عمري ليك (14 ترنيمة )

القرار- بنيجي ندخل بيته بالحمد والتسبيح
بنيجي نرفع اسمه نهتف للمسيح

1- هو الألف هو الياء وبإيديه كل الأشياء
هو الملك القدير يعمل حتى المستحيل
هو الراعي الأمين هو السيد المعين
هو الأب والرفيق هو الأخ والصديق

2- ليه المجد والسلطان ليه الشكر والامتنان
هو الخالق الجبار إله قدوس وحده بار
هو الرب العظيم هو الحمل الرحيم
هو رئيس السلام يسوع ليه كل الإكرام

1- أنا باشكرك على كل وردة خلقتها
على كل زهرة بإيديك لونتها
خليقتك تشهد ليك
وأنا جاي أرنم وأغني وأفرح بيك
أنا باشكرك على كل طيور السما
علشان في كل يوم بتلاقي أكلها
خليقتك تشهد ليك
وأنا جاي أرنم وأغني وأفرح بيك

القرار- أنا جاي ليك باسجد ليك
أنا جاي بارفع تسبيحي ليك
أنا جاي ليك باهتف ليك
كل ما فيَّ بيغني ليك

2- أنا باشكرك على الكواكب والنجوم
باشكرك على شمس بتشرق كل يوم
خليقتك تشهد ليك
وأنا جاي أرنم وأغني وأفرح بيك
أنا باشكرك على الجبال والبحار
علشان في الاحتياج بتبعت الأمطار
خليقتك تشهد ليك
وأنا جاي أرنم وأغني وأفرح بيك

3- أنا باشكرك يا إلهي على الألوان
باشكرك علشان إنت أعظم فنان
خليقتك تشهد ليك
وأنا جاي أرنم وأغني وأفرح بيك
أنا باشكرك على المزيكا والألحان
على اختلاف أصواتنا اللي بتحبها
صوتي هايشهد ليك
وأنا جاي أرنم وأغني وأفرح بيك
وأنا مع خليقتك جاي أغني ليك

4- أنا باشكرك علشان إنت موجود
علشان حبك ليَّ يا ربي مالوش حدود
أنا جاي أشهد ليك
وأنا جاي أرنم وأغني وأفرح بيك

باسبح رب المجد وأعلي اسمه فوق الكون
لما بيعلى هتاف قلبي بتتهد حصون
باسبح رب المجد وأعلي اسمه فوق الكون
هافضل أغني ليه بأعلى صوت
لما أكون قلقان ربي مهما إن كان
هو ملك الدنيا خالق الأكوان
أنا باصدق فيه
أنا محمي في إيديه
هافضل أغني ليه على طول

1- ( أنا باكبر وباتغير كل يوم من الأيام
إيده في إيدي ومش متحير ولا خايف أو قلقان)2

القرار- وأنا جاي النهاردة أغني ليسوع
وصوتي هايوصل للسما على طول
أنا هاغني ليسوع صوتي للسما هايطول

2- أنا باكبر وباتغير وإنت هاتفضل أمين
كل يوم رحمة وعناية منقوش على الكفين

3- أنا باكبر وباصدق إن وعودك مش أوهام
إنت هاتكون معايا من النهاردة ليوم ما ألقاك

( كل يوم باصحى أبص في المراية
أظبط شكلي وأظبط لبسي.. وأعرف إيه الحكاية )٢
من غيرها معرفش أعيش.. إزاي هاظبط نفسي؟
من غيرها ما بالاقيش ... حل غير مراية التاكسي
( باخلي مرايتي تقول لي حقيقتي.. أصل أنا فيها باشوف صورتي
لما باحتاجها بالاقيها.. أصلها بتعكس ليَّ الحقيقة )٢
(في شخص عارفك وكمان بيحبك
مستنيك تقول له اقبلني.. اقبلني أنا ابنك )٢
من غيره ما تعرفش تعيش.. هو البداية والنهاية
زيه إله ما فيش.. ده يسوع أحلى مراية
( خلي مرايتك هو يسوعك.. هو طريقك فادي روحك
لما تحتاج له هاتلاقيه.. قرر دلوقتي تناديه )٢

القرار- (جاي لك يا ربي وباقرب منك
وفاتح قلبي ساكن في سترك
اتكالي عليك وإيماني في حقك
تعالَ يا ربي وامتلك عمري)2

1- أنا جاي لك يا ربي بكل أحلامي
وباسلم ليك إنت كل أشواقي
وعارف إن إنت سر هنايا
وباخضع لمشيئتك طول أيامي

2- أنا ليك هاباركك وأعليك وأعيش ليك
املا قلبي بالأغاني أنا مش لحد تاني
كل ساعات وثواني أنا ليك

حتى في عمري الصغير.. أنا ليك
قلبي مش هايتغير.. هايفضل ليك
وعمري لسه بيبتدي هابتديه معاك
وكل لحظة في عمري أنا في حماك
أرشد خطواتي وقلبي في ضياك
وكل يوم في عمري هاعيشه ليك
2( أنا ليك.. أنا ليك.. هاباركك وأعليك وأعيش ليك )
( املا قلبي بالأغاني.. أنا مش لحد تاني
كل ساعات وثواني.. أنا ليك )2
أنا ليك.. أنا ليك.. هاباركك وأعليك وأعيش ليك

1- أنا أنا الرب وهذا اسمي بمجدي سوف أخبر
أنا أنا الرب وليس غيري مخلص ها أنا ذا صانع
أمرًا جديدًا الآن ينبت ألا تعرفونه
أجعل لكم في البحر أجعل طريق
في القفر أخرج أنهار أنهار مياه
أنت أنت الرب وهذا اسمك بمجدك سنخبر
أنت أنت الرب وليس غيرك مخلص وها أنت صانع
أمرًا جديدًا الآن ينبت نعم سنعرفه
تجعل لنا في البحر تجعل طريق
في القفر تخرج أنهار أنهار مياه

2- أنا أنا هو الأول والآخر أنا أنا الألف والياء
من قبلي لا ولم يصور إله .. من بعدي لا يكون وها أصنع
أمرًا جديدًا الآن ينبت ألا تعرفونه
أجعل لكم في البحر أجعل طريق
في القفر أخرج أنهار أنهار مياه
أنت أنت هو الأول والآخر أنت أنت الألف والياء
من قبلك لا ولم يصور إله
من بعدك لا يكون وستصنع
أمرًا جديدًا الآن ينبت نعم سنعرفه
تجعل لنا في البحر تجعل طريق
في القفر تخرج أنهار أنهار مياه

( يسوع يسوع أحلى اسم في الدنيا )٢
لا لا لا لا لا لا لا لا لا
( أنا بحبك.. أنا بحبك.. أنا بحبك يا يسوع )٢

1- كلامنجي وكلامي كتير وحياتي من غير تأثير
ولساني عمال بيلخبط وأنا فاكر نفسي كده كبير

القرار- يا رب ساعدني أتكلم وكلامي يصبح له طعم
وكأنه بملح مرشوش ولا أقول كلمات مالهاش طعم

2- وساعات حاجات أكبر مني برضه بقدم فيها رأيي
أحيانًا باطلع مكسوف أو واحد يطلع يجرحني

3- وإلهي خلق لي ودنين وخلق لي بس لسان واحد
وبكده أنا هاسمع ضعفين وأتكلم بلساني الواحد

أنا عندي كمبيوتر.. جواه ألعاب جنان
جديد وشاشته كبيرة.. أحلى من بتاع الجيران
وبقيت شاطر في لعبه.. وبتبهرني الألوان
مش فاضي لأي حد.. وبقى وقتي مليان
وفي يوم صاحبي كلمني.. قال لي يا عم إنت فين
ما بقاش حد بيشوفك.. العب ماتش ولا اتنين
ما أنا كنت بالعب كورة.. في الشمس والهوا
وكنا شلة كبيرة..على طول نلعب سوا
أيوه بحب الكمبيوتر.. لكن بقيت لوحدي
ونسيت نفسي وصاحبي.. اللي أغلى حاجة عندي
صاحبي هايكبر معايا.. صاحبي هايسمعني
صاحبي بيلعب معايا.. لما باعيا بيسأل عني
صاحبي بيحس بيَّ.. صاحبي بيشاركني
صاحبي بفرحة ليَّ.. يضحك ويضحكني
صاحبي مش كمبيوتر.. صاحبي زيي إنسان
صاحبي عنده قلب.. عنده عينين وودان

1- كل الناس بتتغير.. كل يوم حاجة تحير
مرة تحبك وتعزيك.. مرة تصدك وتبكيك
مرة معاهم يبقى أمان.. والتانية تشوف أحزان

القرار- (مافيش غيرك يا يسوع.. أعيش له مش متحير
عشان في أمسي ويومي.. وللأبد ما بتتغير)2
2(للأبد ما بتتغير يا يسوع..)

2- في يوم بصيت حواليَّ.. قلت مين ليَّ
مين أعيش له وأنا مرتاح.. كل حياتي تكون أفراح
جاه لي ومد إيده.. يسوع حياتي إديته

3- عشت حياتي تايه.. غريب في الدنيا تايه
ماشي ورا الجموع.. فاكرها تسد الجوع

1- حبك يملا القلوب.. ويغفر الذنوب
حبك بيستر خطيتي.. وبيمسح دمعتي
حبك مالوش حدود.. حبك مالوش قيود
حبك للأبد لكل الناس.. حبك مش بس إحساس

القرار- لا في موت ولا حياة.. ولا شر أو قوات
لا في ماضي ولا حاضر.. ولا مستقبل هايقدر
يفصل حبك يا يسوع.. عن كل الجموع

2- ده حبك يا الله.. هو معنى الحياة
بيشجعني ويعزيني.. كل يوم بيقويني
ولا عمري هادوم.. من غيره ولا يوم
ده بسببه يسوع مات عشاني
مش ممكن هاينساني

1- الأصفر شمس البر وعلى جناحها شفاء
والأحمر دم كريم اتسفك وأعطى فداء
الأزرق بحر عميق اترمت فيه خطاياي
والأخضر مرعى جميل بتمشي فيه خطاي

القرار - ( شكرًا يا ربي على كل الألوان
هانسبح ونغني ليك إنت يا فنان )2

2- الأسود لون الليل بينوره القمر
والأبيض هو النور يهدي ويمحي الخطر
البني زي أشجار أغصان بتصد رياح
ووعودك ثابتة في قوس قزح الألوان