هاني روماني (62 ترنيمة )

١- مهما كان الحال هتقدر ياللي بتشق البحور
مهما كان ع الأرض ضلمة السما مليانة نور
أنت فوق الكل سيد رب عالي في سماك
صرخة المظلوم بتسمع تنصفه من غناك

القرار- بارك بلادي بارك بلادي
يا سامع الصلاة في قلوب كل البشر
بارك بلادي بارك بلادي
التفت لصراخ قلوبنا وأرسل لينا المطر

٢- من قلوبنا بننادي لك بالألوف نصرخ إليك
يد واحدة وقلب واحد واضعين حياتنا بين أيديك
لما صوت الحق يعلى يهرب الخوف والضلال
نزرع الحب في بلدنا نحصد الخير والسلام

٣- يا إله حب اسمع لدعائنا أجمعين
خلي مصر بلدنا جنة رد حق المظلومين
ارفع الخوف والمظالم اطرد الجوع والفساد
وانصر الحب في وطنا والعدالة في البلاد

١- أنا ليَّ دور في الأرض عايش باعمِله
أنا ليَّ واجب باسعى لأجل ما أكمله
في الضِل ماشي أو في بؤرة الأضواء
ليَّ وطن باحيا سفيره وأمثله

القرار – (ملكي يسوع المسيح .. ربي يسوع المسيح
راية انتصاري سبب افتخاري .. إني من شعب يسوع المسيح)٢

٢- الله شايفني والملائكة والبشر
في السفر بيسجِّل تفاصيل الحياة
ورد فعلي في البراح أو في الخطر
يعكس إيماني والأمان اللي في حماه
٣- عمري هنا فترة وهاتخلَص عن قريب
قِصرت ولا طالت أنا برضه غريب
أما الوطن هو الرجاء المنتظر
وهاشوُف يسوع ويمتلي بجماله النظر

1- (لاسمك يا فادينا بصدق أتينا.. وشوق القلب إليك
ورفعنا عينينا عليك ادينا.. نشوفك نفرح بيك)2

القرار-( شعبك يترجاك.. علّمنا نعيش في رضاك
اروي محبتنا و زيد وحدتنا.. ومتّعنا بسكناك )2

2-( يمكن خطاوينا تتوه.. يخزينا ماضينا وضعف الروح
لكن تهدينا وروحك فينا.. يداوي كل جروح )2

3-( جمعنا أحمالنا وكل أمالنا.. وجايين منسحقين
بنقولك قُدنا انت وأيدّنا.. بروحك الأمين )2

(هل أطرق بابـك بعد ضياع الكـل
أو يصلح أن أقتـرب إليك بذلـي
ضيعـت أنا فرحتـي مني بجهلـي
قد كنت حبيبي وخلي أنت بل أهلي
وتركتك لكني أعـود فترحمنـي
ولا بيدي إلا الوعـد ليسترنـي
والقلب بأحشائي يناديك "اُجبرني"
أشتاق لحضن الآب وعطفه يقبلني)٢
(جملني فقبحي قد ذهب حتى الأحشاء
وسواد الليل تسرب فيّ انتشر الداء
أشتاق لخالق من عدم يدعو الأشيـاء
فيغير قلبـي ويلبسني حللاً بيضاء)٢

1- ربي راعي وسلامي.. عمري ماحتاج لسواه
في الجدوب هو طعامي.. في العطش نبع المياه
وإن بوادي الموت مشيت.. ليه هاخاف وأنا معاه
خيري فيه مضمون وكافي.. كل أيام الحيـاة

القرار- ( قال لي ماتخافش في دخولك.. وفي خروجك من الخطر
هاسترك م الريـح و إيــدي.. تكون مظلة فـي المـطـر )2
تختبر في كل يوم.. إنك على قلبي عزيز

2- اسمـه بـرج حصيـن و آمـن.. للي يلجأ لحماه
واللي من قلبه يآمن.. يلقى في الرب النجاة
ده الظلام إن زاد وغطى.. ع الأراضي والبشر
نوره يشرق مجده يمـلا.. أرض من طلبه وصبر

3- يمتلي الفم بمديحه.. وأفتخر طول عمري بيه
من هداني للمراعي.. من حملني على منكبيه
لا عوز للي ينادوله.. للي يتكلـــــوا عليه
دي الأسود بتجوع ولكن.. يشـبـع النـاظـريـن إليـه

القرار- قلبي بيك فرحان قلبي بيك شبعان
أهتف و أرنم ليك وأدوس على الأحزان


١- تيجي تجارب أو حروب من كل جانب
أحتمي في سترك وأغني لأن وعدك عني تحارب
٢- حبك يكفي إنه يمحي كل ضعفي
لو حياتي أقضيها أشكر عمر ما عمري يوفي
٣- لَيلي أغاني واحتفال بَاللي فداني
مين هيفصل حبه عني ووعده أبداً لا ينساني

أتكل عليك ألتجـأ إلـيـك)
ولا أخاف لا لا فراحتـي لديك )2)
( أنا صغيرك طفلك و ابنك المدلل
ومن شبابي إلى مشيبي على كتفيك أُحمَل )2
2 ( إيـمـانـي أنـت وهـبـتـه مـاضـيَّ أنـت غـفـرتـه )
ولي بيتًا جميلًا بسمائك صنعته وضمنته لي ضمنته
(2( وترتب قدامي مائدة إطعامي)
وتطعمني يداك يا حلو اليدين )2)
فلا عجب إن رقت الدنيا ولم تعنيني رقتها
ولا عجب إن ضاقت الدنيا فزاد إيماني
لأنني أتكل عليك

١- باركنا في الخدمة وإدي روح للكلمة
ومسحه على الترنيم واسكب زيت النعمة
عطشانين لحضورك عطشانين للبركة
ونشوف ناس بتتوب تتحرر م الضلمة
القرار – (يا صاحب الرسالة بالخضوع قدامك
واقفين نطلب وجهك ونقولك خدامك
أرسلنا وسير بينا واستخدم أوانينا
دي دموعنا في ذهابنا تهون طول ما رجوعنا بأغانينا)٢
٢- وأما نواجه ضلمه فينا أو حوالينا
نتسند على وعدك إنك ماشي معانا
إنت النور الباهي والإرشاد من صوتك
إدينا نعرف قلبك كسفراء عن ملكوتك
٣- قدس فينا الداخل والنية والاتجاهات
يبقى الروح العامل روحك مش بحثنا عن ذات
ونشوفك ومجدك نسمع إعلانات
نتلامس مع تعاليمك ونشوف معجزات

1 - إلهنا حاضر وسطينا.. وشاملنا بحبه
وما دام الملك في مكانه.. هيفرّح شعبه
( ونفوسنا إليه بتتطلع.. ونصليله وهو يسمع
ويسمعنا كلامه الطيب.. تفرح بيه قلوبنا وتتشجع )2
( إلهنـــــــا حـــــــــاضر.. إلهنا حاضر وسطينا )2

2- إلهنا ساكن أرواحنا.. وحضوره مالينا
وتحبه قلوبنا وأفكارنا .. وإرادتنا فينا
( والجسد الواحد يجمعنا .. والحب الصادق يرفعنا
وسلام الرب في قلوبنا .. طول ما عمانوئيل معنا )2
( إلهنا ساكن .. إلهنا ساكن أرواحنا )2

1- مهما كان الحال هاتقدر ياللي بتشق البحور
مهما كان ع الأرض ضلمة السما مليانة نور
إنت فوق الكل سيد رب عالي في سماك
صرخة المظلوم بتسمع تنصفه من غناك

القرار- بارك بلادي بارك بلادي
يا سامع الصلاة في قلوب كل البشر
بارك بلادي بارك بلادي
التفت لصراخ قلوبنا وارسل لينا المطر

2- من قلوبنا بننادي لك بالألوف نصرخ إليك
يد واحدة وقلب واحد واضعين حياتنا بين إيديك
لما صوت الحق يعلى يهرب الخوف والضلال
نزرع الحب في بلدنا نحصد الخير والسلام

3- يا إله حب اسمع لدعائنا أجمعين
خلي مصر بلدنا جنة رد حق المظلومين
ارفع الخوف والمظالم اطرد الجوع والفساد
وانصر الحب في وطنا والعدالة في البلاد