عياد ظريف (5 ترنيمة )

القرار – (بدلت حياتي بنظرة من الحزن للأفراح
وضمنت ماضيَّ وبكرة وبقيت عايش مرتاح)2

1-(أنا يومها صرخت سامحني واغفر لي كل ذنوبي
في الحال بدماك غطيتني وسترت لي كل عيوبي)2
2-(من يومها وعزي معاك بيزيد والقلب سعيد
أنا دُقتك يا محلاك وصار الكل جديد)2
3- (تستاهل انت يا غالي كلمات شكري وتسبيحي
ده مقامك عندي عالي ما انت ربي ومسيحي)2

القرار - عام عدى بيشهد لصلاحك ويخبر بالحب يا غالي
ع الأذرع محمول وحنانك طول أيامي يعم كياني
1- كنت قريب مني في ضيقي كنت حنيني كنت صديقي
طول أيامي في كل طريقي
ما لقيتش إلا الفرح معاك والروح بيوديني سماك
2- عام عدى وقبله أعوام طول العمر بتدي سلام
أصلك غالي يا رب وثابت مش بتأثر فيك أيام
فرحي كامل وأنا معاك
3- كنت رحيم بيَّ في زلاتي أسرعت بحبك لنجاتي
جيت رديت نفسي ونغماتي وشفاعتك ليَّ بدماك
نفسي أبقى معاك في علاك
4- عام عدى وعدت أيامه عدى بأفراحه وآلامه
بيقصر رحلة غربتنا ويقرب لحظة فرحتنا
وياك يا يسوعنا في سماك

المجد لله في الأعالي لما جالنا من الأعالي سيد الأسياد وليد
يهوه جالنا في الجسد وسطنا هنا اتولد جه في صورة العبيد
والرعاة عرفوا الخبر لما جيش الله ظهر رنموا اللحن الجديد
جالنا في المذود حمل وبإيدين سمعان حُمِل رب يحمل من العبيد
يا بشر استقبلوه في القلوب وملكوه ده المخلص الوحيد

القرار- بيت لحم الصغرى فازت أن تكون الأعظم
من فيها راحيل ماتت فيها جاء المنعم
1- أبشري يا أرض جاء من لكِ يوماً صنع
جاءنا العظيم جاء جاءنا هنا اتضع
2- ها مجوس الشرق جاؤوا للوليد زائرين
تابعين النجم جاؤوا بالهدايا حاملين
3- افرحي يا أرض قومي هللي نجم أنار
جاء رب المجد قومي ها خلاص الرب صار
4- بيت لحم الصغرى فازت أن تكون الأعظم
فيها بشرى الفرح جاءت بميلاد المنعم

1- كنت أتمنى أكون واحد من المجوس أسجد لرب الكون مفتدي النفوس
كنت أتمنى أكون نجم الشرق المنير أهدي الضال الحيران وأوصله للقدير
القرار- كنت أتمنى أكون
2- كنت أتمنى أكون واحد من الرعاة أعرف خبر المولود رئيس الحياة
كنت أتمنى أكون المذود الصغير أرحب بالمولود الطفل الفقير
3- كنت أتمنى أكون نغمة في لحن جميل أنشد لرب الكون أجمل الأناشيد
كنت أتمنى أكون في موكب السماء أعزف على القيثار مجداً في العلا