هاني روماني (62 ترنيمة )

1- (الفرحة عميقة في قلبي مش مصدرها اللي في أيدي
الفرحة أصيلة في روحي ومنبعها صليب سيدي)2
القرار – (أنا فرحي في حياتي أساسي بانقله لأخواتي ولناسي)2
تعبير بالشكر لإلهي ودليل إيماني وخلاصي
2- (أنا ربي حافظني و عارفني باسمي من قبل ما أكون
محا ذنبي و بصلبه عني دفع لي كل الديون)2
3-( الرحلة في الأرض سريعة وأنا واخد فيها قرار
هاتلذذ بالرب اللي في قلبي ولو في أتون النار)2

1- ثاير على فكري وذاتي على تقاليدي وعلى عاداتي
وقدام كتابك جاي أراجع كل اللي عدى من حياتي

القرار - إنت الله الرب القادر إنت الروح الحي الناري
ساجد جاي أمام إعلانك طهر قلبي وكل أفكاري

2- نورك يحرر أذهان سجينه وقلوب ماتعرفش معنى قوة
نادي ولادك اجمعنا حولك اشفِ جروحنا بروح أبوة
3- إنت الحياة وإنت الطريق والدنيا من غيرك تهون
فيك أخذت قرار مصيري إما أكون أو لا أكون

1- إنت عظيم فوق الحدود قادر رحيم وَفِيْ في الوعود
تعمل وتشفي ترفع وتعفي حبك يكفي (كل الوجود)2
القرار - شخصك عظيم قادر رحيم وإله كريم (فوق الحدود)2
2- جايينبنطلب فينا اليقين بإيمان هاتسمع مش قلقانين
وإنك هاتسمح باللي لخيرنا وإنك إلهنا (بيك مؤمنين)2
3- تأمر تقول كن فيكون ولشعبك إنت الأب الحنون
ماشيين ولينا عين بتراعينا ودايماً حامينا في (حصن الحصون)2

السن والخبرة وجروحنا القديمة.. بيغيرونا
وقلقنا من بكرة.. صراعاتنا الأليمة.. بيغيرونا
بنتغير وهو ده طبع البشر مهما نكرنا
بتتغير قلوبنا.. أهدافنا ومشاعرنا
بنتغير وننسى وعود قطعناها وننسى ناس عاشرناها
بنتغير بالزمان بنتغير بالسفر ما هو ده طبع البشر
بس إنت .. لأ إنت يا واحد .. يا ثابت .. يا إله الكون
وكلمتك حق .. كل كلامك حق .. كلمة نستخبى فيها من الظروف
تهدي قلوبنا في ضلها إنت الأمان
مرسى اللي تايه واللي خايف من الزمان
ووسط تشويش الحقايق إنت الحقيقة كلها

1- حاسس بفيض شكر وعرفان جايبني قدامك ساجد
مدهوش بإحسان المنّان وحبه للفرد الواحد
كل الرعاية دي لي أنا والحب ده عشاني أنا
وكل الأمور المستحيلة في لحظة صارت ممكنة

القرار - ده الشكر ليك والحمد ليك باسكب حياتي عند قدميك
وسامحني إذا في يوم نسيت ولا اعتمادي ما كانش عليك

2- أسكت لعجزي عن التعبير سوى إني أسجد قدامك
والمس بهامتي تراب الأرض لحمدك إنت واحترامك
وأنا كنت أطول ولا أستاهل وأنا صاحب القلب البالي
أبقى في حضورك وأتمتع بالوصل مع سيدي الغالي

1- أرنم زي بولس وسيلا في سجنهم وأتحدى بتسبيحي ضيقاتي وكل هم وأستنى لما تيجي وترفع عني ضيقي والسور العالي أشوفه بأمرك ينهدم

قرار- يا يسوع أنا فرحان بيك يا يسوع راح أرنم ليك يا يسوع
هافضل أغنيلك حتى لو عينيَّ فيها دموع

2- وزي داوود أغني وأقول ما أعظمك ترنيمي وعزفي وفني وصوتي كله لك مافيش يا إلهي زيك إنت أعظم ملك أنا عارف رغم سني تسبيحي بيفرحك
3- واللي اتشفى وقام من مرضه بالتمام قام اتنطط فرحان وسبحك كمان وأنا مش هاقعد زعلان وإلهي إله حنان أحياني ومات عشاني ووهبني الغفران

1- (مانيش خجلان أقول لك يارب أنا خايف
انت عارف اللي بيَّ أكتر ما أنا عارف)2
وعارف إنه ليلي طوّل والقدرة ماهياش زي الأول
صارعت طول الليل والموج عنيد وأنا وحدي واقف

القرار - تعالَ ثبّت إيماني .. تعالَ ثبّت إيماني
تيجي رياح .. تيجي رماح أبداً انا ماسيبش مكاني
تعالَ ثبّت إيماني .. تعالَ ثبّت إيماني
ما أشكيش ظروف لكن أشوف سورك نيرانه بتحميني

2- (سمعت لوم كتير ومهانة واستهتار
وندا بيغريني أسيبك وأسْبَح مع التيار)2
وما دام أنا لمست حبك واطعمتني يا إلهي يدك
ما أقدرش أسيبك أنا بس طالب امسك إيديَّ حبيبي البار

١- أفتكر شخص المسيح أفتكر صدقه وأمانته
واجه الشر بقداسة وبانتصار كانت قيامته
عمره ما رائى وعمره ما قال كلام ليه معنيين
هو لينا رئيس إيماننا حامي ضهر المؤمنين
القرار
(عيش أمين عيش أمين وإعتمادك على الإله
خير ورحة يتبعانك كل أيام الحياة)٢
٢- أفتكر يوسف وقلبه اللي كان خايف إلهه
الشرور صارت لخيره وعمر ما خطواته تاهوا
صبره ما ضاعش وعينه شافت الحلم البعيد
إنسان ضعيف لكن تكاله كان على الله الشديد
٣- أوعى تسمع للي قالوا الأمين ينضر حاله
لا تخافوا أنا معاكم وعد الرب اللي قاله
ليه بتاخد بالمظاهر بكره حقك ينجلي
خد آساف قدوة وأدخل مقدس الله العلي

1- (أمور الله عجـيبة.. مواعيده عجب العجاب
يغيَّـر الأزمــان.. ويســـبّب الأسبــاب)2
إذا عدّاني في صحرا.. يفتـح لي ينبوع في صخرة
وإذا اشتدت مجاعة.. يبعت خبزي ويا الغـراب

القرار-إلهي صخر الدهور.. لا ينعس لا ينام
قدامـه الكل واضـح.. في النــور زي الظــلام
والقدرة في إيده وحده.. والكل يخضع لمجده
ولأني غالـــي عنده.. قلبــي مليــان ســــلام

2-(مـحـبـة الله عجيبة.. تعـلـى فوق الجبـــال
محـبة كمان قريبة.. ثابتة في كـل الأحـوال)2
يا حبّه يا طـــول أناته.. لكـل ولاده وبنــــاته
أب مـثالــي ورعـــايته.. هـي كـمـال المثــــال
3-(ســلام الله عجـيب.. ويبان وسـط الخطـر
تلقـى المــؤمن يرنـــم.. رغـم الألـم والضـــرر)2
علشــان في قلـبه إيمـان.. بـالله رب الأمــان
الناس شايفة جفــاف.. وهـو شـايفـه مطــر

(قلبي بيدق بم بم بيقول بحبك يا ماما وفي عيدك أغني غنوة وقلبي يهدي دقاته)2
(باحبك باحبك باحبك)2
(كل اللي عايز أقوله بلساني وعيني وقلبي)2
إن أنا فرحان وباغني علشان انتِ ماما