فريق بداية جديدة (24 ترنيمة )

١- [(وبفرض إنها أيام صعبة .. والناس تعبانة ومضطربة)٢
ما أنا عارف والرب شارحها .. ومسمِّيها زمان الغربة]٢

القرار- (وأنا هاعمل كل اللي عليَّ .. هاثبَت على موقفي ومكاني
وهانوَّر ليلي بأغنية.. تِعلن في الضيقة إيماني)٢

٢- [(ولا عمري أكابر على ضعفي .. ما أنا عارف حدّي وقدراتي)٢
عارف برضه اللي في صفي .. الله السامع لصلاتي]٢
٣- [(واللي ما صطادش الليل كله .. راجع بيجَرجِر في ذُلُّه)٢
لو سِمع النعمة هاتقوُل له .. وتِدلُّه يصير كأسُه ريّا]٢

١- (الله بيدعمني ويسندني .. وف وقت الأزمة بينجِدني
وإن كان وارد أتوه في السكة .. ألاقيه يناديني ويرشدني)٢

القرار- (مش حاجة تطمن؟ طبعاً طبعاً بتطمِّن
والجاي متأمن؟ طبعاً طبعاً متأمِّن)٢
(يبقى أنا كيف أتوكَّل على إنسان؟
و إزاي أحزن لو فارقوني الأعوان؟)٢
وإذا كنتم شايفني وحدي .. أنا مش وحدي
(ده اللي معايا .. اللي معايا .. اللي معايا سيد الأكوان)٢
٢- [(ماتقولش كثيرة وقليلة .. لا تُعدم من يده وسيلة)2
شايل أركان الكون كله.. وعارفها بأصغر تفصيلَة]2

١- أنا ليَّ دور في الأرض عايش باعمِله
أنا ليَّ واجب باسعى لأجل ما أكمله
في الضِل ماشي أو في بؤرة الأضواء
ليَّ وطن باحيا سفيره وأمثله

القرار – (ملكي يسوع المسيح .. ربي يسوع المسيح
راية انتصاري سبب افتخاري .. إني من شعب يسوع المسيح)٢

٢- الله شايفني والملائكة والبشر
في السفر بيسجِّل تفاصيل الحياة
ورد فعلي في البراح أو في الخطر
يعكس إيماني والأمان اللي في حماه
٣- عمري هنا فترة وهاتخلَص عن قريب
قِصرت ولا طالت أنا برضه غريب
أما الوطن هو الرجاء المنتظر
وهاشوُف يسوع ويمتلي بجماله النظر

١- (مع إن مافيش حاجة تطمن وأنا مش مسنود ولا متحصن
والدنيا مليانة مشاكل والعالم أخباره بتحزن)٢
القرار – أنا هافرح بالرب وأهتف وأرنم وأرقص وأصقف
وهاعيش كده كده كده كده فرحان وفرحي لا يمكن يتوقف
أنا هافضل طول عمري أغني.. وأرنم وأردد لحني
وهاعيش كده كده كده كده فرحان ده وجود الرب مفرحني.. مفرحني
٢- (مع إن ماليش مركز عالي وأنا مش مسنود على أموالي
وبتحصل أزمة ورا أزمة والناس في السوق بتبيع غالي)٢ لكن
٣- (مع إني باعيش عيشة بسيطة ولا فيه واسطة ولا تظبيطة
وظروفي الصعبة بتحرجني وأنا متورط كذا توريطة)2 لكن

١- باركنا في الخدمة وإدي روح للكلمة
ومسحه على الترنيم واسكب زيت النعمة
عطشانين لحضورك عطشانين للبركة
ونشوف ناس بتتوب تتحرر م الضلمة
القرار – (يا صاحب الرسالة بالخضوع قدامك
واقفين نطلب وجهك ونقولك خدامك
أرسلنا وسير بينا واستخدم أوانينا
دي دموعنا في ذهابنا تهون طول ما رجوعنا بأغانينا)٢
٢- وأما نواجه ضلمه فينا أو حوالينا
نتسند على وعدك إنك ماشي معانا
إنت النور الباهي والإرشاد من صوتك
إدينا نعرف قلبك كسفراء عن ملكوتك
٣- قدس فينا الداخل والنية والاتجاهات
يبقى الروح العامل روحك مش بحثنا عن ذات
ونشوفك ومجدك نسمع إعلانات
نتلامس مع تعاليمك ونشوف معجزات

١- إختبارات المؤمنين في كل يوم
تقول ده إلهنا إله أمين في إيديه كل الحلول
لسه بيوعد ويوافي يدي حلاوه من الجافي
ويشق بحور ظروفي ويضمن لي الوصول
القرار
(إحسانك فوق الأوصاف أحكامك عدل وإنصاف
ومادام الرب نوري وخلاصي .... ليه أخاف)٢
٢- في آلام التجربة وف ليل الانصهار
معدن حياتي يصفى ويتطهر بنار
وأخرج أنقى وأكبر ومجدك في يظهر
وبعد ليل دموعي تبقى لي أنت النهار
٣- وما بين ضلمه ونور إيماني يكون شهاده
ينشر ريحة السرور بلسم شافي وضماده
وأنسى إني كنت خايف وإنسي إني كنت جريح
واللي يشوفني يلاقي في صورة المسيح

(هل لخاطي زيي ضعيف إنه ييجي لمحضرك
ماضيَّ صعب ومخيف والشر زاد وإمتلك )٢
(أنا عايز أجيلك ناديني وإفتح لي باب للرجا
أنا جُرحي نافذ وعيني مكسورة ومُحرجَه )٢
(أنا عارف إنه في دمك كسر قيودي الحديد
إقبلني عبدك وإبنك إخلقني من جديد)٢
(أنا عايز أجيلك وخايف أضعف تاني وأرجع
ضمني قولي هاسندك وف وقت الضعف هارفع )٢
أنا جاي وأمَلي تكون لي أبويا وسندي الشديد
ماليش بديل تاني سِواك إنت أمَلي الوحيد )٢
(خليني أبلل كتافك بدموع توبتي وصلاتي
وأبدأ اليوم معاك بداية جديدة لحياتي)٢

القرار- الله بيتكلم ليَّ وليك .. الله بيكلم كل الناس
بصوت وصورة من حواليك .. قُل له يعطيك قلب حساس

١- (الله بيتكلم وسط النار.. بالصمت بيعلن أو بالصوت
بهدير الأمواج العاصف.. بصياح الديك وفي بطن الحوت)٢
(حتى القبر يخبَّر لما)٢.. يؤمر بحياة من قلب الموت
٢- (الله بيتكلم في ظروفِي .. وفي قلب الحاجة و الأعواز
بطرق طبيعية بيتكلم .. وإن شاء يتكلم بالإعجاز)٢
(الفاهم يلمس يد الله)٢ .. والجاهل يحسبها ألغاز
٣- (الله بيقول لكن قلبي .. محتاج يتعلم كيف يسمع
تنطفئ أنوار الأرضية .. وأرفع عيني عليه وأتطلع)٢
(أسمع صوته و أشبع منه)٢.. مجده ونوره في هايسطَع

١- بابك المفتوح ربي رحمة بابك المفتوح لي أعظم رجاء
في حضورك المهيب أحتمي وتزول عني أسباب العناء
القرار – (يا له امتيازٍ إن نترك الهموم أمام ربنا الحنون في الصلاة
يا له سلامٍ عظيم كل يوم إن نكون في حضورك يا الله)٢
٢- كم من حزن نحمله بلا معنى حيث لم نأتي به عند يسوع
كم من ذكرى قاسية توجعنا والدواءُ والشفاءُ في يسوع
٣- إنني أحسب نفسي أسعد إنسان حيث لي في حضنه أجد المكان
أأمنُ بالذي قد أوصى أفرحوا لا إجتماع للمسيح مع الأحزان

١- ليه! ... خايف من بكره ليه؟
ده الله ما بين إيديه شايلك وعليك عينيه
قوم ... أنفض كل الهموم
ده الرب يبارك عبيده في الصحو أو في النوم
القرار – (ما هو لينا الحق نعيش اليوم بيومه
نتمتع بعطايا الرب وسلامه)٢
ده الخير مش جاي من أحلى ظروف
ولا شيء في الكون يحمي من الخوف
(غير إيماننا)2 بالله وكلامه
٢- فوق ... وإرفع عينيك لفوق
تلقى بشارة شروق على اللي إنت فاكره ليل
عيش ... زي الكتاب ما قال
ده الوعد مش خيال هو الزاد والدليل