بيطمني كلامك (10 ترنيمة )

1- (بنلاقيك وسط المصاعب .. في المشاكل في المتاعب
في الضيقات ملجأ وقوة .. تدّي منفذ وقت التجارب)2

القرار- (وحدك انت كفاية لينا .. وات بس تملا عينينا
صخر كامل سور نار وميناء .. انت يا ربي يسوع)2

2- (انت راعي عظيم ونادر .. في جناحيك بنلاقي ساتر
مستحيل ييجِي يوم نضيع .. وانت إلهنا شديد وقادر)2
3- (اللي فات سلّمناهولك .. واللي جاي بنديهولَك
انت أمين ما بتِنسى وعدك .. تجاوب اللي بيندهولك)2

1- (بيطمني كلامك وبيغمرني سلامك
ودايمًا أملي فيك يا حبيبي واثق في سلطانك)2
(عارف إني كل أسراري مش مخفية عليك
علشان كده أنا جاي باسلم كل أموري في إيديك)2
2-(عايش أنا لحبيبي وحبيبي دايمًا لي
ومافيش غيره هو نصيبي ومالي الدنيا عليَ)2
(هو إلهي هو حمايتي على مر الأيام
كل حياتي هو كفايتي ومعاه أنا في سلام)2
3- (قربك هو عزايا ولقاك هو رجايا
ومهما يكون أنا ليك مستني وتحقق لي منايا)2
(لما تجيني وتهنيني على طول هابقى معاك
تمسح عيني تمحي أنيني وأسكن أنا في سماك )2

1- (انت حمايا في زمن الضيق وانت معايا حبيب وصديق)2
ليَّ عزايا ساندني كفاية حاسس بيا وجنبي رفيق
(حتى في وسط دموعي باغني ما هو انت يا إلهي رافِعني)2
والأزمات تبقى اختبارات وأكمل وانت اللي ضامني
2- (ليَّ كلامك نور وسراج وحمايتي قصاد الأمواج)2
سيفي وعودك ترسي حضورك سور حواليَّ وأعلى سياج
(حتى في وسط الحرب باغني ما هو شخصك بتحارب عني)2
والصعوبات تبقى انتصارات وأكمل وانت اللي ضامني
3- (بيك راح أعدّي كل ظروف يحفظني سلامك في الخوف)2
وارفع قلبي وأناديك ربي إحسانك بعينيَّ باشوف
(حتى في وسط ده كله هاغني وأستناك تيجي تشجعني)2
والآلامات تبقي ابتسامات وأكمل وانت اللي ضامني

1- (مهما أدوَّر مش هالقى مُعين .. غير شخصك انت وراعي أمين)2
وتملّي معايا ده أغلى ضمان .. ولا تتغيَّر على مر سنين

القرار- (ثبت أنظاري يارب عليك .. و أسيب الكل وأمسك فيك
وفي كل يوم بيعدي عليَّ .. يكون هدفي على طول أرضيك)2

2- (وتكون خطواتي تملي وراك .. ويكون بالكامل قلبي معاك)2
و مرايتي ساعتها هاتعكِس نور .. نورك حبَّك مجدك وبهاك
3- (تبقى لي حقيقة وسط الأوهام .. وأمل ورجاء كل الأيام)2
وأما رياح الدنيا دي تقوم .. تملا لي سفينتي سلام في سلام

1- أقدّر ما فعلت لأجلي فبموتك قد أخذت الحياة
دفعت عني أجرة فعلي وبالقيامة نلت النجاة
القرار- (فلك حمدي ولك سجودي فأنت كل كيان وجودي
سأشدو شكرًا بصوتي وعودي وأطلب مجدك في الصلاة)2
2- يا من ذبحت لأجل الجميع لكي يعيشوا لك أبدًا
زرعت حبًّا بقلب وسيعٍ لتحصد الحب كل الثنا

1- (مين يدي البصيرة غيرك وبيسند اللي خاب غيرك
ويطمن بالأمل غيرك إنت يا سيدي ومافيش غيرك)2
القرار- (إنت يا إله كل الكون ياللي بتأمر كن فيكون
عشان إحنا معاك كله يهون إنت يا سيد ومافيش غيرك)2
2- (في الضلمة مين يكون النور والحزين مين يملا قلبه سرور
وتعوض اللي بات مكسور إنت يا سيد ومافيش غيرك)2
3- (وبتغمر بالحنان شعبك بالحب اللي مصدره قلبك
ترعاهم هو ده وعدك إنت يا سيد ومافيش غيرك)2

1- (أنا مش هافشل ولا يوم هايأس ولا تشمتي بي يا عدوتي
أنا هارفع عيني على إلهي ده إلهي منه قوتي)2
القرار- (هاقدر على كل شيء بيسوع اللي هيقويني)2
(ولو يوم ضعفي هيهددني هاجري عليه يحميني)2
2- (أنا رافع راسي ودايمًا أقول أنا مش ريشة شايلاها الريح
ده أنا ابن وغالي على إلهي وتمني هو دم المسيح)2

1- (تمسك إيدي أعدي صعاب تفتح قدامي الأبواب)2
إنتمعايا ضماني وكفاية أفضل راعي وأروع أب
القرار- (أنا هافضل أهتف لك على طول أشهد عنك للناس وهاقول)2
(ده في وسط الضيق لقيته صديق شجعني وخلي همومي تزول)2
2-(وكياني يتملي بسلام ويبقى الوعد ده أغلى كلام)2
وأرفع عيني ألاقي معيني ساندني ماسكني طول الأيام
3- (كل الخير والرحمة معاك وكفاية إني باعيش في رضاك)2
تيجي حروب أو حتى كروب مش راح أخاف أصل أنا في حماك

1- كما علت سماؤكَ عن أرضنا لقد علت
عن فكرنا أفكاركَ يا ربنا وقد سَمت
ما أبعد أحكامكَ ما أعمق أفكاركَ
يا سيد الأرض لكَ كل السجود والثناء
2- من يستطيع أن يقول قد عرفَ فكرُ القدير
أو من يذيعُ أو يكون يومًا لربنا مشير
منكَ الجميع وبكَ الكل فيكَ ولكَ
أنت العليُ وحدكَ بأمركَ الكونُ يسير
3- رب مهوب ومخوف إلهنا الربُ العظيم
وقلبه قلبٍ عطوف يحبنا فهوَ الكريم
(ففي المسيح أعلنَ حباً شديداً نحونا
بِدمَة خلاصَنا أنقذنَا من الجحيم )2

القرار- سعادة بتملا قلبي لأنك أبويا وربي
ده مافيش يوم بيعدي إلا وألاقيك جنبي
بتملاني بسلام ما يوصفوش كلام
وبتهون الآلام طول ما انت في قربي
1- (فرحك هو قوتي وعدك نوري وصخرتي
نعمتك هي اللي تكمِّل وبتسندني في غربتي)2
2- (روعة حبك ورحمتك طولة بالك و رأفتك
حلقك كله حلاوة يا ربي قلبي يدُوب في محبتك)2
3- (بتطمني قوتك ده الكون كله في قبضتك
ومافيش شيء يصعب على شخصك ليك سلطانك ورهبتك)2