مارك إسحاق (46 ترنيمة )

القرار- (اِعلن اِعلن واِرفع صوتك قدام الجموع
اِعلن اِعلن واِرفع صوتك بإيمانك بيسوع)2

1- (قول إنه بدمه إعلان فداك وحبه)2
وإنه من السماء جِه بنفسه أنقذك يسوع
2- (قول أعطاني نفسه وشفى آلامي بحُبه)2
و جاي تاني ياخدني لمجده ربي يسوع
3- (قول إنه في ضِلّه لقيت الأمان كله)2
و طَبَعْ على صورتي صورته وأحياني يسوع
4- (قول فخر حياتي وحياة الدهر الآتي)2
اللي راكع له في صلاتي ربي يسوع
5- (قول أعطاني خلاص غافر خطايا الناس)2
وصليبه تاج على الراس حبيبي يسوع
6- (قول ضامن حياة في طريقي ماشي معاه)2
وحامل صليبي و ماشي وراه ربي يسوع
7- (ده اللي فاتح ذراعيه وناقشني على كفيه)2
اللي بقيت أنا مِلك ليه ربي يسوع

قرار- (ألوف ألوف تخدمه وربوات ربوات قدامه
هاييِجي مع سُحب السماء ابن الإنسان مع خدامه)2

1- (أُعْطِي سلطاناً و مجد لتعبُده كل الشعوب
كل الأمم والألسنة ملكوتُه على الكل بيسود)2
سلطانه سلطان أبدي ملكوته ما له حدود ابن الإنسان
2- (وجههِ كمنظر البرق عيناه كمِصباحي نار
كلامُه كصوت الجمهور بدمه أصبحنا أبرار)2
لمسته لمسة قوية بيها يغيِّر الأشرار ابن الإنسان
3- (سلطانه إلى المُنتهى ليه الأرض والسماوات
حبني إلى المُنتهى بصليبه شال الآلامات)2
ليه وحده كل الإكرام الساكن في التسبيحات ابن الإنسان
4- (مجد وكرامة وحكمة وسجود إليه إلى الأبد
يمينه مُعتزة بالقدرة قوة إلهنا إلى الأبد)2
للجالس وحده على العرش و للثالوث المُتَحَد ابن الإنسان
5- (أغسل ثيابي في دمك وأخدمك ليلي ونهاري
اقتدتني بقوة يدك وضمنت بدمك حياتي)2
ماسح دموعي الحزينة ضامن في قُربك ثباتي يا ابن الله

1- (أحلى حقيقية إن أنا محتاجلك والضعف يخليني أشتاقلك
كل الوقت أقضيه عندك بكل خشوع
كل حياتي عايز أقربلك انت إلهي أعبد شخصك
من كل قلبي أسجد لك وحدك يا يسوع)2

القرار - محدود وبافتخر إني أنا محتاجك
وكل لحظة في عمري يارب أنا محتاجك
(ما أقدرش أعيش من غيرك ده انا معتمد عليك
وأنا حي بنسمة منك يا إلهي مجداً ليك)2

2-(كنت تراب وبقيت إنسان ولا يمكن أكون يوم شبعان
غير عند إلهي الحنَّان اللي خالقني
جسدي إليه بيكون عطشان وقلبي معاه شاعر بأمان
هو اللي مخليني فرحان اللي خالقني)2
3-(هو اللي معاه معنى حياتي وأفرح لما أقابله يوماتي
وأركع قدامه في صلاتي وأتلذذ معاه
هو إله روحي وكياني من غيرهأتعب وأعاني
من غيره تكتر أحزاني وما يكونلي حياة)2
4-(دعاني باسمي أكون ليه وهو نقشني على كفيه
بافرح وأنا بين إيديه ربي وحبيبي
ده أنا مسنود في حياتي عليه وساكن فيَّ وساكن فيه
كل غرضي أحتمي بيه وهو نصيبي)2

القرار – (وحدك يا يسوع انت أعظم رجاء
لأنك الطريق والحق والحياة)2

1- (مراحمك كل يوم جديدة وأنا وياك عايش في أمان
خليت كل أيامي سعيدة ورويت القلب العطشان)2
مين غيرك شافني أتحنن فرَّحني بعد الأحزان؟
2- (كل خطايا يارب غافرها و طارحها في بحر النسيان
وحياتي صليبك ضمنها وأنا ماشي معاك كلي أمان)2
لما بموتك شِلت ذنوبي وشفيت كل جروحي كمان
3- (كل حياتي انت مدبرها طول ما أنا ليك عايش شبعان
قبل ما أخطي الخطوة تقودها ترشدني وبكل حنان)2
لو ضليت انت ترجّعني وتقوِّيني على الشيطان
4- (كل ضيقاتي انت مهوِّنها وانت السيد كل زمان
وصلاتي يا إلهي سامعها عمري معاك ما أكون تعبان)2
حاسس انت بكل حياتي لأنك جيت وبقيت إنسان

1- (لمّا زمانك يقسى عشانك وأبوابه الموصودة تناديك
ثِق دايمًا واغلب أحزانك ده إلهك من الموت يحميك)2

قرار- يسوع يسوع هو اللي فرّحنا اللي جانا وفدانا
يسوع يسوع هو كل أفراحنا اللي بموته أحيانا
ده أنا مهما أبكي هوّ فرحة قلبي وحياتي معاه

2- (مهما قَسيت في حياتك بكيت والظلم شربته ألف كاس
ده اللي خلق الحياة علشانك هو نجاتك وليك خلاص)2
3-(مهما قَسيت ولا أتنسيت كالميت منسي من القلوب
ده اللي بموته جِه لحياتك انت غالي عليه ومحبوب)2
4- (قلبه عليك بدمه شاريك ماسح دموعك وكل دموع
اترك معاه كل حياتك وما ترجع تاني للدموع)2

القرار –(عايزين نشوف عمل حقيقي منك
عايزين نشوف نورك مالي شعبك)2
عايزين نكون ملح هنا في العالم
نرجع بتوبة وشعبك يتقدسلك

1-(ادِّينا محبة لكلامك تطرح أي جهل وسطنا
خلينا نعمل أعمالك بالحب يارب اسكن بينا)2
بحياة تشهدلك وهنا نعيش لك مقدسين
بقلوب تحبك انت الغرض وإليك راجعين
2- (أشتاقنا نشوف أفراحك بعد العالم ما عذبنا
احيينا املانا بسلامك وافتح انت يارب عيوننا)2
ادِّينا طاعة نرجع لراعينا الأمين
بكل وداعة نرجع ونبقى لك خاضعين
3-(عيشنا بينقصنا كلامك والحال أهو ظاهر بينّا
عيشنا ما قدرنا إحسانك عيشنا يارب حسب أهوائنا)2
ادِّينا راحة احنا بنقول لك تعبانين
ادِّي اِستنارة لشعبك اللي راجع حزين

1- (صوت الغلبة اللي نده لي غالب كل الشر أمامي
صوت الرحمة اللي طمّني قال لي الدم لذنبك ماحي)2
(قال لي قِيدَك مهما أن كان يُمحى بدمي
قال ما تخافش من الشيطان هزمته بصلبي)2

القرار- قال لي قوم اِغلب وعدّي أي ضيق
قال لي قوم اِغلب دي الحرب ليك

2- (صوت الغلبة اللي شجعني هازم صوت إبليس علشاني
هو يسوع اللي طمّني و بإيده من الضيق نجّاني)2
(قال لي الحرب دي للرب وانت في صفي
وانت معايا يا جبّار بأس ساكن حصني)2
3- (صوت النعمة اللي نده لي خلّى زمان الحب زماني
لما بنفسه يسوع كلمني و روحه غمر قلبي وعلّاني)2
(قال لي الرحمة ليك والحب ده انت ابني
نصرة وحُب ليك من الرب دايماً عندي)2
4- (صوت الحُب اللي أسَرني ماشي معايا في كل أيامي
أشرق نور الله في قلبي بيسوع المسيح إلهي)2
(قال لي صليبه طريق الحق فاتح عينيَّ
لما بروحه شِهد للحق ونوَّر فيَّ)2

1- (يا ربي أنت إلهي و وحدك تستطيع
تُريح ثِقل فؤادي تُهدِّي خوفي المُريع)2

القرار - يسوع أنت تُحرر اسمُكَ ربي مجيد
يسوع أنت تُغيِّر وتخلِقُ من جديد
لهذا تشتاقُ روحي يفرح قلبي الكئيب
بل أيضاً نفسي تتوقُ (إلى ديار الحبيب)2

2- (ربي أنت تستطيع تُبرأُ جسمي السقيم
وتُلثِم فيا جراحي وتشفي قلبي الأثيم)2
3- (إلهي أنت القدير تحررُ للتمام
ليسَ معك مستحيل أعِد لقلبي السلام)2

القرار- (علّيه علّيه علّي الصليب جوه قلبك علّيه)2

1- (يرفعك فوق كل العالم فوق الضيقات
يكشف لك خِدَع العالم يُعطيك ثبات)2
يُعطيك حياة في إيمانك وتلاقي عنده التعزيات
2- (ويخليك تفرح في حياتك تنول الخلاص
بالنور الساكن في حياتك تِشهد للناس)2
وتقاوم إبليس وتجاربه وصليب الرب للخلاص
3- (يُعطيك القوة في ضعفاتك تغلب أكيد
ويكون الفرحة في صعوباتك تبدأ جديد)2
وتلاقي رجائك في آلامك وتفرح دايماً بالصليب
4- (وإلهك يبقى ساكن عندك ما يكون غريب
دايماً ييجي ويسكن قلبك بدم الصليب)2
يبقى انت مكانه وعشانه تفرح وتشيل الصليب

1-(غالب بيك ولا أضعف أبداً حابب ربي حياتي معاك
طول ما انت قوة خلاصي منتظرك عايش في حِماك)2

قرار- أنا غالب بصليب يسوع اللي ضمن من أجلي الغلبة
رافع عيني لربي يسوع اللي بِيعمِل فيَّ بنُصرة

2- (ياللي ضمنت بيك الغلبة ودُست إبليس لأني ليك
اتصلبت أنا بيك للعالم وهاعيش كل العمر ليك)2
3-(ياللي اديتني حُب ورحمة ونسيت كل خطية في بُعدك
بعد ما كُنت إنسان مَيِّت احييتني بالغلبة بدمك)2
4-(ألمي لأجلك أعظم نصرة ياللي كان نصرك بآلامك
و صليبك يا يسوعي ده قوة قوة تخلّيني أعيش بسلامَك)2