أمير عوض (3 ترنيمة )

القرار- (مستنينك يا يسوع مستنينك في حياتنا
مستنينك كلنا جوع لحضورك في اجتماعاتنا)٢

١- مستنينك بإيمان يا مالي كل الأكوان
تحضر في وسطنا في سلطان مستنينك
مستنينك بقلوبنا نفرشها في سكة بصلواتنا
حنّان وسامع أناتنا إنت الأمين

٢- مستنين رب القدرة يلمس شفايفنا بالجمرة
ونسبح واقفين على صخرة وبيك مرفوعين
ونشوف أصنامنا تتكسر وقيود تنفك وتتحرر
وهانشهد إنت اللي بتقدر وبكل يقين

٣- مستنين لهزيع رابع واثقين إنك لسه لصانع
قادر في حياتنا تكون صانع وعدك يا معين
ولا يخجل اللي بيستنى الفجر وحتى لو أتنى
دايماً جيتلنا لما طلبنا طول السنين

١- أكتر حاجة بحب اعملها وابتدي بيها اليوم
إني أسبح اسم إلهي لما أصحى من النوم
باشكر ربي لأنه حفظني وعدى عليَّ الليل
وأشبع لما أصحى على صورته وعلى وجهه الجميل

القرار- هللويا هللويا للمسيح هللويا ملا قلبي بالتسبيح
وأنا يوم راح أقوم من النوم وهالاقي نفسي في حضن يسوع
ده أنا ليَّ مكان في السما مضمون وعلى حساب دم يسوع
ولحد ما ييجي اليوم ده أنا هافضل أغني وأرنم ليه
وأعلن في مسيحي إيماني ووسط الضيق أنا هافرح بيه

٢- باصحى وشاعر ليه بالجوع من بعد سواد الليل
معايا كتابي باقفل بابي وأقرا في الإنجيل
وأشبع بحبيبي وبكلامه وأرتوي من الينبوع
وأخرج أواجه شر العالم وأغلب باسم يسوع

٣- مهما ظلام الليل بيطول بكره هايطلع نور
وعشان عارف كده من الأول باحسبه كل سرور
دي التجربة فترة وبتعدي وألمها بيزول
لكن تقل المجد الأبدي هايكمّل على طول

١- كلك نور مجدك ماله حد والسجود ليك وكل المجد
ليك تسبيح يملى كل الأرض زي ما المية تغطي البحور كلك نور

٢- ليك سلطان تطلق المربوط حر وبإيديك لينا تشق البحر
والأملاك تخضع ليك بالأمر والقلوب تسجد لك والأكوان ليك سلطان

٣- كلامك سنين وأجيال مش هايزول سلطانك بيعدي حدود المعقول
ومش بتتغير وثابت على طول قلب الحزن تبدله بسرور كلك نور