عاطف جورج (55 ترنيمة )

1- ده جميلك على راسي يا واهب لي خلاصي
يا مصلوب علشان تديني معروفك ده فوق جبيني

القرار - يا يسوع أنا ليك أنا ليك يا ابن الله

2- ده جميلك على عيني بدماك وفّيت ديوني
ماحي الصك اللي عليَّ وبموتك شلت الخطية
3- ده جميلك ما هانساه ده بموتك نلت الحياة
قمت وقومتني وياك جالس ومجلِّسني معاك
4- ده جميلك ده بحياتي يا إيماني ويا ثباتي
يا تهليلي ويا أفراحي يا كنزي وكوكب صباحي
5- ده جميلك ده بعمري طوق في رقبتي مزِّين صدري
أمشي أعلنها بين الناس بيسوع وحده الخلاص

القرار -لما شعب المسيح يرنم لاسم يسوع العظيم
السما ترفع بيبانها وتشاركنا في الترانيم

1-والإله يُرى بجماله والكنيسة مرنماله(2)
"مستحق المجد وحدك والعبادة والسجود"(2)
(يا مرتِّبين موكب أعياد قوموا بينا بالصليب
هانلف نتوِّج في البلاد ربنا الحبيب)2
2- والمقيَّد والسجين واللي مأسور من سنين(2)
ينطلق من الفخ حالاً حرّ من كل القيود(2)
(يا مرتِّبين موكب أعياد قوموا بينا بالصليب
هانلف نتوِّج في البلاد ربنا الحبيب)2
3- وكل روح ضد المسيح ينهزم بدم الذبيح(2)
والشيطان مالهوش مكان لما روحك راح يسود(2)
(يا مرتِّبين موكب أعياد قوموا بينا بالصليب
هانلف نتوِّج في البلاد ربنا الحبيب)2

القرار: مافارقنيش أبداً أبداً إحسانك ده مافارقنيش
من وأنا لسه في رحم الأم الرحمة شالتني وماسابتنيش

1- (مرة أتعبد مرة أتسند مرة أتشدد وأنا وياك
والمرات التانية أما أبعد أرجع وألقاك مانستنيش)2
مافارقنيش أبداً أبداً إحسانك ده مافارقنيش

2- (وأما بالاقي النفس انهارت تحت رحاية شك وضيق
والنوم هارب مني أطالب قلبك واصرخ ماتسبنيش)2
مافارقنيش أبداً أبداً إحسانك ده مافارقنيش

3- (وأما اتحارب وأنا في القارب بالموجة وبالريح والخوف
و أبقى بنازع في هزيع رابع تيجي تدافع عني أعيش)2
مافارقنيش أبداً أبداً إحسانك ده مافارقنيش

4- (دوّب قلبي حنانك سيدي وسابني ما بين حمد وتسبيح
وأنا متاخد مسبي وساجد قدام حب مابينتهيش)
مافارقنيش أبداً أبداً إحسانك ده مافارقنيش

يا أيها الملك السمائي يا أيها المُعزي
يا روح الحق يا أيها الحاضر في كل مكان يا مالئ الكل
يا كنز الصالحات يا مُعطي الحياة
هلمّ تفضل وحِل فينا
وطهرنا من كل دنسٍ أيها الصالح ونجِّ نفوسنا

مش بعيد عليك يارب مش بعيد أبداً عليك
مش بعيد ما أنت المحب وأما نصرخ نلتقيك

وليك في الموت بيبان مايشوفهاش العيان
وليك في بحور آلامنا معابر للأمان

ولو العتمة تعافر تحط لليلنا آخر
بفجر فيه الإجابة والتعويض للي صابر

ترد حق الضعاف يرجع لهم أضعاف
واللي بيضحك آخرها يضحك زائد هتاف

1- [عودي يا فرحة عودي عادت ليَّ الحياة
حلّني من قيودي (متّعني بفداه)2]2

القرار- [دومي يا فرحة دومي يا مَحْلى التعزيات
قومي يا نفسي قومي هيمي في البركات]2
هيمي في البركات

2- [زيدي يا فرحة زيدي قلبي اتغير يا ناس
من يومها ابتدى عيدي (يا بهجة الخلاص)2]2
3- [فيضي يا فرحة فيضي قلبي امتلأ سلام
خدني بنفسه من ايدي (لنوره من الظلام)2]2
4- [قولي يا فرحة قولي قلبي سامع وعود
قَالي يسوع كفيلي (حولك أنا موجود)2]2
5- [طيبي يا فرحة طيبي قلبي سجد وقال عدّى
المصلوب طبيبي (شايل عني الأحمال)2]2

القرار-(زيدوا المسيح تسبيح علوا الإله بنغمكم
نادوا الأبطال أبطاله يمشوا بصليب قدامكم)2
1-(قولوا قام والموت مالهوش سلطان ومافيش إلا بدمه الغفران)2
ونور الإنجيل بيزيد
2-(قولوا غلب العتمة وسلطانها ونوّر أيامنا ولوّنها)2
ونور النهار بيزيد
3-(قولوا غالب غالب أعدائه غالبين بشهادته و بدمائه)2
و ميراثنا معاه بيزيد
4-(عيشوا فرح السما أفراح أفراح يلبس إبليس لبس النواح)2
وهتافنا عليه بيزيد

القرار- (هاعدي هاعدي.. في الجبال اللي واقفة ضدي
هاعدي هاعدي.. بإيماني اللي مالي يدي)2

1- (هاعدي وهاتعدي.. آلامات وكل ضيقة أنا عيشتها
هاعدي وهاتعدي.. نكبات أنا أقوى بيك منها)2
(وهاتمر صور المُر قدام عينيَّ كذكريات
والسر إن نت حيّ وقمت من بين الأموات)2
(وأمّنتك وآمنتك على كل ما عندي
وأماني وإيماني في الوعد يا سندي)2
2- (هاعدي وهاتعدي.. لحظات الحيرة والشك وظلامي
هاعدي وهاتعدي.. نبرات الحزن و كآبة كلامي)2
(وآديني فارد ايديني.. مصلوب وغالب كما المسيح
في القبر مستني فجر.. وقيامتي جاياني بتسبيح)2
(وثباتي في الآتي.. بعهدك مش بعهدي
والنصرة والقوة.. في إيديك وأنا معدِّي)2
3- (هاعدي وهاتعدي.. بثواني الراحة في ساعات الغريب
هاعدي وهاتعدي.. بحلاوتها وجمالها ولو للمشيب)2
(وهاينتهي كل ده.. في لحظة ما هايجيني وأراه
وبجسم جديد روحاني مجيد.. هاشوفه وأعيش معاه)2
(وهاقضّي في المجد.. حياة في نور أبدي
وهارنم وأنا باخدم.. في بيت الآب سيدي)2

هللــــويا هللــــويا.. دي حياة في نور أبدي
هللــــويا هللــــويا.. في بيت الآب سيدي

1- (ماتعلمتش أعيش وأنا خايف.. ولا أعدد جراحاتي لا.. لا..
ماتعلمتش أواجه عاصف.. وأنا طاوي في جناحاتي لا.. لا..)2

القرار- (أنا ساكن في حصون الصخر.. ولـيَّ جنـاح النســر
أنا مصنوع من صخر يسـوع.. الغـيـر قــابـل للكســــر)2

2- (ماتعلمتش أخلّي دموعي.. تحوش عن عيني رؤايا لا.. لا..
ولا راح أوقف مرة طلوعي.. بإني أبص ورايا لا.. لا..)2
3- (ماتعلمتش أخلّي عدوي.. يشوفني بدون تسبيح لا.. لا..
أو بكآبة قلبي أغني.. كأني بدون مسيح لا.. لا..)2

القرار- ليك اليد العليا (والكلمة الأخيرة لك)
ولا مخلوق في الدنيا (ولا في الكون مش خاضع لك)2

1-مين ده اللي بيؤمر دون علمك مين؟ ويطبَّق شرع ماهوش أمرك مين؟
ده العالي فوقه الأعلى والسايد فوقهم عرشك

2-مين ده اللي يقاوم رايتك مين؟ أو حتى فرد في شعبك مين؟
ويفسِّر إمهالك ليه إنه فلت من دينونتك!