جرجس صفوت (3 ترنيمة )

1- أنا نبت أخضر مزروع في صحرا
مزروع في وسط الأرض البور
حواليَّ صحرا وغُبار وعفره
ورياح كتيره رمال وصخور
نفسي يا ربي ألاقي مطره
أو شمس تدي شعاع من نور
ولا عايز أكون وردة على شجرة
ده في حضن ربي هاكون مسرور

القرار- (مالناش غيرك انت يارب الحياة
ما انت الحضن الدافي ومعاك طوق النجاة)2

2- مؤمن ولكن دنيا الظلام
دنيا نفاق دنيا غرور
باحبَّك يا ربي لكن سهام
عدو الخير لسه بتدور
نفسي يا ربي أعيش في سلام
ما بين ملايكه بخور وعطور
مش عايز أعيش في دنيا الآلام
مش عايز أعيش في وادي الشرور

1- (وقت الهم ما يكسر قلبي وقت الدنيا ما بيَّ تضيق
ألقى إيديك بتمسح دمعي تقول: ماتخافش أنا الصديق)2
القرار- خليك جنبي وماتسبنيش ده أنا مطمن وأنا معاك
ربي حبيبي وغيرك ماليش ضامن حياتي في ضّل حماك)2
2- (مالناش غيرك في الدنيا دي إنت الحصن إنت الأمان
على مين نصرخ ولا ننادي في وقت ضيقي وحزني يبان)2

1-(باوصَّل رسالة باقولك: "تعالى"
لو انت في أي حالة يسوع بيناديك
في القلب هايشيلك وينوَّر دليلك
في نهارك وليلك دي رسالة ليك)2

القرار- (إيديه ممدودة لك هايرأف بحالك
ويحقق آمالك ده سهران عليك
قال لك يا نني عينه يا تاج على جبينه
ليك شوقه وحنينه وخيره ملك إيديك)2

2- (إيدين يسوع ممدودة وطرقه مش مسدوده
والفرصة موجودة هايساعدك ويراعيك
حياتنا محدودة أيامنا معدودة
يا خطيتي ملكيش عودة يا إلهي مد إيديك)2