- إلهنا رب السماوات .. لكن عننا مش عالي بعيد
حاسس سامع الأنّات .. شافي القلب الحجر العنيد
مين يستاهل كل غنانا .. غير اللي مات قام وفدانا

القرار - باشكرك يا يسوع كل أيام الأسبوع
حد اتنين تلات أربع خميس جمعة سبت

١- هاسبحك من غير ما أشبع ياللي إبليس غلبت
٢- كل وصاياك أتبع علشان إنت اتصلبت