سيندي عماد (3 ترنيمة )

1- حبك يملا القلوب.. ويغفر الذنوب
حبك بيستر خطيتي.. وبيمسح دمعتي
حبك مالوش حدود.. حبك مالوش قيود
حبك للأبد لكل الناس.. حبك مش بس إحساس

القرار- لا في موت ولا حياة.. ولا شر أو قوات
لا في ماضي ولا حاضر.. ولا مستقبل هايقدر
يفصل حبك يا يسوع.. عن كل الجموع

2- ده حبك يا الله.. هو معنى الحياة
بيشجعني ويعزيني.. كل يوم بيقويني
ولا عمري هادوم.. من غيره ولا يوم
ده بسببه يسوع مات عشاني
مش ممكن هاينساني

القرار- بنيجي ندخل بيته بالحمد والتسبيح
بنيجي نرفع اسمه نهتف للمسيح

1- هو الألف هو الياء وبإيديه كل الأشياء
هو الملك القدير يعمل حتى المستحيل
هو الراعي الأمين هو السيد المعين
هو الأب والرفيق هو الأخ والصديق

2- ليه المجد والسلطان ليه الشكر والامتنان
هو الخالق الجبار إله قدوس وحده بار
هو الرب العظيم هو الحمل الرحيم
هو رئيس السلام يسوع ليه كل الإكرام

١- (ملك الملوك سيد الأسياد
ليك السلطان ووحدك رب العباد
كل القدرة ليك يا الله
أنت الإله وعندك كل الحكمة)٢

القرار- (وأنا ليه هاخاف وأنت الإله
قلوب الملوك في إيدك جدول مياه)٢

٢- أفكارك عجيبة عن فكري بعيدة
لكن بإيماني باصدق فيها
وسط الأوجاع وفي الأتعاب
تديني نور ونصرة تفتح أبواب