باسم ابراهيم (17 ترنيمة )

1- يحلى ألمي لما جابني يا أبويا إلِيك
ده الألم كام مرَّه سابني عند قدميك
ودوافعي ويَّاك تتقدَّس ولحبيبي وحده أتخصَّص
وألهج في كتابي المقدَّس هو اللِّي يقوِّيني

القرار - وارجَع أشوفك وأنسَـى أنيني وأطلَع مرتفعاتي
مع إنُّه ما بيزهِر تيني تِملا البهجة حياتي

2- جاي بمرضي ويَّا ضعفي وكلّ اللِّي بيحنيني
طلبي تِشفي أو تِسندني وبالنِّعمة تكفِّيني
سمَّعني صُوتك فأحيا والغربة ويَّاك ها تحلى
ده إلٰهي أهيه الَّذي أهيه موجود وسط ضيقاتي

3- كلّ حيره جابها صمتَك أبلَغ من الكلام
لما بتجاوِب بصورتك علامات الاستفهام
لو أجفانك بتمتحنِّي زيد إيماني فيك طمِّنِّي
بالروح تيجي وتفهِّمني ومعاك الإجابات

4- وارجَع أشكر في الضِّيق لأنُّه هايكوُن اختبار
وأفهَم إنِّ دهبي بيِنقى وهوّ جُوَّه النار
وفي وقتك تيجي تنجِّيني وفي سترك ربي تخبِّيني
يسوع حبيبي بينه وبيني قصِّة حبّ عجيبة

1- (وسط الضُّغوط هارنِّمها أنا مَحمِي في ستر القدير
أتعلَّق بيه وأعلِنها مِش ها يِشمت فيَّ الشـرير)2

القرار - ويجوُد ما هو الجوَّاد يِفيض بكلّ البركات
وخِيرُه عمره ما بيِخلَص
الزِّيت أهو كفَّانا وزاد واتحلِّت كلّ الأزمات
ودقِيقُه عمره ما هاينقَص

2- (تِرخَص تِغلَى مِش هَاحتاج ده إلٰهي غني وأنا واثِق فيه
ومهما البحر مُوجُه هاج يِدِّيني سلامُه ويهَدِّيه)2

3- (لو قَفَلِت كلّ الأبواب إدعيه ييجِي يِحضَـر يتمجِّد
وجُودُه يِكفي في الصَّعاب عندُه مخارج وبِيشدِّد)2

4- (والاختبار المَرَّة دي هايكوُن أعظم من اللِّي فات
وهُوّ سامع لصلاتي وبيصنَع دايماً معجزات)2

5- (وأنصُب أحجار المعونة ده ياما سندني بوعدُه
وأشكر رعايتُه الحنونة وأشهد بصلاحه ويدُّه)2

1- (تسبيحُه حِلو على اللِّسان يِدِّي فرَح وِسلام
وأقول «صالح وحنان» وياخُدني من الأشجان)2

القرار - وأرنم عن حبيبي يسوع وأزيد وأهلِّل للِّي فداني
وأبدِّل كلّ مصدر دموع من أحزان لحب وأغاني

2- (ولو باعاني وفي بطن الحوت والواقع يقول إني هاموت
هارفع صلاه بحمد وسُجود وإلهي ينجِّي والمرّ يفُوت)2

3- (ولو فرعون بجنوده ورايَّ والبحر والصحراء النهاية
ألقاك ساندني في الأزمة معايَّ وتقول «ها تمجد ودي البداية»)2

4- (ده اللِّي أتحنِّن ولمس النعش قام الميت حسّ برَعش
قادر ينهضني وأتشدِّد بيه وفي ستره هابات وأتعلَّق فيه)2

5- (أخد مكاني على الصَّليب وحبُّه كان صادق فريد
أنا محبوب وغالي عليه مِش ممكن يوم يسيبني وحيد)2

1- (أعمِل فينا نهضَه وزِيل عار العبوديَّة
والفشلان في نَفسُه يلاقيك الحرِّيَّة)2
(وبلمسِة إيدك دوِّب القلوب العنيدة
واللِّيلَة ويَّاك نفتح صَفَحَات جديدة)

القرار - (شعبك محتاج ليك واشتقنا لك غيَّرنا
مِدّ لنا إيديك اعبر لينا وأعِنَّا)

2- (شيل كلّ خصام أتزرع وَسطينا
وأزرع فينا سلام وبحُبَّك غطِّينا)
(ونواظب على الصَّلوات والشركة المسيحيَّة
وتعوَّض عن اللِّي فات بآيات معجزيَّه)

3- (ربّ الجنود يسُود وبمجده يسبينا
يهرب الحَسُود اللِّي ذلّ فينا)
(لما تاخُد مكانك وتِعلا في وسطينا
نفرح هنا قدَّامك ونزوِّد أغانينا)

4- (ونصلِّي بدُمُوع من أجل الخطاة
نشهد عن يسوع اللِّي أدَّانا حياة)
(ونعيش للِّي فدانا بأمانه وإخلاص
وتكون حياتنا رسالة لكلّ النَّاس)

القرار - اتشدِّد يا بطل وِارفع رايات النُّصـرة
اتشدِّد يا بطل وارفض تعيش في الكسـرة
اتشدِّد يا بطل في صليبه أدَّاك القُوَّة
اتشدِّد يا بطل ده إلهك صاحب القُدرَة

1- في ضيقك واحتياجك اشكر ما تقولش «ليه؟»
وتعالَ باحتجاجك في عرش النعمة ليه
ده اللِّي أتجرَّب يعينك في كلّ ضيقة وآنَّه
وفي امتِحان إيماننا ها يزيدُه ويقوِّيه

2- لو طال لِيل انتظارَك وتعِبت م السُّؤَال
أركع و افتح كتابك وطالبُه ده هوّ قال
لا يَخزى مُنتظروه يَسمع ويَستجيب
كالنِّسـر جدِّد قوَّة وِأعلَى فُوق الجبال

3- اتشَدّ بقوِّة سِيدَك وعِيش عيشِة أبطال
قُول «لأّ» زيّ يوسِف يِدِّيك قُوَّة في الحال
لو جِه مشهَد جِلياتِ لا تخاف محبوس في إيدَك
وِأعلَى بصوت تسبيحَك وأسجُد له زيّ دانيال

1- (يلجأ ليك المتضايق يلقاك جنبه وشاعر بيه
روحك فيه يسند ويقوِّي وايديك تمسح دمع عينيه)2

القرار – (لينا رئيس كهنة عظيم ده اللي فــدانا بدم كريم)2
أتألم في أرض أنين.. (مُعين كل المجرَّبين)2

2- (والتعبان من حمل الدين يقول يا أبا ماليش غيرك
تسمع له وتكون له معين تزيده من فيض خيرك)2
3- (والمضغوط ونفسه مُرَّه صرخته: ينظر لي عينيك
زي ما حَنَّة أخدت قوه يسمع صوتك يتشدد بيك)2

القرار - هللوا سبحوه عظموه مجدوه
للحمل المذبوح الذبائِح قدموا

1- (ده اللي وعدنا خير ورحمة دايمًا معانا ليل ونهار
ده اللي حافظنا وبيطمنَّا ده إلٰهنا يسوع البار)2

2-) أجمل راعي بحب كبير قدم نفسه فَدا القطيع
علا مقامنا قام قومنا لأنه قدير مش ها نضيع)2

3-) لما نقول له: أنت ملجأ وإحنا فيك بنحتمي
يحفظنا من شر ووبأ ونجري لحضنه نرتمي)2

4- لو العدو كنهر جانا وبالخوف يربكنا
ده إلهنا نفخه منه بتمحيه وتنقذنا)2