بيتر ساويرس (13 ترنيمة )

١- أكون عارفك
وعارف اسمك .. علشان أيامي .. باعيشها ليك
شبعان حبك
في خيالي صورتك .. وكل كلامي .. حكاوي عليك

القرار- فرحي وهنايا .. اللي في حياتي .. إنت يسوع
وكل غنايا .. وترنيماتي .. ليك يا يسوع
ده إنت عقلي وتفكيره .. وإنت حلمي وتفسيره
إنت اللي ليَّ .. وإنت اللي فيَّ .. إنت يسوع

٢- أعيش مشيئتك
وأبقى مراية .. عاكسة صورتك .. قدام الناس
أعلن حبك
وأقول أنه .. وحده صليبك .. هو الخلاص

القرار- يا يسوع مفيش زيك إله
يا يسوع وياك حلوة الحياة

١- إنت أروع حبيب .. وكمان إنت الطبيب
تقدر تشفي الجسد وترد الروح
الحمل عني تشيل .. حتى لو كان تقيل
والقلب معاك بالسر يبوح

٢- إنت اللي عشاني مات .. وقام من بين الأموات
و غفرت لي ذنوبي علشان بتحبني
حبك خلاني موجود .. ودمك كسر الحدود
قادر في محضرك أفرح و أغني

١- حبك مش جنون، لما تبقى سيد الكون
وترضى تقبل تموت فوق الصليب .. يتقال عليك "مجنون"
حبك مش جنون، لما تشيل خطايا الناس
وآلامك عالية فوق أي احتمال لكن حبك أساس
قابل وراضي عار الصليب .. والآلام دي شوق الحبيب
اللي مفيش في جمال قلبه حبه يساع الكون

القرار- وكل ده علشان إنت إله المحبة
والحياة وياك إنت عشق ومودة

٢- حبك مش جنون، حقيقة لا أوهام وسراب
لكن دايما أفكّر نفسي: إنت الإله وأنا التراب
حبك مش جنون، باعيشه في كل يوم
وعشانه بايع الكل ونفسي للي عشاني كان مهموم
أيوة بحب، بس أنت أكتر .. وجوايا حبك بيكبر
وكل حلمي أعيش في بيتك ولو على الأعتاب

١- البحر شَقيته .. والشعب عديته .. والليل خليته
ليهم يكون نهار
بعمود في السما من نار .. ومن الصخور أنهار
تروي عشان إنت إله أمين على ولاده
أبداً ماسبته جعان .. من خير السما تكفيه
أو في الظروف حيران .. بالحب أنت بتهديه

القرار- أنت إلهنا إله واحد الآب والأبن والروح
أزلي وأبدي رب واحد معاك القلب والروح

٢- مجد السما سبته .. شبه الإنسان أخدته .. وتواضعك في عظمته
تغسل رجلين الناس
بمحبة هي الأساس .. وجبين مرفوع الرأس
تقبل صليب موتك عشان اللي قلبك حبه
وبرغم كل جروح .. عايز ليه أبدية
وقلت بابها مفتوح .. للي يأمن بيَّ

٣- لروحك إحنا بيته .. هيكلك اللي بنيته .. قدسته وخليته
بتفيض ثمرك جواه
محبة وطول أناه .. وسلام في وقت الآه
وبتشفع فينا باللي مش قادر لسانا ينطقه
و بالإيمان لينا .. مواهب سماوية
تعمل آيات بينا .. وعجايب إلهية

بنغني باسمك يا يسوع ده إله صانع عجايب
صاحب القدرة والسلطان إنت يا يسوع

بنغني باسمك يا يسوع ده في حبك القلب دايب
إله رحيم وكمان حنان إنت يا يسوع

يلي في جبروتك وسلطانك الملايكة خدامك مخلوقين من نار
يا غايم في البرية لشعبك عمود سحاب بيضلل في حر النهار

ياللي القعدة معاك أجمل أوقات بتعدي ساعات وأيام وننسى الزمن
وتحكي اللي في قلبك أروع حكايات وفي حضورك بيهرب كل ألم وشجن

القرار- أوصف إيه ولا إيه في جمال يسوع
رقة قلبه وعينيه للحنان ينبوع

١- أوصف حنانه كان شكله إيه .. وسط جموع بالألوف
يشفي ويشبع اللي جاي ليه .. بإيمان بدون الخوف
ويرسّي التايه والحيران .. ويغيّر ليه الظروف

٢- وفي وصف حبه فوق الصليب فارد للكل إيديه
بشوق قلبه وروعة حبيب مش موجودة إلا فيه
عنده غفران وبالمجان للي بيآمن بيه

١- بحب فيك حبك ليَّ .. وقلبك الدافي الحنيّن
قابلني والعيوب فيَّ .. شايل حملي اللي مش هيّن

القرار:
شخصك مليان حلاوة .. بصفاتك .. وكمان أعمالك
شايف معنى الغلاوة .. في حمايتك .. عطفك وسلامك
هايم في حب حبيبي ليَّ .. شبعان بطعم الحنية
ده كسّر كل قيود جوايا .. عايش معاه الحرية

٢- بحب فيك شوقك ليَّ .. مشاعر الأب لابنه
بلهفته وخوفه عليَّ .. مهما أغيب فاتح حضنه

القرار: إملا الدنيا تسبيح وارفع اسم القدير الإله
غني علّي المسيح وأعلن يسوع هو الله

١- غني تسبيح ليسوع علشان يستاهل إنك تغنيله
صالح وأمين إله حنان ومجده اللايق اهديله

٢- إملا الدنيا تسبيح خليك طول الحياة فوق الظروف
خلي عيونك شايفة الأعلى والأقوى من أي خوف

٣- إملا الدنيا تسبيح وقول وإنت مصدق ده إلهي حي
قريّب مني دايماً سامعني إلهي في جماله ملوش زي

٤- سبح وغني لله الثالوث الآب والابن والروح القدوس
الخالق العظيم المعزي الحكيم مخلص كل النفوس

١- أوفى من أي صديق .. وقت الجدعنة أجدعهم
في فرح أو ضيق تلاقيه .. بين الأحباب أقربهم
دي حياتنا خيرك إنت ماليها .. أيامنا شبع جودك فيها
القرار
ونغني "يسوع"، نهتف باسمه
ونغني "يسوع"، نشبع قلبه
٢- إلهنا رب السماوات .. لكن عننا مش عالي بعيد
حاسس سامع الأنّات .. شافي القلب الحجر العنيد
مين يستاهل كل غنانا .. غير اللي مات قام وفدانا

١- حوالينا الخوف من بكرة جوانا مليون فكرة
لكن مفتوحة عنينا ..ع الإله اللي وسطينا
وهنهتف ولكل الناس: بصوا وشوفوا

القرار- بصوا وشوفوا إلهنا القدير بيعمل إيه
ده بجبروته الكل سجود عند رجليه
ولا يحصل أو يكون بس اللي يقول عليه
ولا قوة في كل الكون تؤمر إلا بيه
في الحرب قدير علشان الكل صنعة إيديه
بصوا وشوفوا

٢- حرب وجواها داخلين لكن مش مِسلّمين
وهانشكي للي بيسمع .. دايماً يسند وبيرفع
تسبيح لسانا هيكون: بصوا وشوفوا