بيشوي القس إرميا (3 ترنيمة )

يا يسوع أنا مستنيك وباجهز قلبي ليك
بميلادك اسكن فيَّ راح أكون لك ملك إيديك
ابنك نوّر في الدنيا خلى الكون كله سعيد
وميلادك نوّر فيَّ إداني أنا قلب جديد
جاي توهب لينا حياة بميلادك يا ابن الله
علشان مشتاق لأولاده ده نزل من أعلى سماه
زي ما نوّرت المزود ونورك ماله حدود
أنا عايزك تيجي في قلبي وتكون جوايا موجود
لو جيت أنا هابقى راعي وأسجد لك إنت يا ربي
لو جيت أنا هابقى مجوسي وهديتي هاتكون قلبي
أنا هافرح بيك يا يسوعي طول ما إنت ساكن عندي

1- أنا حاسس إنه اليوم ده متغير أنا حاسس إنه في حاجة تحير
الكون حوالي كله منور الكل بيستقبل يسوع
نجمة عالية في السماء بتدور وبتبعت للأرض شعاع من نور
وملايكة بتمجد وبتسبح النجمة وقفت عند يسوع
القرار - يسوع جانا يسكن في القلب يسوع جانا برسالة حب
جه ينور لينا ويكون وسطينا يدينا أغلى حياة
عيد ميلاد سعيد لكل الناس خلى الحب لينا أساس
جوه القلب يكون أجمل إحساس عيد ميلاد سعيد
2- يسوع بميلاده إدانا حنان إحساس كان ضايع بقاله زمان
ده إلهنا جه في صورة إنسان هايحس بخوفك تشعر بأمان

1- أنا فرحان قوي قوي وسعيد كل الكون حواليَّ جديد
قلبي بيفرح قلبي بيشرح إن الفرحة علشان العيد
فرحة هاتكبر فرحة تزيد فرحة هاتفضل بالتأكيد
ضحكة تسمّع كل الدنيا ضحكة تقول إن اليوم عيد
القرار- أصل إلهي إداني هدية حلوة كبيرة وغالية عليَّ
طفل صغير وشه منور اليوم جانا يسوع للدنيا
2- زي ما ربي إداني هدية خلت قلبي في فرحة قوية
نفسي أفرّح كل الدنيا وأهدي أصحابي كل ما ليَّ
أنا هاهديهم من اللي معايا نفسي أديهم أحلى هدية
لما الحب يكون جوايا تبقى هديتي أغلى هدية