ماهر فايز (340 ترنيمة )

(المعصرة في المعصرة)2 (في 22 من شهر مريرمن العام قبل الأخير)2
(والساعة تقريباً 6 واللحظة داخلة على العتمة)2
(حسب توقيت هنا)2
(وصلني الكاس وباشكرك وحابب يا أبويا أطمنك)2
(ابنك صابر وصامد وجامد جبيني كما الصخور)4
(بس يمكن من جوايا شوية أخور)2 (بس اِتطمن أنا بخير)2
طول ما أنت الخير (ومش ناقصني إلا رؤياك)2
وبوس يدّك بوس يدك حابب أقول لك من هنا باحبك من المعصرة

القرار- (يا مؤتي الأغاني في ليلي وأحزاني)٢
يا ضامن أماني يا يسوع راعيَّ

١- (تارك كل أموري لديك ياللي ناقشني على كفيك)٢
(انت سلامي وأنا في آلامي)٢ وأنا في الضيق شايفاني عينيك

٢- (وقت الصعب هارنم فيه فرحي ده قوة وليه هاداريه)٢
(ولا إنسان ولا شيطان)٢ ينزع فرح انت اللي عاطيه

٣- (رافع إيدي باسلِّم ليك دفة عمري ملك إيديك)٢
(قالوا كتير “فين الخير؟”)٢ وانت الخير وأنا عايش فيه

٤- (بات الدمع بين الأجفان ويا الصبح جات الألحان)٢
(وانتصارات واختبارات)٢ موكب نصرك لينا كمان

القرار: مافارقنيش أبداً أبداً إحسانك ده مافارقنيش
من وأنا لسه في رحم الأم الرحمة شالتني وماسابتنيش

1- (مرة أتعبد مرة أتسند مرة أتشدد وأنا وياك
والمرات التانية أما أبعد أرجع وألقاك مانستنيش)2
مافارقنيش أبداً أبداً إحسانك ده مافارقنيش
2- (وأما اتحارب وأنا في القارب بالموجة وبالريح والخوف
و أبقى بنازع في هزيع رابع تيجي تدافع عني أعيش)2
مافارقنيش أبداً أبداً إحسانك ده مافارقنيش
3- (دوّب قلبي حنانك سيدي وسابني ما بين حمد وتسبيح
وأنا متاخد مسبي وساجد قدام حب مابينتهيش)
مافارقنيش أبداً أبداً إحسانك ده مافارقنيش

القرار
شرفتني بإني أقول بالنعمة أنا عبد ليسوع المسيح
ميزتني بإني أقولها بفخر أنا سيدي يسوع المسيح

1- حابب سيدي وغرضي اعيشله وده مفرَّح سجدتي قدامه
وحابب شعبه اللي يعيش لاسمه بأمانة ويحب كلامه
كتبت على قلبي وجبيني ممنوع كيان ييجي يخطّي
ولا اسم يعلى في إيماني على اسم سيدي وده خطّي
2- ماليش في حياتي ولا شيء حر في عبودية اختيارية
ومحبته فوق كل شيء و فوقي ختم الملكية
أما أنا وبيتي لاسمك نتعبد لك يا قدوس
إن عيشنا وإن متنا لاسمك مقدَّسين لإله قدوس

القرار- (الرب قد ملك.. ولبس الجلال
لبس الرب القدرة.. وتنطّق بها)2

1- (كرسيك لهيب.. ونار كاروبيم.. وحولك يطيب.. تسبيح السرافيم)2
مستحقٌ أنت أن تأخذ.. القدرة والغنى والحكمة
القوة والكرامة لك.. المجد والبركة لاسمك
2- (كرسيك يا الله.. إلى دهر الدهور.. ملكوتك أبديٌّ.. سلطانك لا يزول)2
فوق كل رئاسةٍ وسلطانٍ.. فوق كل قوةٍ وسيادةٍ
فوق كل اسمٍ يُسمى في الدهور.. يَعظُمُ ويعلو اسم يسوع

القرار- لينا حق نقوم.. نقوم نقوم ونرنم لك
لينا حق اليوم.. اليوم اليوم نشهد عنك

1- (يا مكلل بالجود أيامنا.. وخيرك سابق ترانيمنا)2
(وآثارك تقطر في دسمها)2.. على شعبك يشهد بجمايلك
2- (مَيِّلنا كغنم فضللنا.. واتحط عليك حمل آثامنا)2
(خطايانا وكافة أحزاننا)2.. اترفعت عنا في يوم صلبك
3- (دي الصعبة معاك بتسهلها.. والمُرّة معاك بتحولها)2
(وإن مالت بينا بتعدلها)2.. وتعوض صبر اللي انتظرك
4- (رب الأفراح الحقيقية.. بتزيد شعبك بالتعزية)2
(قدامك تهرب أحزاننا)2.. والحال يتبدل على يدك

1- (بارفض وبإصرار.. أي حوار مـع إبليس.. وأعلن رفضي بلا
وأرفض أي خداع.. وأنا في صراع للتقديس.. وأحتمي في ابن الله)2
(و هارُد عليه بالمكتوب.. قال الله
وإيماني أكيد إن المصلوب.. هو الله)2
(والدم حمايتي و هاغلب بيه.. وأنا رافع رايتي بارنم ليه)2

القرار- والحرب تزيد.. والسيف في الايد.. سيف الروح
في الصخر أمان.. وأنا بالإيمان.. خلف المجروح

2- (بارفض وبإصرار.. أي مسار مع أشرار.. لا للعالم لا
بارفض بالتحديد.. حط الايد مع مواليد.. عالم رفض الله)2
(وأنا عايش فيه باشهد لإله.. حب خطاة
و بصلبه وموته عطاني حياة.. أسمى حياة)2
(والوعد أكيد وأنا واثق فيه.. إن العالم ده مغلوب ليه)2

القرار : بناقص أرض بناقص دنيا بناقص عُمْر يروح الكل

1- وأعيش غِنايا وأنا مأمِّن على عمري في كفك مش كفي
والخير ورايا أنا متطمِّن والرحمة دايمالي في صفي وبناقص

2- ميراثي محفوظ لي وثابت ونصيبي واحد ويكفّي
وإن شبعت بيك نفسي داست على ما في الأرض و بقى خلفي وبناقص

القرار
(يسوع هو الطريق يسوع أعظم صديق)2
(يسوع هو البداية يسوع هو النهاية)2
(يسوع هو الحياة)2

1-(بتدور ع الطريق في زمان مليان بضيق)2
(مسجون في الهم ليه ما تقوم اصرخ إليه)2
2-(هربان ولحد فين حيران جوه الأنين)2
(بينادي عليك تعود بحنان من غير حدود)2
3-(هاتعيش من السن كام في سنين من غير سلام)2
(لا المال يديك أمان ولا صاحب ليك ضمان)2
4-(هاتعيش مليون طريق محتار بينهم غريق)2
(وتعود مليان جراح تبكي على عُمْر راح)2
5-(دي جروحك راح تطيب في رجوعك للصليب)2
(في الفرح هناك تعيش أبدية ما تنتهيش)2

القرار – (يا أبو المجد النوراني بين تسبيح الأبرار
آبا الآب السماوي آبا يا أبو الأنوار)2

1- ياللي بكلمة منك هَل في قلوبنا وأشرق وأطل
مجدك بينوَّر للكل في وجه الرب يسوع البار
(هللويا)4 ... آبا يا أبو الأنوار

2- في احتفالات السما ع الأرض بنعيِّد بذبائح الحمد
وفي وسطينا رب المجد يقودنا وروحه يفيض أنهار
(هللويا)4 ... آبا يا أبو الأنوار

3- نعمة وصارت لينا بحب حملت لينا دماء الصلب
غسلتنا وغيَّرت القلب وترفعنا لأخر المشوار
(هللويا)4 ... آبا يا أبو الأنوار