رمادى (14 ترنيمة )

القرار- مش راح تخلص الأغاني في حبك يا يسوع
وإن زاد عمري تاني هاغني ليسوع
ولحد ماييجي تاني هانرنم ليسوع
مش راح تخلص الأغاني (في حبك)٣ يا يسوع

١- الإله اللي غفر ذنبي وقتل الموت
للمسيح المنتصر هاهتف وأعلي الصوت
٢- ده أبويا اللي اتبناني من بعد ما كنت يتيم
وزرع في القلب معاني تقدر تتحدى الغيم
٣- للكلمة الحقيقة وسط الأكاذيب
شمس البر العفية نورها في يوم ما يغيب

القرار - (ايه هو الصح وفين نلاقيه والخير إزاي نفهم معانيه)٢
وإزاي هانعيش لون أيامنا من غير ما نفرط في إيماننا
ولا نتخلف ولا نتجمد ولا نفضل قاعدين في مكاننا
إيه هو الصح)٢)

١- دوامة في بحر مالوش آخر والناس بتدور في الإنترنت المليانة حسنات وشرور
ولا عارفين إيه اللي هايحصل ولا فين الأيام هاتوصل هاتغير سكتنا ونبعد ولا هانفهمها ونكمل
إيه هو الصح)٢)
٢- مش فاهمين ليه أيامنا كده مش زي زمان ومافيش في حياتنا دليل واضح ولا حتى أمان
وحاجات ماكنتش زمان تحصل وماحدش نبهنا الأول
بتجينا حاجات نحتار فيها ولا عارفين نرفض أو نقبل
٣- يارب يا عالم باللي أنا فيه عرفني الصح وفين ألاقيه
خليني أعيش على زماني من غير ما أفرَّط في إيماني
ولا أتراجع ولا أتخلف ولا أفضل قاعد في مكاني
وأعيش في الصح

١- (باحب أعيش حياتي دايماً عنك بعيد وبانسى أصلاً إني ابن ليك
وأروح أعمل حاجات مابترضيش)٢... باحب أعيش

القرار - (عيشني بيك عيشني فيك علمني إنك أنت الطريق)٢
أرجع اعيش ليك وأبقى ابن ليك وأنسى كل الماضي وأبدأ من جديد)٢)

٢- (باحب أعيش حياتي دايماً عنك بعيد وبانسى أصلاً إني بنت ليك
وأروح أعمل حاجات مابترضيش)٢

١- بتنادي عليَّ بتنادي يا يسوع وصوتك في قلبي وفي وداني مسموع
بتقولي إني غالي عليك لكن أحوالي كلها ضعف وقيود منها قلبك موجوع

القرار- أنا جاي النهاردة ومش هاستنى لبكرة
وهاعيش لك شبابي وهافتح لك أبوابي
سامع صوتك بينادي وأنا هاجي الليلة دي
وأقول لك إلهي وأبويا الحبيب
ده إنت مخصوص عشاني مشيت للصليب

٢- يا خالق حياتي وقلبي من جديد باصدق دلوقتي إني ابنك أكيد
لا يقدر عدوي يسرق مني فرحي وإن وقعت مرة ترفعني أعظم إيد

١- علشان الناس حواليك يرضوا وتلاقي قبول
لازم حتماً تمشي وراهم في طريق مقبول
لو مرة تخالف وتفكَّر تبقى المسؤول
وتلاقي الناس يبعدوا عنك وتعيش معزول
وأنا عايش أي كلام وخلاص
وبامثِّل على نفسي وع الناس
وما دام دي السكة المطلوبة
هامشيها كده من غير إحساس

٢- علشان الناس حواليك يرضوا وتلاقي قبول
لازم حتماً تنسى إرادتك وتعيش على طول
في طريق معلوم بحدود مرسوم وضمير مشلول
وتعيش في السر حياة تانية من غير ما تقول
وأنا عايش ضد ضميري كمان مش حاسس إني بقيت إنسان
وباعيش في الفورمة المطلوبة مبسوط ما يهمش لو زعلان

٣- يارب أنا عايز أعيش واضح وإيماني أصيل
وأنت اللي تحدد لي طريقي وتكون لي دليل
والخطوة أخطيها بريئة من غير ما تميل
وأحقق ذاتي وكياني من غير تمثيل
مش عايز أمثل وأنادي أنا عايز أكون إنسان عادي
والأبيض فيّ يكون ظاهر والأسود ما يكونش رمادي
مش عايز أمثل وأنادي أنا عايز أكون إنسان عادي
مايهمش أرضي الناس لكن إنت اللي تكون وحدك راضي

١- (بين إيديك يا ربي بالاقي كل الحماية
ضامن عمري وأخاف من إيه طول ما أنت معايا)٢

القرار- (زيك مفيش بالحب يملك عرش القلوب
ويسود كمان فينا رغم العيوب)٢

٢- (أنت بتملك قلبي يا ربي وبتديني قيمة
حياتي معاك ليها معنى تاني وحبك بيملاني)٢
٣- (لما أقرب منك باتغير بابقى أحلى بيك
بتظهر فيّ وباكبر فيك والمجد يرجع ليك)٢

القرار - على الحرية باشكر إلهي على الحرية في المسيح
باهتف ياربي بأعلى صوتي أنا حر في المسيح

١- مهما كانت القيود مهما ضعفي كان كبير
لما عدوي يعلّي صوته ليَّ الرب إله قدير
٢- وسط الضلمة جاني بنوره مد إيده وخرّجني
عظّم عمله معايا بقوة برّه الأسر طلعني

١- (شايف دموعك حتى اللي مش باينة في عينيك
لامس جروحك حنانه يشفي اللي بيك)٢

القرار - (قرب منه وحس بحضنه خلي دفاه يملا ضلوعك
صدَّق إنه بيرعاك بحبه وفي وسط ليلك هو شموعك)٢

٢- (عارف مشاعرك كل طموحك كل ماضيك
سامع أنينك همس شفايفك عينيه عليك)٢

١- بابتدي اليوم وكلي هموم مش شايف قدامي غير الغيوم
نفسي أقوم لكني مهزوم وحسي مكتوم
حزين زعلان من حيرتي أنا تعبان نفسي أدوق طعم الحنان
خايف وقلقان ضايع في توهان ومفيش أمان

القرار - لكن لأ مش هاستخبى أنا عارف إنه في الآخر في نور
هافضل أكمِّل لغاية لما أقف من تاني والحزن يزول

٢- موجوع مكسور لكني مغرور نفسي أدوق طعم السرور
غرقان وبادور في قلبي مأسور جوايا سور
٣- أنا مش عايز أضعف تاني علشان وقعت كتير
مش عايز أفضل مكاني أنا محتاج تغيير
مش هاخاف وأواجه ضعفي مهما إن كان كبير
ومهما وقعت أنا عندي فرصة أقوم من جديد
لأ مش هاستخبى أنا فعلاً شايف بعينيَّ النور
مش هاستسلم ولا حتى لثانية قدام الصعب مهما يكون

١- مهما رحت يمين وشمال أوسع بحور أعلى جبال
أنت برضه بتلاقيني وبتديني محبتك
محبتك دايماً ترفعني من همومي وتشجعني
مفيش زي دي محبة دي الحياة معاك أحلى

القرار- ومهما كان فيَّ خطية بتحبني رغم اللي فيَّ
لسه بتشتاق لرجوعي ليك أنا جاي واقف بين إيديك
ومهما كان فيَّ خطية بتحبني رغم اللي فيَّ
لسه بتشتاق لرجوعي ليك اقبلني يا رب ابن ليك

٢- كل مرة بتستحملني مهما وقعت بتقومني أغلط
وأبعد وأرجعلك بتسامحني وبتنسى
عمرك ما افتكرت ذنوبي دايماً ساتر كل عيوبي
مفيش زي دي محبة دي الحياة معاك أحلى

ش١- حتى إن إيماننا ضاع بنفسينا
حتى إن شفنا الأمل مفقود فينا
وإن استولى علينا سادة سواك
ترجع تشفي قلوبنا وتحيينا

القرار- لسه بتقبلنا رغم إنك عارفنا
ونقدر نيجي ليك والباب مفتوح
لسه بتندهنا حبك بيصالحنا
لسه بإيدك تشفي كل جروح

٢- أما نيجي ليك بصدق القلب
أما نخضع تاني بكل الحب
لما نركع نعترف بيك رب
تتوِّبنا ترجعنا بترنيمة

مش عايز
١- أنا كنت عايش ومعايا لستة طويلة لحاجات عايزها وحاجات كانت عجباني
لكن اديت ضهري لحاجات منها كتيرة عشان قلبي بقى ليه طلبات تاني

القرار - مش عايز غير صديق جنبي مش عايز غير حب حقيقي
مش عايز غير معنى ليومي غنوة لقلبي لطريقي

٢- طلباتي كتير لكن إيه هو احتياجي واللي أنا محتاجه هايملى عليَّ حياتي
وعشانه أعيش وعشانه أروح وآجي وأقول للكل هي دي اختياراتي
٣- مش فارق أكون أجمد واحد في الشلة ولا عقلي كبير وصورتي بتطلع في مجلة
مش عايز أعيش ماشي ورا الزحمة أنا عايش حلمي وباختصار

القرار- أنا عايز كل الكون يعرف إن أنا موجود
وجهادي عشان لفت الأنظار مالوهش حدود
وبكل طريقة هاقول للناس (أنا ليَّ وجود)٣

١- أنا باحلق راسي وألمعها ولا شعرة تبان وأطوِّل شعري وأعمل منه ضفيرة كمان
أو ألبس شورت في عز الشتاء ولا أقول بردان وأساسي الكاب بالليل ونظارة شمس كمان
وده كله عشان وسط الزحمة أظهر وأبان
٢- أحياناً باتظاهر إن أنا جوايا فنان وألبس قمصان من غير كم وعضلاتي تبان
وأرسم تاتو بنت جميلة أو راس حيوان وأعمل تقاليع كده مش لايقة أهو شغل جنان
وده كله عشان وسط الزحمة أظهر وأبان
٣- أنا موجود مش بالتقاليع ولا بالمظهر كل الحركات دي لا بتقدم ولا بتأخر
لكن بنجاحك وبأخلاقك هاتكبر وتكبر ومكانك أكيد وسط الزحمة هايظهر
بكرة يظهر بكرة يظهر بكرة هايظهر بكرة
أنا موجود

نيجي نسجد نيجي نعبد
وبنهتف ونرنم وبنرفع اسمك ونعليك
يا إلهنا يا حبيبنا يا فادينا يا مسيحنا
بنفرح قلبك ونرحب بيك
مجداً ليك ياللي حبيتنا
مجداً ليك ياللي اشتريتنا
كل المجد ليك والسلطان
كل الحب ليك والألحان
مجداً ليك إحنا ليك