1- أنا نبت أخضر مزروع في صحرا
مزروع في وسط الأرض البور
حواليَّ صحرا وغُبار وعفره
ورياح كتيره رمال وصخور
نفسي يا ربي ألاقي مطره
أو شمس تدي شعاع من نور
ولا عايز أكون وردة على شجرة
ده في حضن ربي هاكون مسرور
القرار- (مالناش غيرك انت يارب الحياة
ما انت الحضن الدافي ومعاك طوق النجاة)2
2- مؤمن ولكن دنيا الظلام
دنيا نفاق دنيا غرور
باحبَّك يا ربي لكن سهام
عدو الخير لسه بتدور
نفسي يا ربي أعيش في سلام
ما بين ملايكه بخور وعطور
مش عايز أعيش في دنيا الآلام
مش عايز أعيش في وادي الشرور
