سكيب (12 ترنيمة )

القرار- (حاضن في ألحاني)2.. تاريخ حبك لنا
و(قلبي على لساني)2.. متجمع لك غنى

1- و(أوصف للناس جمالك)2.. وحنانك ع البشر
و(اشهد لحضور جلالك)2.. و(أنا غايب)2 ع الوتر
2- و(أصاحب كل آية)2.. (شايلاني)2 في قلبها
و(أقلّب في الحكاية)2.. مالقاش غيرك بها
3- و(أدمّع كالشموع)2.. وأدوب بين نور ونار
و(أسمّعهم يسوع)2.. بخشوع والقلب حار
4- (ماليش في الدنيا وقفة)2.. (ولا كلمة)2 إلا في هواك
و(حروف ترانيمي شايفة)2.. أسرار غناها في غناك

القرار: مافارقنيش أبداً أبداً إحسانك ده مافارقنيش
من وأنا لسه في رحم الأم الرحمة شالتني وماسابتنيش

1- (مرة أتعبد مرة أتسند مرة أتشدد وأنا وياك
والمرات التانية أما أبعد أرجع وألقاك مانستنيش)2
مافارقنيش أبداً أبداً إحسانك ده مافارقنيش

2- (وأما بالاقي النفس انهارت تحت رحاية شك وضيق
والنوم هارب مني أطالب قلبك واصرخ ماتسبنيش)2
مافارقنيش أبداً أبداً إحسانك ده مافارقنيش

3- (وأما اتحارب وأنا في القارب بالموجة وبالريح والخوف
و أبقى بنازع في هزيع رابع تيجي تدافع عني أعيش)2
مافارقنيش أبداً أبداً إحسانك ده مافارقنيش

4- (دوّب قلبي حنانك سيدي وسابني ما بين حمد وتسبيح
وأنا متاخد مسبي وساجد قدام حب مابينتهيش)
مافارقنيش أبداً أبداً إحسانك ده مافارقنيش

القرار- ليك اليد العليا (والكلمة الأخيرة لك)
ولا مخلوق في الدنيا (ولا في الكون مش خاضع لك)2

1-مين ده اللي بيؤمر دون علمك مين؟ ويطبَّق شرع ماهوش أمرك مين؟
ده العالي فوقه الأعلى والسايد فوقهم عرشك

2-مين ده اللي يقاوم رايتك مين؟ أو حتى فرد في شعبك مين؟
ويفسِّر إمهالك ليه إنه فلت من دينونتك!

القرار : بناقص أرض بناقص دنيا بناقص عُمْر يروح الكل

1- وأعيش غِنايا وأنا مأمِّن على عمري في كفك مش كفي
والخير ورايا أنا متطمِّن والرحمة دايمالي في صفي وبناقص

2- ميراثي محفوظ لي وثابت ونصيبي واحد ويكفّي
وإن شبعت بيك نفسي داست على ما في الأرض و بقى خلفي وبناقص

القرار-إلى أقصى الدنيا ومعايا رسالة يسوع فاديَّ مخلص العالم

1-وفي كل قارة ولكل دولة وفي كل مدينة
و لكل قرية هاعلن إنجيلي بسلطان إلهي
2-يا كل أمة ويا كل قبيلة ويا كل شعب
ويا كل لسان باعلن رسالتي بسلطان إلهي
3-وفي كل شارع وفي كل حارة وفي كل عمارة
وفي كل بيت باقولها تاني بسلطان إلهي
إحنا الكاروز ومعانا رسالة يسوع فادينا مخلص العالم

القرار- ايه في الدنيا يفرّح.. عبدك ويعزيه؟
غير الواقفة أمامك.. وتكون راضي عليه!
وأبقى في كلمة و صلوة.. مسبي في عالم تاني
فيه الصورة الحلوة.. والحق الرباني

1- متعزّي ومتشدد بيك هادي
وفي بريتي سندي عليك هادي
حتى إن كان صوت الريح مش هادي
(هدّي وداني لصوتك وأعبر هادي)2
2- حالة تسود على قلبي العابد سيدي
لما بتأســرنـــي بمراحمك سيدي
وما أقولها لمخلوق ع الأرض سيدي
(تاج راسي وعزّي إن يسوع ده سيدي)2

يا أيها الملك السمائي يا أيها المُعزي
يا روح الحق يا أيها الحاضر في كل مكان يا مالئ الكل
يا كنز الصالحات يا مُعطي الحياة
هلمّ تفضل وحِل فينا
وطهرنا من كل دنسٍ أيها الصالح ونجِّ نفوسنا

رتلوا لإلهنا رتلوا رتلوا لملكنا رتلوا لأن الرب هو ملك الأرض كلها
رتلوا بابتهاج رتلوا رتلوا بابتهاج رتلوا رتلوا بتهليل
رتلوا رتلوا بتهليل رتلوا رتلوا بفهم رتلوا رتلوا بفهم
رتلوا رتلوا بالأبواق رتلوا رتلوا بالأبواق رتلوا رتلوا بهتاف
رتلوا رتلوا بهتاف رتلوا رتلوا بتصفيق رتلوا رتلوا بتصفيق رتلوا

مش بعيد عليك يارب مش بعيد أبداً عليك
مش بعيد ما أنت المحب وأما نصرخ نلتقيك

وليك في الموت بيبان مايشوفهاش العيان
وليك في بحور آلامنا معابر للأمان

ولو العتمة تعافر تحط لليلنا آخر
بفجر فيه الإجابة والتعويض للي صابر

ترد حق الضعاف يرجع لهم أضعاف
واللي بيضحك آخرها يضحك زائد هتاف

من مئات الترنيمات والأناشيد الكتار
قلبي حابب غنوة واحدة بالقى فيها لنفسي دار
الغنوة العنوان الغنوة الإنسان الغنوة الإيمان
يسوع يا يسوع يا رب يا غنوتي
من يوم إن رأيت والعين شافت النور و لاسمك غنيت
وبنعمك مأسور ولمجدك أنا عايش وتسبيحك دنيتي
هللت الألحان بخشوع الفرحان شاعر بالإحسان على وتر العرفان
باحني جبيني أمامك وأخرّ على ركبتي
صحّينا الدفوف وآلات التمجيد ونظمناها صفوف وأعلناها عيد
وشاركتنا السموات بتسبيحة في غنوتي

القرار-المؤمن مولود فرايحي معيِّد للمسيح فرايحي
وعلى دق العود فرايحي بيرفع التسبيح فرايحي

1- مغفور الزلات مطوَّب مستور العيوب مطوَّب
يدخل تأديبات مطوَّب يخرج من حروب مطوَّب
ويا طوباه فرايحي
2- ساكن بيت الله مطوَّب عايش بالإيمان مطوَّب
حافظ حق الله مطوَّب منتظره وسهران مطوَّب
ويا طوباه فرايحي
3- يا عزه باللي فداه مطوَّب متكِّل عليه مطوَّب
مُختار م الإله مطوَّب وعارف يهتف ليه مطوَّب
ويا طوباه فرايحي

القرار- ايه في الدنيا يفرّح.. عبدك ويعزيه؟
غير الواقفة أمامك.. وتكون راضي عليه!
وأبقى في كلمة و صلوة.. مسبي في عالم تاني
فيه الصورة الحلوة.. والحق الرباني

1- متعزّي ومتشدد بيك هادي
وفي بريتي سندي عليك هادي
حتى إن كان صوت الريح مش هادي
(هدّي وداني لصوتك وأعبر هادي)2
2- حالة تسود على قلبي العابد سيدي
لما بتأســرنـــي بمراحمك سيدي
وما أقولها لمخلوق ع الأرض سيدي
(تاج راسي وعزّي إن يسوع ده سيدي)2