باسم صبحى (25 ترنيمة )

1- (بيطمني كلامك وبيغمرني سلامك
ودايمًا أملي فيك يا حبيبي واثق في سلطانك)2
(عارف إني كل أسراري مش مخفية عليك
علشان كده أنا جاي باسلم كل أموري في إيديك)2
2-(عايش أنا لحبيبي وحبيبي دايمًا لي
ومافيش غيره هو نصيبي ومالي الدنيا عليَ)2
(هو إلهي هو حمايتي على مر الأيام
كل حياتي هو كفايتي ومعاه أنا في سلام)2
3- (قربك هو عزايا ولقاك هو رجايا
ومهما يكون أنا ليك مستني وتحقق لي منايا)2
(لما تجيني وتهنيني على طول هابقى معاك
تمسح عيني تمحي أنيني وأسكن أنا في سماك )2

القرار – (قربك ربي يسوع مني مطمني أطلب تسرع فتعينني وتحملني)2
(ما أنا ابنك الغالي عليك محفوظ في قلبك وعينيك)2

1- (واثق قلبي فيك يا يسوع واثق طول ما انت بقربي
مهما أعطش ألقاك ينبوع يرويني ويشبع قلبي)2
2- (وفي صخرك ثبِّتني فيك وفي قلبك خبيت صورتي
غِمضت عيني وهي عليك وفي لحظة زالت حيرتي)2
3- (يا فخري ويا عزي أنا بيه ربي في ستره خباني
من مَسَّني مَسّ عينيه يا فرحي إلهي ضماني)2

1-(قاعد على شط الحياة وأنا مش هاخاف من غدرها
ضامن أماني والنجاة وضماني جاي من ربها)2
بتمر على الأيام الشمس بتشرق وتغيب
مش خايف علشان في سلام (ما دام أيدي مش هاتسيب)2

القرار –(أنا هافضل متمسك بيك عايز أكون دايماً بارضيك)2
عايز أكون دايماً بارضيك

2-(من فوق كتاف ربي الحبيب شايف أنا لُج المياه
مليان بناس في صراخ رهيب ولا داقوا يوم حب الإله)2
خايفين من غدر الزمان والخوف بيملا الكيان
عايشين أوهام الشيطان (ومش حاسين بالأمان)2

3- (عيني قوام ذرفت دموع والقلب داب في حبهم
كلمتهم أنا عن يسوع وإزاي ده مات من أجلهم)2
مين غيره يملا الحياه سلام وفرحه وضمان
ده هو فلك النجاة (جواه بنلقى الأمان)2

1- ياللي حبك كان آسرني وقت حبي للذنوب
كان حنانك بيحاصرني كل ما حاولت الهروب
كان قراري أسيب إيديك بس لما رجعت ليك
شلتني على منكبيك وقبلت عاصي جاييتوب
القرار- باشكرك على نعمتك وباعترف حبك عجيب
باشكرك على رحمتك ودعوتك وجاي للصليب
ياللي حبك لي جابك تدفع الدين الرهيب باشكرك
2- هي إيدك اللي قدرت تنتشلني من الحريق
وحب قلبك اللي فتت قسوة القلب العتيق
قوة الدم اللي سال قومت عودي اللي مال
المجد للرب اللي قال أنا الحياة وأنا الطريق
3- أيوه إنت اللي اشتريتني في عز قلبي ما خان وباع
لولا خوفك يومها علي كنت هافضل في الضياع
باهدي ليك كل السجود ياللي بتعدي السدود
وتروح تفتش عشان يعود لحضنك اللي تاه وضاع

1-(جه إبليس بعناد بيهاجم بيحاول عنك يبعدني)2
وأنا متمسك بيك مش هابعِد مهما العالم هايهددني

القرار- (بس أنا محتاج أنا محتاج إنك تجذبني
جُوه الحضن الدافي تاخدني)2
لما الريح تشتد عليَّ
(مين غيرك يقدر يسندني)2

2- (جه إبليس بيهاجم عقلي بالأفكار اللي تحيَّرني)2
و بيدعيني وبيغزيني وبينه وبينك بيخيَّرني
3- (أنا مش هابعِد ولا هاحتَار ولا هاستسلم للأفكار)2
بعد الحيرة عرفت طريقي أنا بالنعمة عرفت أختار

1-(يا للي عايش في الخطية والحياة وخداك
مربوط بقيودها القوية والهموم شداك)2
القرار –(إنسي كل همك وتعبك وارجع تانى ليه
سلم ليه فكرك وقلبك وإرمي الحمل علية)2
2-(يا للي قلبك مليان خوف فاكر إنه ناسيك
أفتح قلبك وأنت تشوف دايما عينة عليك)2
3-(يا للي عايش جوه ذاتك دايما بيها مشغول
ليه مسجون جوه احتياجاتك وشايل الحمول)2

القرار – (شمالك تحت راسي يمينك بتعانقني)2
ع البر أنا راسي ده حبك بيحاوطني

1- بانسى بسرعة ياربي ازاي عينك عليَّ
يضعف من تاني حبي وما تشوفك عينيَّ
واحتار وأفضل حزين بقيود مالية أيديَّ
ويملاني الأنين مع إنك انت ليَّ
وأرجع وأقول من قلبي
2- ماشي في برية قاسية فيها ليل وفيها نهار
نفسي ليه تكون ناسية ربك ده سور من نار
يشبع من خيره عمرك في السيل ليكِ سِتار
و بيضمن كل أمرك هو صاحب القرار
وأفضل أقول من قلبي

1-(زي بحر بدون مياه زي قلب بدون حـياة
حياتي من غيـر يسوع
زي شمس بدون ضياء زي حب بدون عطاء
حياتي من غير يسوع)2
القرار - (حبك ليَّ يا ربي زي البحر غَمرني
غطاني لحد رأسي ومافيش كلام يوفيه)2
2-(لو مافيش كلمة بمعاني لو مافيش لحن الأغاني
مش هايسكت قلبي ليك
لو شعوب الدنيا وقفت علشان تسبيحي يسكت
برضه هافضل أغني ليك)2

1- (أنا بارفُض ضعفي اكسر قيودي
حرر حياتي واهدم سدودي)2

القرار- (روحك يحرر دمك يطهر
باهتِف وباعلِن أنا مِلك سيدي)2

2- (أنا بارفُض صمتي اكسر جمودي
خلّيني أهتف وأنشد بعودي)2
3- (أنا بارفُض حُزني فشلي ورجوعي
ثبِّت إيماني وامسح دموعي)2
4- (أنا باقبل حبك باقبل طريقك
باقبل أعيش حامل صليبك)2

القرار- تسبيحي يعلى ويعلالك صوتي ويهتف لجلالك
وبأناشيد في المدح تزيد يا رب ما أعظم أعمالك
تسبيحي يعلى ويعلالك
1- ولساني يخبر عن مجدك ويرنم شكرك وحمدك
وأركع وأسجد لك وحدك ياللي مافيش عالي قدامك
تسبيحي يعلى ويعلالك
2- وأهتف لك يا إلهي وربي يا ملك متوج على قلبي
في حبك كياني مسبي مفتون بروعة جمالك
تسبيحي يعلى ويعلالك
3- وأغني وأشهد عن جودك أمين وصادق بوعودك
يا مشرف عمري بوجودك وغامر حياتي بأفضالك
تسبيحي يعلى ويعلالك