محب ناصف (2 ترنيمة )

١- بابتدي اليوم وكلي هموم مش شايف قدامي غير الغيوم
نفسي أقوم لكني مهزوم وحسي مكتوم
حزين زعلان من حيرتي أنا تعبان نفسي أدوق طعم الحنان
خايف وقلقان ضايع في توهان ومفيش أمان

القرار - لكن لأ مش هاستخبى أنا عارف إنه في الآخر في نور
هافضل أكمِّل لغاية لما أقف من تاني والحزن يزول

٢- موجوع مكسور لكني مغرور نفسي أدوق طعم السرور
غرقان وبادور في قلبي مأسور جوايا سور
٣- أنا مش عايز أضعف تاني علشان وقعت كتير
مش عايز أفضل مكاني أنا محتاج تغيير
مش هاخاف وأواجه ضعفي مهما إن كان كبير
ومهما وقعت أنا عندي فرصة أقوم من جديد
لأ مش هاستخبى أنا فعلاً شايف بعينيَّ النور
مش هاستسلم ولا حتى لثانية قدام الصعب مهما يكون

1- (كتير الناس بتقولي أنت ملكش تمن ولا قيمة
وناس تانية بتقول ليك قيمة كبيرة في عنينا)2
بس كلامك بيقول

القرار – (أنا قيمتي مش في ظروفي كلامي حياتي أو أحلامي
أنا قيمتي في دم يسوع فاديَّ المسفوك علشاني)2
مهما الناس بتقول

2- (وأنا جاي دلوقتي مصدق إني غالي اوى عليك
وعارف إني ابنك وانت شايلني جوه عينيك)2
ده كلامك بيقول