رامز اسحق (6 ترنيمة )

1-( وسط ظروف البلد الدايرة .. رايحة لفين أهي ماشية وسايرة

كل الناس قلقانة وحايرة .. وأنا متصان فيها ومتطمن ) 2 

القرار- ( أنا متصان فيها ومتطمن .. أصل إلهي عليها مهيمن 

يحصل مهما هايحصل فيها .. أنا متشال في عينيه ومتأمن ) 2 

2- ( أخبار قتل وموت وجريمة .. والأمان بقى موضة قديمة

والإنسان أصبح بلا قيمة .. وأنا بدم يسوع متمن ) 2

3- ( ضربة من ضرباته زمان .. صارت الضلمة في مكان

وبيوت شعبه في نور وأمان .. قلبه على شعبه بيتحنن ) 2

4- ( مين يمسكها ومين يرأسها .. لو حتى هايعيد تأسيسها

مش هاشغل بالي ولا أدرسها .. ولا هافضل أفكر وأخمن ) 2

5- ( هو بإيده ماسك الدفة .. وماعندوش أحداث بالصدفة

مهما عدو الخير يتخفى .. الترتيب من فوق متزمن ) 2

6- ( هو نوري وخلاصي ليَّ .. هو حصني في طول ليالي

مين يؤذيني ويقوي عليَّ .. لو حتى في هلاكي يفنن ) 2

7- ( يعزل ملوك وينصب غيرها .. والأزمنة هو يغيرها

لو قال كلمة مين يكسرها .. واللي يفكر يبقى إتجنن ) 2

8- ( بلدي مباركة ده صوته ووعده .. وقت الضيق هايعدي وبعده

جاي المجد بفرحة وسعده .. اللي مصدق وعده يأمن ) 2

1- ( شفت معاه أجمل أيام لما اجتزت في ضيق وآلام
ده اللي لا ينعس ولا بينام اللي حافظني أمين بيصون )2
القرار- (هللويا ) 3 ده أبويا سيد الكون
(هللويا ) 3 ده اللي بيأمر كن فيكون
2- ( شفت الخير مالي إيديه والرحمة في قلبه وعينين
وإن ضعفي غلبني ألاقيه يحملني ويكون لي العون )2
3- شفت إزاي وقت ما باحتاج وظروفي تهيج كالأمواج
ألقى إيديه حوالي سياج بتسد أعواز وديون )
4- ( شفت كمال قلبه وأمانته ومهارة إيده في رعايته
من أول عمري لنهايته شاكر أفضاله وممنون )2

1- احتياجاتي تسددها تنهداتي تسكتها
ولو فكرتي إنك ناسي بسرعة تيجي تشددها
القرار - من قبل الرب كان هذا وهو عجيب في أعيُننا
يمين الرب صانعة ببأس هانسبح تعلى رايتنا
2- ثابت قلبي معاك وهارنم طول العمر أكيد مضمون
ما أنت أبويا راعيَّ الغالي لحظة بلحظة مهما يكون
3- يا رب ما أعظم أعمالك ملآنة الأرض من مجدك
كل مخاوفي وظنوني تهرب تجري من وعدك
4- تبصر عيني وتسمع أذني إنك عالي وليك القدرة
ما أعمق جداً أفكارك علمني و إديني النصرة

القرار – (وريني المجد اللي شافه موسى أيام زمان
قربني منك شدّني أنا قلبي ليك عطشان)2

1- (ارويني من نبعك وعيد تشكيلي من تاني
تندهلي و أسمعلك صوتك يدوّي في كياني)2
2- (المسني بحضورك افتح عينيَّ عليك
امشي ورا نورك وتتعلق روحي بيك)2
3- (و أَرمِم مذبحي وأكون غصن في كرمة
أثبت ولا أجري لعالم مَيَّتُه مُرة)2

القرار –(بأتكلم أنا من إنشائي ولساني بيكتب لك أناشيد
وبيعلن ليك عن أشواقي اللي في حبك دايماً بتزيد)2
1-(لو أوصف حبك وحنانك ما تكفنيش كل الكلمات
أنا دايماً ربي في أحضانك بأقضي معاك أجمل أوقات)2
2-(مكتوب عن اسمك إنه عجيب وده برج حصين أنا بلجأ ليه
مش ممكن أبداً يوم هاتسيب ابن بدمك انت فاديه)2
3-(بتعلي مقامي وترفعني وبحُبك غامر أيامي
وإن ضاقت بيَّ تشجعني ما انت اللي بتضمن لي سلامي)2

1- (لو ضيقاتنا عدت حدود الاحتمال فاقت أفكارنا
لما إليك ربي نعود تشفينا وتحلّي مرارنا)2

القرار - (قلوبنا تتسكِن قدامك عنوانها يبقى بين إيديك
طريقنا يتنور بكلامك يا إلهنا يرجع المجد ليك)2

2- (لو شرايين أملنا اتقطعت من جديد تِحيي رجانا
وكل صلوة إليك اترفعت نلقى جوابك بالخير جانا)2
3- (لو في يوم يِبست عظامنا روحك ينادي فينا بحياة
وساعتها نِعلن بيك أفراحنا ونقوم كجيش لمجد الله)2