بولس بشري (23 ترنيمة )

(لا مثل لك بين الآلهة يا رب ولا مثل أعمالك)٢
(لأنك عظيم عظيم أنت وصانع عجائب عجائب)٢
أنت الله أنت الله وحدك لا مثل لك بين الآلهة يا رب ولا مثل أعمالك
لا مثل لك يا رب

١- القطة بتنونو نياو نياو والكلب بيهوهو هاو هاو
والخروف بيمأمأ ماء ماء والحمار بينهَّق نيها نيها
والحصان يجري وينط يقف ويصهلل نييه
وأنا في حاجة حلوة باعملها بصوتي ليسوع

القرار - أنا باسبح ربي يسوع وأفضل أصقف ليه
وأرنم ليه هللوا وأهتف أحلى الألحان
أنا من خليقة ربي أنا هافضل أهتف ليه
أنا باسبح ربي يسوع وباقول له إني باحبه لما باسبحه

٢- العصفور بيصوصو صيو صيو
والفرخة بتقول كاك كاك كاك كمان
الديك بيكوكو كوكوكوكو والبطة تقول كواك واك واك
والقرد بيتنطط من شجرة لشجرة
وأنا في حاجة حلوة باعملها بصوتي ليسوع

١- هافضل أسبح ربي يسوع وأهلل ليه
هللويا علشان هو بيحبني وهو بيرعاني
هاسبح ربي يسوع وأهلل ليه هلل هلل هللويا هييه
٢- هافضل أسبح ربي يسوع وأصقف ليه
علشان هو بيحبني وهو بيرعاني
هاسبح ربي يسوع وأصقف ليه صقف صقف هييه
٣- هافضل أسبح ربي يسوع وأمشي وراه
دايماً على طول علشان هو بيحبني وهو بيرعاني
هاسبح ربي يسوع وأمشي وراه وأمشي وراه وأمشي وراه هييه
٤- هافضل أسبح ربي يسوع وأجري عليه
لأني بحبه علشان هو بيحبني وهو بيرعاني
هاسبح ربي يسوع وأجري عليه لأني بحبه

مهما حاول إبليس يبعدني عنه
ربي يسوع مهما حاول يوقّعني في خطية
مايقدرش مش ممكن هاسمع كلامه
مش ممكن هازعَّل ربي ده ربي حبيبي فاديَّ
يسوع طول ما أنا معاه لا خوف لا دموع
ده بياخد باله مني دايماً يدافع عني
يرعاني ويحميني و يحافظ دايماً عليَّ

We wish you a merry Christmas and a happy new yearالقرار-
المجد في الأعالي سلامٌ على الأرض وبالناس المسرة هللويا

١- قد شدا الملاك للرب الإله لنشدوا نسبح ونعبد إياه
٢- قد زار الرعاة الطفل الحبيب لنأتي فنحظى بالحب العجيب
٣- لقد قدم للرب المجوس لنعطي القلوب لله القدوس
٤- قد جاء لنا ليفدي الخطاة قد جاء لينقذ ويعطي الحياة

Joyeux Noël! Joyeux Noël !
Pour nous l’Enfant est né

القرار - بحب ياربي بلدي بحب خيرها وحبها
وباصلي خلي تسبيحك يملا بيتي وكنيستي وشعبها

١- علِّم شعبك يسبحك زي داود ما كان مثال علِّم شعبك يتمسك بيك
زي ما عمل دانيال علِّم شعبك يحب زي ما يسوعنا قال
٢- كمان قرايبي وإخواتي هايبقى كتابك سراجنا الهب أصحابي ومدرستي
هاتحلى معاك خلواتنا الهب جيراني وكنيستي هانشهد عنك بحياتنا

١- أنا بشكرك ياربي على بابا ومامتي
وبشكرك كمان على أخويا وأختي

القرار - ربي يسوع أنا بحبهم
لكن حبيبي يا إلهي بحبك إنت قبلهم

٢- أنا بشكرك يا ربي على جدي وتيتي
وبشكرك كمان على صاحبي و صاحبتي
٣- أنا بشكرك يا ربي على خالي وخالتي
وباشكرك كمان على عمي وعمتي

باحبه أكتر كل ي – و – م باحبه أكتر كل ي – و - م
هو فاديَّ – هو راعيَّ باحبه أكتر كل ي – و - م
باحبه أكتر كل ي – و – م باحبه أكتر كل ي – و - م
عشان أمثاله – ومعجزاته باحبه أكتر كل ي – و - م
أنا باحب ي – س – و – ع أنا باسبح ي – س – و - ع
أنا باطيع ي – س – و – ع باحبه أكتر كل ي – و – م
ي – س – و – ع باحب ي – س – و – ع
باسبح ي – س – و - ع باطيع ي – س – و – ع
باحبه أكتر كل ي – و – م باحبه أكتر كل ي – و - م
هو فاديَّ – هو راعيَّ باحبه أكتر كل ي – و - م
باحبه أكتر كل ي – و – م باحبه أكتر كل ي – و - م
عشان أمثاله – ومعجزاته باحبه أكتر كل ي – و - م

١- أنا كمانجة بأوتار ومفاتيح وباسبح يسوع المسيح
هللويا بافرح لما أسبح يسوع هللويا بافرح
كمانجة أعزف له كمانجة وأهتف له
٢- أنا جيتار وعندي ست أوتار وباسبح بكوردات كتار
هللويا بافرح لما أسبح يسوع هللويا بافرح
وأعزف له ع الجيتار
٣- أنا أكورديون بمنفاخ وزراير بتسبيحي إبليس حاير
هللويا بافرح لما أسبح يسوع هللويا بافرح
وأعزف له أكورديون
٤- أنا ساكسفون لي طمونات أعزف له أحلى الترنيمات
هللويا بافرح لما أسبح يسوع هللويا بافرح
وأعزف له ساكسفون

١- ربي بيحب الأطفال كل أطفال البلاد
كلنا في عينيه جمال كلنا بنات وأولاد

القرار - يسوع بيحبنا .. أطفال كل البلاد

٢- ربي يسوع بيحبنا زي ما كتابه قال
لنا بياخد باله مننا كمان وفدانا كلنا
مصر والجزائر وسوريا ولبنان تونس
والعراق ليبيا والسودان السعودية واليمن
المغرب وعمان الكويت والإمارات
الأردن وإيران البحرين وفلسطين قطر
أفغانستان إسبانيا وأرمينيا روسيا واليونان
ألمانيا وإيطاليا الصين وتايوان كندا
وأستراليا الهند وباكستان فرنسا
وبريطانيا وأمريكا كمان