سعد ماركو (2 ترنيمة )

1- (بيك أفراحي ابتدأت.. وصبح لها طعم روحاني
بيك يا يسوع المسيح
بيك ألحاني امتلأت.. بكلام عن رب فداني
بيك يا يسوع المسيح)2
(من قلبي اللي صبح مرتاح.. باعلن مبتدأ الأفراح)2
أيوه أنا دُقت ازاي قدامك.. تهرب أحزاني
2- (بيك خطاياي اتغفرت.. ودماك فوقي وساتراني
بيك يا يسوع المسيح
بيك خطاياي انطرحت.. في بحور كلها نسياني
بيك يا يسوع المسيح)2
(بيك يا يسوع المسيح.. باعلن مبتدأ التسبيح)2
والترانيم والصلاة هايفوح منها.. عطر اللي سباني
3- (بيك الظلمة انطردت.. والنور ابتدأ يملاني
بيك يا يسوع المسيح
بيك النعمة امتلكت فيَّ.. وبرّك ده كساني
بيك يا يسوع المسيح)2
(بالروح عربون الأمجاد.. باعلن مبتدأ الأعياد)2
واسجد لك والقلب يفيض.. ويعود ويرنم تاني
4- (بيك الغلبة دي عملت.. نهضة وتجديد في كياني
بيك يا يسوع المسيح
بيك النفس اعتزّت.. بصليب وخلاص مجاني
بيك يا يسوع المسيح)2
(بالدم علامة العلامات.. باعلن مبتدأ الهتافات)2
يلّا يا سما اهتفي إنما.. بهتاف عالي وسلطاني

القرار- مافيهاش راحة وباهرب منها إليك ربي أعنّي أغلبها وشدني ليك

1- باشرب وأعطش ولا يرويني وأشبع جوعي ولا يرضيني
بازرع للجسد الأهواء وألقى فساد وضياع وفناء
صرخة روحي ومطلبي ليك
2- يدبل كل جمال بالقاه وتملّ عينيَّ رؤيــــاه
وتتوه تاني في كل جديد كله سراب وخداع بيزيد
حوّل عيني ارفعها إليك
3- باجمع واللي جمعته لمـين؟ بانقص بيه من عمري سنين
باملك فيه وبيملـك فيَّ يستعبدني ويسرق فيَّ
وانت الكنز وغنايا فيك