باسم شكري (24 ترنيمة )

1- (عايز أحبك بجد مش بالقول والكلام
ولا يبقى في قلبي حد أبقى لك بالتمام)2
(ده أنا ياما قُلت إني بحبك وقلبي مش معاك
وياما شهدت عن حُبك والفكر بعيد هناك)2
2- (عايز أرنم وأعيش كل الكلام اللي أقوله
والفرحه ما تنتهيش في الغربة الليل بطوله)2
(ده أنا ياما هتفت بلساني وقلبي بينزف دموع
والضعف في قلبي قسّاني وعشش بين الضلوع)2
3-(عايز أدوب في الكتاب وأعيش بين السطور
وأرتاح أنا من عذاب البعد والفتور)2
(ده أنا ياما مسكته بأيدي وما حسش قلبي بيه
وياما قريته بعيني وما عِشتش باللي فيه)2

1- (دايماً تسمع لصلاتي قلبك شاعر أناتي
قبل ما أجيلك واحكيلك ألقاك تسمع لآهاتي)2
وتجاوب على صرخاتي تنقذني في وقت ضيقاتي
وفي لحظة لما أناديلك ألقاك تسرع لنجاتي
2- (عالم كل احتياجاتي رغم همومي وحساباتي
أرفع قلبي واصليلك وألقاك عارف طلباتي)2
و بتشهد كل حياتي قصة عمري وحكاياتي
عن نعمة وخير ومراحم في ماضيَّ وعمري الآتي
3- (ما في يوم طولت عليَّ إلا وقصدك خير ليَّ
ثقتي في قلبك يا فاديَّ مليان رحمة وحنية)2
ده كفاية عليَّ وجودك لما أصرخلك بوعودك
مش عايز حد سواك يا محلي الغربه بجودك

1- (قُمت والظلام باقٍ أبحث عن الحبيب
قُمت في قلبي اشتياقٌ في يدي للكفن طيب)2
(قمت ناديت وبكيت أين وضعتوا ربي الحبيب؟
أجابني صمت الموت يبدو كأنه لا مجيب)2

القرار: (لم انشغل بثِقل الحجر لم انشغل بأني بشر
كان انشغالي بأنك حملت عنّي كل شر
لم أرهب ظلام القبور والحرس والناس تثور
كان إيماني بأنك لك سيدي في الموت مفر)2

2- (لم أجدك لكني صرخت أخبرني أين ذهبت؟
لست وسط الموت أنت، أنت حيٌ أنت قمت)2
(كنت أظنك تبتعد لكنك في القلب سكنت
قُمت تجيبني بالوعد قُمت معك حين قُمت)2

القرار- (يا عَالِم الأحوال قادر تريح بال المتكلين عليك
نرمي عليك أحمال ترشدنا في الترحال ويزيد إيماننا فيك)2

1- ما انت اللي عارف ضعفنا وانت اللي كاشف عجزنا
رغم اللي فينا بتحبنا ما احنا غاليين عليك
2- وانت الصديق ما بتهملنا طول الطريق بتحملنا
وفي كل ضيق تشكلّنا كل اتكالنا عليك
3- خلينا نحيا أيامنا شايفينك انت قدامنا
وسلوكنا من قبل كلامنا يِمجدك يا مَليك

القرار- (قوم نادي للتعابى بالتوبة والرجوع
وقرب من الغلابة وعرفهم يسوع)2
1-(كلمهم عن يسوع صلي لهم بالدموع
بحياتك أشهد له وبصوتك المسموع)2
2- (قوم نادي وقول لهم ده مات من أجلهم
وزي ما غيرك جاهد في ربحهم)2
3-(قوم نادي بكلمته بحنانه بمحبته
ولا خوفك يمنعك ده الكل بنعمته)2
4-(من قلبك حبهم وقدر ذُلهم
وتمم خدمتك بحياتك وسطهم)2

1- (سيدك وسيدي عظيم عمره ما ينسانا
اهتف له بالترنيم و افرح كده معانا)2..افرح كده معانا

القرار – (اشكر وزيد الشكر لما الظروف تقوى
سيدك في يده الأمر ومن الظروف أقوى)2

2- (ربك في إيده الكل لا تخاف ولا تخمِّن
لا بينسى ولا بيمل سلِّم له واطَّمِّن)2..سلِّم له واطَّمِّن
3- (لا تخاف من الأهوال ولا تنشغل بيها
ولا تشتكي الأحوال سيدك يعديها)2..سيدك يعديها

القرار- (اللي يجيلك ربي حالاً راح يلاقيك
يلقى محبة ونعمة وخير من مِلء إيديك)2


1- يشبع بيك يتلذذ تفتح له أحضانك
ينسى الوقت معاك ياربي ما أحلى كلامك
تكشف فكرك ربي وتعلن ذاتك ليه..ده اللي يجيلك
2- تفتح ذهنه ويعرف ازاي قلبك حَبُّه
مُت وكانت كُلفة وصرت خطية لأجله
كل غِناك يبقى له وتملا الغربة عليه..لما يجيلك
3- يمسك بيك يتعلق عارفك هاتنجيه
مهما إن كان الضيق واثق في غلاوته عليك
والمواعيد إن طالت لازم تيجي أكيد..بس يجيلك

القرار – (بدلت حياتي بنظرة من الحزن للأفراح
وضمنت ماضيَّ وبكرة وبقيت عايش مرتاح)2

1-(أنا يومها صرخت سامحني واغفر لي كل ذنوبي
في الحال بدماك غطيتني وسترت لي كل عيوبي)2
2-(من يومها وعزي معاك بيزيد والقلب سعيد
أنا دُقتك يا محلاك وصار الكل جديد)2
3- (تستاهل انت يا غالي كلمات شكري وتسبيحي
ده مقامك عندي عالي ما انت ربي ومسيحي)2

1- (قلبك كبير مالهوش حدود حبك هداني بعد الشرود
أيدك بحب ترشد تقود صوتك في بُعدي خلاني أعود)2
القرار - حبك بان فوق الصليب كُلك حنان حبك عجيب
طول الزمان ولا يوم تخيب (صرخة أمل فيك يا حبيب)2
2- (قلبي الأثيم دايماً يخون بس أنت قلبك طيب حنون
تفضل معايا بحب تصون ولا عمر نفسي عليك هاتهون)2
3- (عديني فوق كل السدود حبك في قلبي خليه يسود
أنسى القيود وأنسى الفروض أحيا بكلامك وبالوعود)2

1- أنا شايف خشب كتير شايف شاكوش وكمان مسامير
ده جدو نوح باين عليه بيبني فلك هايسكن فيه
(وكل الناس عليه بتبص لما وصل شغله للنص
وكلهم سدوا الودان ونوح بيحكي عن الطوفان)2

القرار - اللي بيسمع وبيتعلم هايبقى هو الكسبان
افتح ودنك ركز وافهم مش هاتكون أبداً ندمان

2- جدو نوح عمل مقاسات عشان تكفي الحيوانات
كل أتنين داخلين مع بعض زي ما قال الله بالظبط
(وكل دقة من المسمار كانت بتترجى الأشرار
بتقول لهم ده الوقت خلاص طيعوا كلام الرب يا ناس)2

3- نوح دخل وولاده معاه هم اللي سمعوا كلام الله
والرب خلاص قفل الباب والفرصة كانت للي تاب
(تعرف ده ممكن يحصل لك لو تتسمر في محلك
اجري بسرعة تعالَ إليه ده هو الفلك احتمي فيه)2